Header Ads

ໃກ້ສຳເລັດແລ້ວ ທ່າແຕງຟາມ ແອນ ຣີສອດ (Thataeng Farm and Resort) - ມີຄລິບ!


Thataeng Farm & Resort - ທ່າແຕງຟາມ & ຣີສອດ - ໜອງເຮືອເປັດທ່າແຕງ ເປັນອີກແຫຼ່ງທ່ອງທ່ຽວ ແບບປະສົມປະສານ ດ້ານກະສິກຳ ແລະ ການຮັກສາສິ່ງແວດລ້ອມ.

ທີມງານນັກຂ່າວສັນຈອນ ຮັກລາວ ໂທລະໂຄ່ງ ໄດ້ມີໂອກາດ ