Header Ads

ຈົດໝາຍຈົ່ມທຸກ: ທາງຄອນກີດ ຫຼື ທາງຄອນຕົມ ເຂດບ້ານວຽງຄຳ ເມືອງສີໂຄດຕະບອງ


ສະບາຍດີ...ພວກເຮົາ ຂໍຄວາມຊ່ວຍເຫຼືອນຳໂທລະໂຄ່ງ ຊ່ວຍເປັນກະບອກສຽງ ໃຫ້ແກ່ບ້ານຂອງພວກເຮົາດ້ວຍ ເນື່ອງຈາກວ່າພວກເຮົາທີ່ອາໃສຢູ່ ບ້ານວຽງຄຳ, ເມືອງສີໂຄດຕະບອງ, ແຂວງນະຄອນຫຼວງ (ທາງໄປຕາດມູນ) ໄດ້ຮັບຜົນກະທົບຈາກ ລົດບັນທຸກຂົນດິນ ເຊິ່ງເປັນຂອງບໍລິສັດໜຶ່ງ ທີ່ໄດ້ມາສຳປະທານຂຸດດິນຂາຍ ເຊິ່ງບັນຫາດັ່ງກ່າວໄດ້ເຮັດໃຫ້ພວກເຮົາ ຜູ້ທີ່ອາໃສຢູ່ບໍລິເວນໄກ້ຄຽງນັ້ນໄດ້ຮັບຜົນກະທົບຈາກ ຫົນທາງທີ່ແດງ ເຕັມໄປດ້ວຍດິນ ທັງທີ່ຫົນທາງນັ້ນເປັນທາງຄອນກີດ ສະອຽດຈົບງາມ ແລະ ສິ່ງທີ່ຕາມມາກໍ່ຄືຂີ້ຝຸ່ນໄງ່ບໍ່ຕ່າງຫຍັງກັບຫົນທາງດິນແດງ ເມື່ອດິນທີ່ຕົກຕາມທາງ


ຜ່ານມາພວກເຮົາກໍ່ໄດ້ສົ່ງຂ່າວຫາທາງນາຍບ້ານແລ້ວ ເພື່ອຫວັງໃຫ້ບໍລິສັດສຳປະທານ ເພິ່ນມາສີດລ້າງທາງໃຫ້ສະອຽດຈົບງາມຄືນ ແຕ່ທາງບໍສິສັດເພິ່ນກໍ່ເຮັດໃນລັກສະນະແກ້ໜ້າ ຄືເອົາລົດຫົດນ້ຳມາຫົດຫົນທາງ ເຊິ່ງມັນກໍ່ບໍ່ຊ່ວຍຫຍັງໄດ້ ເພາະເປັນທາງຄອນກີດ ນ້ຳມາຫົດກໍ່ຍັງເປັນນ້ຳຂີ້ຕົມຢູ່ທາງຄືເກົ່າ ເມື່ອນ້ຳແຫ້ງກໍ່ເປັນດິນຝຸ່ນ ເຊິ່ງມັນບໍ່ຄືກັບທາງດິນທຳມະດາ ນອກຈາກວ່າຈະສີດລ້າງດິນຢູ່ຫົນຫາງ ເພື່ອລົງທໍ່ລະບາຍຈຶ່ງຈະຊ່ວຍແກ້ບັນຫາໄດ້ ໄລຍະເວລາທີ່ລົດບັນທຸກມາຂົນດິນນັ້ນກໍ່ໄດ້ຫຼາຍເດືອນແລ້ວ ແລະຍັງຈະສືບຕໍ່ອີກດົນນານ, ຊະນັ້ນພວກເຮົາຈຶ່ງຂໍຄວາມຊ່ວຍເຫຼືອມາຍຍັງ ເພຈໂທລະໂຄ່ງ ເພື່ອເປັນກະບອກສຽງຊ່ວຍແກ້ໄຂບັນຫາຄວາມທຸກຂອງພວກເຮົາ ແລະທັງເປັນການຮັກສາສົມບັດຂອງຊາດເຮົາດ້ວຍ. (ມີພາບປະກອບ)











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.