Header Ads

ແນວລາວສ້າງຊາດບ້ານຂອນ ສຳເລັດກອງປະຊຸມໃຫຍ່ ຄັ້ງທີ IV ຂອງຕົນ.



ວັນທີ 14 ທັນວາ 2017 ນີ້ ຢູ່ທີຫໍປະຊຸມບ້ານຂອນ ເມືອງເງິນ ແຂວງ ໄຊຍະບູລີ ໄດ້ເປີດກອງປະຊຸມໃຫຍ່ຄັ້ງທີ IV ຂອງແນວລາວສ້າງຊາດບ້ານຂອນ ຂື້ນຢ່າງເປັນທາງການ. ພາຍໃຕ້ການເປັນປະທານຂອງ ທ່ານ ດີພອນ ເທບປັນຍາ ເລຂາໜ່ວຍພັກນາຍບ້ານ, ເຂົ້າຮ່ວມເປັນກຽດ ມີທ່ານ ບຸນຕັນ ມາສຸວັນ ກຳມະການພັກເມືອງ ປະທານແນວລາວສ້າງຊາດເມືອງ, ມີປະທານແນວລາວສ້າງຊາດບ້ານ, ຜູ້ແທນ, ແຂກຖືກເຊີນ,ຜູ້ຊົງຄຸນວຸດທິ, ຜູ້ອາວຸໂສ, ພາຍໃນບ້ານເຂົ້າຮ່ວມ120 ທ່ານ ຍິງ 40 ທ່ານ ແລະ ພຣະສົງ 1 ອົງ


ກອງປະຊຸມໄດ້ສະຫຼຸບຕີລາຄາຄືນຜົນສຳເລັດຂອງການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ 3 ຂອງຄະນະກຳມະການແນວລາວສ້າງຊາດບ້ານ. ເຊີ່ງສະເໜີໂດຍ ທ່ານ ກອງສົມ ສຸລິເດດ ປະ ທານແນວລາວສ້າງຊາດບ້ານ ໃນໄລຍະ 5 ປີຜ່ານມາ ໄດ້ມີຜົນສຳເລັດຫຼາຍດ້ານ ເປັນຕັ້ນແມ່ນໄດ້ສຸມໃສ່ເປັນຄັນທຸງໃນການເຕົ້າໂຮມຄວາມສາມັກຄີປອງດອງກັບພໍ່ແມ່ປະຊາຊົນບັນດາເຜົ່າ ສະແດງອອກບ້ານໄດ້ເປັນບ້ານສາມັກຄີປອງດອງ ເປັນບ້ານທຳອິດຂອງເມືອງເງິນ ມີຄອບຄົວສາມັກຄີກັນດີ 335 ຄອບຄົວ.



 ທິດທາງ 5 ປີຕໍ່ໜ້າສຶບຕໍ່ໂຄສະນາສຶກສາອົບຮົມການເມຶອງແນວຄິດເປັນກົກໃຫ້ປະຊາຊົນ ພ້ອມທັງນຳເອກະສານມູນເຊື້ອວັນສຳຄັນຂອງຊາດຂອງພັກເຜີຍແຜ່ເຊື່ອມຊຶມ ເພື່ອແນໃສ່ເຮັດໃຫ້ເຂົາເຈົ້າມີນໍ້າໃຈຮັກຊາດ ຮັກບ້ານເກີດເມືອງນອນຂອງຕົນ ແລະ ສຶບຕໍ່ຮັກສາມູນເຊື້ອບ້ານສາມັກຄີປອງດອງ  ກອງປະຊຸມໄດ້ສະແດງຄວາມເປັນເອກະພາບ ແລະ ຮັບຮອງເອົາບົດສຳຫຼວດການນຳພາຄະນະກຳມະການແນວສ້າງຊາດຊຸດເກົ່າ ເຊິ່ງມີດ້ານດີ,ດ້ານອ່ອນ ແລະ ຂໍ້ຄົງຄ້າງ ໃນກາຈັດຕັ້ງປະຕິບັດວຽກງານໃນໄລຍະ 5 ປີຜ່ານມາ.
ຈາກນັ້ນ ກໍ່ໄດ້ຄົ້ຄວ້າຢ່າງເປັນເອກະພາບ ແລະ ຮັບຮອງເອົາການການແຕ່ງຕັ້ງຄະນະກຳມະການແນວລາວສ້າງຊາດຊຸດໃໝ່ ຈຳນວນ 15 ທ່ານ, ຍິງ 5 ທ່ານ ແລະ ພຣະສົງ 1 ອົງ ເຊີ່ງໄດ້ ທ່ານ ໜານໄລ ດີວັນນາ ເປັນປະທານແນວລາວສ້າງຊາດຜູ້ໃໝ່.
ໂດຍ: ສຸລິຍາ ແສງເດືອນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.