Header Ads

ລາວ-ຈີນ ຮ່ວມມືກັນໃນຂົງເຂດ ໂທລະຄົມມະນາຄົມ ແລະ ໄອຊີທີ


ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງໄປ ສະນີໂທລະຄົມມະນາຄົມ ແລະ ການສື່ສານ (ປທສ) ແຫ່ງ ສປປ ລາວ ໄດ້ຕ້ອນຮັບການ ຢ້ຽມຢາມ ແລະ ພົບປະຂອງ ທ່ານ ຊາງ ເຟິງ (ZHANG FENG) ຮອງລັດຖະມົນຕີ ກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານ (MIIT) ແຫ່ງ ສປ ຈີນ ພ້ອມ ດ້ວຍຄະນະເນື່ອງໃນໂອກາດ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງ ເປັນທາງການໃນລະຫວ່າງວັນ ທີ 3 – 6 ທັນວານີ້. 

ໃນໂອກາດໄດ້ເດີນທາງ ມາຢ້ຽມຢາມ ແລະ ພົບປະໃນ ຄັ້ງນີ້, ສອງຝ່າຍໄດ້ປຶກສາຫາ ລື, ເພີ່ມທະວີການຮ່ວມມືທາງ ດ້ານ ICT ຂອງ ສອງຊາດ ສປປ ລາວ ແລະ ສປ ຈີນ ກໍຄືກະຊວງ ປທສ ແລະ ກະຊວງ MIIT ແຫ່ງ ສປ ຈີນ ເພື່ອຊຸກຍູ້ການຮ່ວມມື ພັດທະນາວຽກງານຂະແໜງ ການ ICT ໂດຍສະເພາະ ທັງ ສອງຝ່າຍໄດ້ຮ່ວມລົງນາມໃນ ບົດບັນທຶກຄວາມເຂົ້າໃຈ ວ່າ ດ້ວຍການຮ່ວມມືໃນຂົງເຂດ ໂທລະຄົມມະນາຄົມ ແລະ ເຕັກໂນໂລຊີການສື່ສານຂໍ້ມູນ ຂ່າວສານ (ICT) ເພື່ອເປັນ ບ່ອນອີງໃນການຮ່ວມມືໃນຕໍ່ ໜ້າ ໂດຍລັດຖະບານ ແຫ່ງ ສປປ ລາວ ກໍຄືລັດຖະບານ ແຫ່ງ ສາທາລະນະລັດ ປະ ຊາຊົນຈີນໄດ້ເຫັນເຖິງຄວາມ ໝາຍຄວາມສຳຄັນຂອງບົດ ບາດວຽກງານໂທລະຄົມມະນາ ຄົມ ແລະ ICT ເພື່ອປະກອບ ສ່ວນເຂົ້າໃນການພັດທະນາ ເສດຖະກິດ – ສັງຄົມພາຍໃນປະ ເທດ ແລະ ໃນລະດັບສາກົນ. ຮອງລັດຖະມົນຕີກະຊວງ ປທສ ໄດ້ຕີລາຄາສູງຕໍ່ການ ຢ້ຽມຢາມຂອງທ່ານ ຊາງເຟິງ (ZHANG FENG) ຊຶ່ງໃນໄລ ຍະຜ່ານມາ ສອງຝ່າຍໄດ້ມີ ການຮ່ວມມືຜ່ານຂອບການ ຮ່ວມມືພາກພື້ນ ແລະ ສາກົນ, ເປັນຕົ້ນການກໍ່ສ້າງບຸກຄະລາ ກອນທາງດ້ານ ICT, ສະໜັບ ສະໜູນດ້ານການເງິນໃນການ ກໍ່ສ້າງໂຄງລ່າງພື້ນຖານ. ພາກ ທຸລະກິດກໍໄດ້ມີການຮ່ວມ ມືກັນເຊັ່ນ: ບໍລິສັດດາວທຽມ ລາວເອເຊຍ – ປາຊີຟິກ ຈຳກັດ (LaoSAT), ບໍລິສັດໂທລະ ຄົມມະນາຄົມລວມທັງບໍລິສັດ ສະໜອງອຸປະກອນ ICT ສຳ ລັບກະຊວງ ປທສ ກໍໄດ້ມີ ການຮ່ວມມືສະເພາະດ້ານ, ເປັນຕົ້ນການຮ່ວມມືລະຫວ່າງ ສູນອິນເຕີເນັດແຫ່ງຊາດ (LANIC) ແລະ ສູນເຄືອຂ່າຍ ຂໍ້ມູນຂ່າວສານ (CNNIC) ສປ ຈີນ ແລະ ການຝຶກອົບຮົມໃນ ເດືອນຕຸລາ ຜ່ານມາ. ກະຊວງ ປທສ ກໍໄດ້ໄປຢ້ຽມຢາມ ແລະ ແລກປ່ຽນບົດຮຽນນຳ ສປ ຈີນ ຫຼາຍຄັ້ງ.

