Header Ads

ໄປລັດເຊຍ ຍົກເວັ້ນຂໍວິຊາ ມີລາຍະອຽດດັ່ງນີ້! No VISA needed, for Lao to visit Russia



ອີງຕາມການແຈ້ງຂອງ ເພຈທາງການ ຂອງສະຖານທູດລັດເຊຍ ປະຈຳ ສປປລາວ ມີດັ່ງນີ້
-------------

ເຊີນມາລັດເຊຍແດ່! :)

ສັນຍາວ່າດ້ວຍການຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນຣັດເຊຍ ທີ່ໄດ້ລົງນາມໃນວັນທີ 08 ກັນຍາ 2016 ທີ່ ນະຄອນຫລວງວຽງຈັນ, ມີຜົນບັງຄັບໃຊ້ນັບແຕ່ວັນທີ 02 ທັນວາ 2017, ເຊິ່ງມີເນື້ອໃນສຳຄັນດັ່ງລຸ່ມນີ້:

1. ຜູ້ທີ່ຖືໜັງສືຜ່ານແດນທຳມະດາ ທີ່ມີອາຍຸນຳໃຊ້ໄດ້ ແລະ ບໍ່ມີຈຸດປະສົງໄປເຄື່ອນໄຫວຫາວຽກເຮັດງານທຳ, ສຶກສາຢູ່ຕາມສະຖາບັນການສຶກສາຕ່າງໆ ຫລື ດຳລົງຊີວິດຢູ່ແບບຖາວອນ ໃນດິນແດນ ຂອງຄູ່ສັນຍາ, ສາມາດເດີນທາງເຂົ້າ-ອອກ, ພັກເຊົາ ຫລື ຜ່ານດິນ ແດນຂອງອີກຝ່າຍໜຶ່ງ ໃນໄລຍະກຳນົດເວລາສາມສິບ (30) ວັນ ໂດຍບໍ່ຈຳເປັນຂໍວີຊາ.

2. ຜູ້ທີ່ຖືໜັງສືຜ່ານແດນທຳມະດາ ທີ່ບໍ່ໄດ້ລະບຸໃນຂໍ້ 1 ຈະຕ້ອງໄດ້ຂໍວີຊາເພື່ອເດີນທາງເຂົ້າໄປໃນດິນແດນຂອງຄູ່ສັນຍາ.

3. ໄລຍະກຳນົດຂອງການພັກເຊົາສຳລັບບຸກຄົນ ຢູ່ໃນດິນແດນຂອງຄູ່ສັນຍາທີ່ລະບຸໄວ້ໃນຂໍ້ 1 ສູງສຸດບໍ່ເກີນເກົ້າສິບ (90) ວັນ ໃນໄລຍະເວລາຮ້ອຍແປດສິບ (180) ວັນ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.