Header Ads

ກອງປະຊຸມໃຫຍ່ຄັ້ງທີ່ I ຂອງຜູ້ແທນຊາວໜຸ່ມໂຍທາທິການ ແລະ ຂົນສົ່ງ ເມືອງເງິນ ແຂວງໄຊຍະບູລີ


ກອງປະຊຸມໃຫຍ່ຄັ້ງທີ່ I ຂອງຜູ້ແທນຊາວໜຸ່ມໂຍທາທິການ ແລະ ຂົນສົ່ງ ໄດ້ຈັດຂື້ນຢ່າງເປັນທາງການ. ໃນວັນທີ່ 21 ທັນວາ 2017 ນີ້ ຢູ່ທີ່ຫ້ອງປະຊຸມຫ້ອງການລາວໂທລະຄົມ ເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານ ຂອງສະຫາຍ ຂີນພອນ ຈັນທະວອນ ເລຂາຊາວໜຸ່ມໜ່ວຍໂຍທາທິການ ແລະ ຂົນສົ່ງ, ເຂົ້າຮ່ວມເປັນກຽດ ມີ ສຫ ສົມເດດ ຄຳພາ ກຳມະການພັກເມືອງ ເລຂາໜ່ວຍພັກ ຫົວໜ້າຫ້ອງການໂຍທາທິການ ແລະ ຂົນສົ່ງ. ມີ ສຫ ຕຸ້ຍ ພົມມະຫານ ຮອງເລຂາຄະນະບໍລິຫານຊາວໜຸ່ມເມືອງ, , ມີເລຂາຊາວໜຸ່ມໜ່ວຍອ້ອມຂ້າງ ແລະ ຜູ້ແທນຊາວໜຸ່ມເຂົ້າຮ່ວມ.

ສຫ ຂີນພອນ ຈັນທະວອນ ເລຂາຊາວໜຸ່ມໜ່ວຍໂຍທາທິການ ແລະ ຂົນສົງ ກໍ່ໃຫ້ກຽດຂື້ນຜ່ານບົດລາຍງານການເມືອງທັງ 2 ພາກ. ເພື່ອເປັນການສະຫຼຸບຕີລາຄາຜົນການຈັດຕັ້ງປະຕິບັດ ວຽກງານໃນໄລຍະ 3 ປີຜ່ານມາ, ຊາວໜຸ່ມໜ່ວຍໂຍທາທິການ ແລະ ຂົນສົງ ມີ ສະມາຊິກທັງໝົດ 14 ສຫ, ຍິງ 4 ສຫ. ໄລຍະ ຜ່ານມາ ແມ່ນໄດ້ສຶກສາອົບຮົມການເມືອງແນວຄິດເປັນກົກ, ນຳເອົາແນວທາງ - ແຜນນະໂຍບາຍຂອງພັກ, ມະຕິ, ຄຳສັ່ງ, ຂໍ້ກຳນົດ-ກົດລະບຽບ, ກົດໝາຍ,ມາເຜີຍແຜ່ເຊື່ອມຊືມໃຫ້ສະມາຊິກ ຢ່າງກວ້າງຂວາງເລີກເຊິ່ງ ສະແດງອອກ ສະມາຊິກຊາວໜຸ່ມປະຊາຊົນປະຕິວັດລາວ ໄດ້ປະເພດແຂງ ທັງ 14 ສະຫາຍ, ປະຕິບັດຂໍ້ແຂ່ງຂັນ 4 ບຸກໄດ້ເປັນຢ່າງດີ


ທິດທາງ 5 ປີຕໍ່ໜ້າ  ຈະເພີມທະວີການສຶກສາອົບຮົມການເມືອງແນວຄິດ ຕິດແໜ້ນກັບ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ. ສູ່ມໃສ່ສ້າງເສດຖະກິດ ຄອບຄົວໃຫ້ເຂັ້ມແຂງ, ສ້າງແນວຄິດໃຫ້ເປັນເຈົ້າຕົນເອງ ແນວຄິດປະຫຍັດມັດທະຍັດ ເພື່ອແກ້ໄຂຊີວິດການເປັນຢູ່ໃຫ້ດີຂື້້ນເປັນກ້າວໆ,
ກອງປະຊຸມ ຍັງໄດ້ເປັນເອກະພາບ ປະຊາມະຕິເອົາຄະນະໜ່ວຍຊາວໜຸ່ມຊຸດໃໝ່:
  1. ໄດ້ ສຫ ພູວຽງ ຄຳພາ ເປັນເລຂາໜ່ວຍຊາວໜຸ່ມ ຜູ້ໃໝ່
  2. ສຫ ອິ່ນແກ້ວ ຂັດຄຳ ເປັນຮອງເລຂາ
  3. ສຫ ນາງ ດາວນ້ອຍ ວັນນະພາຜົນ ເປັນຄະນະ.
ຂ່າວ-ພາບ ໂດຍ: ອິນແປງ ແຫວນຄໍາ







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.