 ການຮ່ວມມືລະຫວ່າງ ສອງກະຊວງແມ່ນມີຢ່າງຕໍ່ເນື່ອງ ແລະ ຫຼາຍລະດັບ. ການມາເຮັດ ວຽກຂອງທ່ານໃນຄັ້ງນີ້ ກາຍ ເປັນບາດກ້າວໜຶ່ງທີ່ເປັນພື້ນ ຖານໃຫ້ແກ່ການຮ່ວມມືທາງ ດ້ານການຄຸ້ມຄອງວຽກງານໂທ ລະຄົມມະນາຄົມ ແລະ ICT ລະຫວ່າງສອງປະເທດ ເພື່ອ ຮອງຮັບໃຫ້ແກ່ການເຊື່ອມໂຍງ ກັບບັນດາປະເທດອາຊຽນ ທັງເປັນການຕອບສະໜອງໃຫ້ ແກ່ການຈັດຕັ້ງປະຕິບັດ ແລະ ບັນລຸເຖິງເປົ້າໝາຍຍຸດທະສາດ ການພັດທະນາທາງດ້ານໂທ ລະຄົມມະນາຄົມ ແລະ ໄອຊີ ທີໃນຂົງເຂດຂອງອາຊຽນ. ພ້ອມກັນນີ້ ທັງສອງຝ່າຍ ໄດ້ເຊັນບົດບັນທຶກຄວາມເຂົ້າ ໃຈ ລະຫວ່າງສູນສະກັດກັ້ນ ແລະ ແກ້ໄຂເຫດສຸກເສີນທາງຄອມ ພິວເຕີ ແຫ່ງ ສປປ ລາວ ກັບ ສູນປະສານງານ ແລະ ແກ້ໄຂ ເຫດສຸກເສີນດ້ານເຕັກນິກຂອງ ສປ ຈີນ ເພື່ອສ້າງຈຸດປະສານ ງານ, ແລກປ່ຽນຂໍ້ມູນຂ່າວສານ ດ້ານຄວາມປອດໄພທາງໄຊ ເບີ, ຊ່ວຍເຫຼືອແກ້ໄຂເຫດສຸກ ເສີນ ແລະ ໂຄງການຮ່ວມມື ຕ່າງໆ ສຳລັບ ສປປ ລາວ ການພັດທະນາວຽກງານໂທ ລະຄົມມະນາຄົມ ແລະ ICT ຍັງ ປະເຊີນກັບສິ່ງທ້າທາຍຫຼາຍ ດ້ານ ແລະ ມີຄວາມຈຳເປັນ ຕ້ອງມີການແລກປ່ຽນບົດຮຽນ ແລະ ປະສົບການກັບບັນດາ ປະເທດທັງພາກພື້ນ ແລະ ສາ ກົນ ເພື່ອນຳມາດັດປັບໝູນໃຊ້ ເຂົ້າໃນການພັດທະນາວຽກ ງານໂທລະຄົມມະນາຄົມ ແລະ ICT ໃຫ້ມີປະສິດທິຜົນ ແນໃສ່ ປະກອບສ່ວນເຂົ້າໃນການພັດ ທະນາເສດຖະກິດ – ສັງຄົມ ຂອງ ສປປ ລາວ ຫຼາຍຂຶ້ນກ່ວາ ເກົ່າ ທັງສ້າງເງື່ອນໄຂໃຫ້ ສປປ ລາວ ສາມາດເຊື່ອມໂຍງກັບ ພາກພື້ນ ແລະ ສາກົນ. 
ຂ່າວ: ລາວເຊີດ ປທສ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.