Header Ads

ທ່ານທອງສິງ ທຳມະວົງ ອາດີດນາຍົກລັດຖະມົນຕີ, ປຶກສາຄະນະບໍລິຫານງານສູນກາງພັກ ຢ້ຽມຢາມ ແຂວງຫຼວງນໍ້າທາ



ໃນວັນທີ 13 ທັນວາ ທ່ານ ທອງສິງ ທຳມະວົງ ທີ່ປຶກສາຄະນະບໍລິຫານງານສູນກາງພັກ ພ້ອມດ້ວຍຄະນະ ກໍໄດ້ສືບຕໍ່ເດີນທາງໄປແຂວງຫລວງນຳ້ທາ ເພື່ອລົງຊຸກຍູ້ຊີ້ນຳວຽກງານຈັດຕັ້ງ, ກໍ່ສ້າງພັກ-ພະນັກງານ ໂດຍເປັນກຽດຕ້ອນຮັບໂດຍທ່ານ ເພັດຖາວອນ ພິລາວັນ ກຳມະການສູນກາງພັກ ເລຂາພັກແຂວງ ເຈົ້າຫລວງນຳ້ທາ ພ້ອມດ້ວຍຄະນະ ຊຶ່ງໃນການເຄື່ອນໄຫວວຽກງານໃນຄັ້ງນີ້



ທ່ານ ທອງສິງ ທຳມະວົງ ຍັງໄດ້ຮັບຟັງການລາຍງານ ຈາກທ່ານເຈົ້າແຂວງໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ X ຂອງພັກ ກໍຄືມະຕິກອງປະຊຸມໃຫຍ່ ຜູ້ແທນອົງຄະນະພັກແຂວງຫລວງນຳ້ທາ ຄັ້ງທີ VII ເວົ້າລວມ, ເວົ້າສະເພາະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ແລະ ວຽກງານຈັດຕັ້ງ, ກໍ່ສ້າງພັກ-ພະນັກງານ.


ຄະນະຜູ້ແທນຍັງໄດ້ເດີນທາງໄປຢ້ຽມຊົມການພັດທະນາເຂດເສດຖະກິດພິເສດບໍ່ເຕັນ, ການເຈາະອຸມົງທາງລົດໄຟຟ້າ ລາວ-ຈີນ ພ້ອມດຽວກັນນັ້ນ ທ່ານ ທອງສິງ ທຳມະວົງ ຍັງໄດ້ເດີນທາງໄປຢ້ຽມຢາມ ພົບປະໂອ້ລົມອຳນາດການປົກຄອງບ້ານ ແລະພໍ່ແມ່ປະຊາຊົນບ້ານນຳ້ແງ້ນ ເມືອງຫລວງນຳ້ທາ ແຂວງຫລວງນຳ້ທາ ຊຶ່ງເປັນບ້ານພັດທະນາ ແລະ ທັງແມ່ນບ້ານທີ່ຖືກຳນົດເປັນບ້ານເຮັດທົດລອງວຽກງານສາມສ້າງຂອງແຂວງ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.