Header Ads

ໄຟໄໝ້ ເຈດີໄມ້ ວັດຈິ່ວຫຼົງ ປະເທດຈີນ! (ມີຄລິບ)


ຂ່າວຕ່າງປະເທດ: ລາຍງານຈາກ ເຫດເກີດຂຶ້ນໃນວັນທີ່ 10 ທັນວາ 2017 ເວລາ 12:40 ໂມງ ເກີດເຫດໄຟໄໝ້ຄັ້ງໃຫຍ່ ທີ່ໜ້າສະຫຼົດໃຈທີ່ ວັດຈິ່ວຫຼົງ ເມືອງໝຽນຈູ໋ ແຂວງເສສວນ, ປະເທດຈີນ.

ສະພາບໄຟໄໝ້ແມ່ນໄດ້ເຮັດໃຫ້ ອາຣາມ ຫຼັກຂອງວັດ ແລະ ເຈດີໄມ້ ສູງ 16 ຊັ້ນ ເຊິ່ງໄດ້ ຊື່ວ່າ ສູງ ທີ່ສຸດ ໃນ ທະວີບ ອາຊີ ໄໝ້ເສຍຫາຍໝົດ.



 ເຈດີໄມ້ແຫ່ງນີ້ ສ້າງມາເປັນເວລາ 8 ປີ ຄວາມສູງ 16 ຊັ້ນ ຫຼື ປະມານ 80 ກວ່າແມັດ ສ້າງດ້ວຍຮູບແບບສະຖາປັດຕະຍະກຳບູຮານຂອງຈີນ. ຜູ້ທີ່ຢູ່ໃນສະຖານທີ່ເກີດ ເຫດ ໄດ້ຖ່າຍພາບວິດີໂອ ຂະນະໄຟໄໝ້ໄວ້ໄດ້ພ້ອມວິນາທີທີ່ເຈດີໄມ້ແຫ່ງນີ້ຖືກໄຟເຜົາທຳລາຍຈົນຖະຫຼົ່ມລົງຕໍ່ໜ້າຕໍ່ຕາປະຊາຊົນ.

ພາຍໃນຄລິບວິດີໂອຍັງໄດ້ຍິນ ສຽງຮ້ອງ ຂອງປະຊາຊົນ ດ້ວຍຄວາມສະຫຼົດໃຈດັງມາບໍ່ຂາດສາຍ ກັບການສູນເສຍປູສະນິຍະສະຖານສຳຄັນແຫ່ງນີ້.


ໄຟໄໝ້ກິນພື້ນທີ່ 800 ຕາແມັດ ໄຟມອດລົງຕອນເວລາ 16:30 ໂມງ ແລະ ຍັງບໍ່ມີລາຍງານຜູ້ເສຍຊີວິດ . ສ່ວນສາເຫດໄຟໄໝ້ຍັງຄົງຢູ່ລະຫວ່າງການສືບສວນຂອງເຈົ້າໜ້າທີ່.

ນີ້ເປັນການສູນເສຍ ປູສະນິສະຖານສຳຄັນຂອງຈີນ ເພາະເປັນສະຖານທີ່ສຳຄັນທາງດ້ານສາສະໜາ ແລະ ເປັນຈຸດດຶງດູດການທ່ອງທ່ຽວ.

ພາບແລະຂ່າວ: CGTN


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.