Header Ads

Red Bull: ສຸດຍອດການໂດດຈ້ອງ ແລ້ວຂຶ້ນຍົນກາງເວຫາ (ຊົມຄລິບ)


ບອກໄດ້ຄຳດຽວວ່າຄັກ ແລະ ທ້າທາຍສຸດ ເມື່ອ Red Bull ຈັດການທ້າທາຍ ແກ່ນັກໂດດຈ້ອງກາງເວຫາ ສອງຄົນ ຄື Fred Fugen ແລະ Vince Reffet ໂດຍໃຫ້ໂດດລົງພູເຂົາ ແລ້ວ ຫາທາງ ຂຶ້ນຍົນກາງເວຫາ. ມັນເປັນຄວາມບ້າ ແລະ ທ້າທາຍສຸດໆ ເລີຍ.


ຖ້າວ່າພາດ ອາດເສຍຊີວິດໄດ້,​ ປະຕູຍົນແມ່ນກວ້າງປະມານ 2 ແມັດ ແລະ ສູງ1.25 ແມັດ. ສິ່ງທີ່ມັນເປັນຕາຢ້ານ ແມ່ນຄວາມໄວຂອງການບິນ ທັງຍົນ ແລະ ຜູ່ໂດດຈ້ອງ ທີ່ມີຄວາມໄວເຖິງ 135 ກິໂລແມັດ ຕໍ່ຊົ່ວໂມງ. ໃນລະດັບຄວາມສູງ ປະມານ 3600 ກວ່າແມັດເໜືອໜ້ານໍ້າທະເລ.


ພວກເຂົາຕ້ອງພະຍາຍາມເຂົ້າຍົນໃຫ້ໄດ້ ທີ່ຄວາມສູງ ບໍ່ໃຫ້ລຸດ 3000 ແມັດ.


ສຳຄັນ ຕ້ອງໄດ້ກະຈັ່ງຫວະ ແລະ ຄິດໄລ່ໃຫ້ຖືກຕ້ອງ ເພື່ອຈະໃຫ້ມັນພໍດີກັບປາກປະຕູຂອງຍົນທີໄຂໃຫ້ນັກໂດດຈ້ອງທັງສອງໄດ້ບິນເຂົ້າໄປ.


ການກະຄວາມແມ່ນຢໍາ ແລະ ແນ່ນອນ ຄືສຳຄັນທີ່ສຸດ ທີ່ຕ້ອງໄດ້ອາໄສທັງປະສົບການ ແລະ ການຝຶກຊ້ອມທີ່ ບອກໄດ້ຄຳດຽວວ່າສຸດຍອດ.


ນັກໂດດຈ້ອງທັງສອງ ຈະຕ້ອງບິນນໍາຍົນໃຫ້ທັນ ເພື່ອຈະບໍ່ໃຫ້ພາດ ທີ່ຈະບິນເຂົ້າປະຕູໄດ້ທັນເວລາ. ບໍ່ຊັ້ນລະແມ່ນບໍ່ໄດ້. ໂອກາດມີພຽງຄັ້ງດຽວເທົ່ານັ້ນ.


ທ່ານວ່າພວກເຂົາທັງສອງຈະເຮັດໄດ້ບໍ່? ເປັນກຳລັງໃຈໃຫ້ກັບ  Fred Fugen ແລະ Vince Reffet



ກົດຊົມຄລິບໄດ້ເລີຍ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.