Header Ads

ແນວລາວສ້າງຊາດ ບ້ານຫຼວງມີໄຊ ເປີດກອງປະຊຸມໃຫຍ່ຄັ້ງທີ III



ວັນທີ 26 ທັນວາ 2017 ນີ້ຢູ່ທີ່ຫໍປະຊຸມບ້ານຫຼວງມີໄຊ ເມືອງເງິນ ແຂວງ ໄຊຍະບູລີ ໄດ້ເປີດກອງປະຊຸມໃຫຍ່ຄັ້ງທີ III ຂອງແນວລາວສ້າງຊາດບ້ານຫຼວງມີໄຊ ພາຍໃຕ້ການເປັນປະທານຂອງທ່ານ ນິດ ບຸນມານະທໍາ ເລຂາໜ່ວຍພັກນາຍບ້ານ, ເຂົ້່າຮ່ວມເປັນກຽດມີທ່ານ ບຸນຕັນ ມາສຸວັນ ກຳມະການພັກເມືອງ ປະທານແນວລາວສ້າງຊາດເມືອງ, ມີປະທານແນວລາວສ້າງຊາດບ້ານ, ເຖົ້າແກ່ຜູ້ຊົງຄຸນວຸດທິ, ແຂກ, ຜູ້ແທນກອງປະຊຸມເຂົ້າຮ່ວມທັງໝົດ 73 ທ່ານ, ຍິງ 37 ທ່ານ.


ກອງປະຊຸມໃຫຍ່ໄດ້ຄົ້ນຄວ້າ ແລະ ເຫັນດີ ນຳບົດລາຍງານການເມືອງທີ່ໄດ້ຕີລາຄາຜົນສຳເລັດຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ III ຂອງຄະນະກຳມະການແນວລາວສ້າງຊາດເຊິ່ງສະເໜີໂດຍແມ່ນທ່ານ ສົມລິດ ສິລິສົມບັດ ແລະ ທິດທາງແຜນການ 5 ປີຕໍ່ໜ້າ. ບ້ານຫຼວງມີໄຊ ປະກອບມີ 224 ຄອບຄົວ, ມີ 22 ໜ່ວຍຄຸ້ມຄອງພົນລະເມືອງ, ໃນຊຸມປີຜ່ານມາແນວລາວສ້າງຊາດບ້ານພວກເຮົາໄດ້ສຸມໃສ່ປຸກລະດົມ ແລະ ນຳພາປະຊາຊົນເຂົ້າຮ່ວມເຊື່ອມຊຶມ ແລະ ຮ່ຳຮຽນແນວທາງນະໂຍບາຍ, ມະຕິ, ຄຳສັ່ງ, ລະບຽບກົດໝາຍ, ເອກະສານການສ້າງຄອບຄົວ ແລະ ບ້ານສາມັກຄີ, ເອກະສານຄວາສາມັກຄີຂອງປະຊາຊົນບັນດາເຜົ່າ ແລະ ເອກະສານອື່ນໆ ທີ່ຂັ້ນເທິງລົງມາເຜີຍແຜ່ໄດ້ທັງໝົດ 6 ຄັ້ງ, ມີຜູ້ເຂົ້າຮ່ວມ 575 ເທື່ອຄົນ.







ກອງປະຊຸມໄດ້ສະແດງຄວາມເປັນເອກະພາບ ແລະ ຮັບຮອງເອົາບົດສຳຫຼວດການນຳພາຂອງຄະນະກຳມະການແນວລາວສ້າງຊາດບ້ານຊຸດເກົ່າ ທີ່ໄດ້ຕີລາຄາດ້ານດີ, ດ້ານອ່ອນ ຂໍ້ຄົງຄ້າງໃນການຈັດຕັ້ງປະຕິບັດວຽກງານໃນຊຸມປີຜ່ານມາ. ກອງປະຊຸມໄດ້ຄົ້ນຄວ້າເປັນເອກະພາບ ແລະ ຮັບຮອງເອົາການແຕ່ງຕັ້ງຄະນະກຳມະການແນວລາວສ້າງຊາດຊຸດໃໝ່ເຊິ່ງແມ່ນຜູ້ທີ່ມີຄວາມຕື່ນຕົວສະໝັກໃຈເຂົ້າຮ່ວມ ແລະ ເຫັນດີເຫັນພ້ອມໃນການປະຕິບັດລະບຽບກົດໝາຍຂອງແນວລາວສ້າງຊາດທຸກປະການໃນຈຳນນ 14 ທ່ານ ຍິງ 4 ທ່ານ ເຊິ່ງໄດ້ທ່ານ ນິດ ວົງສາ ເປັນປະທານແນວລາວສ້າງຊາດຊຸດໃໝ່ ແລະ ທ່ານ ນວນ ແສງຈັນຄຳ ເປັນຮອງ.


ໂດຍ: ອິນແປງ ແຫວນຄຳ









------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.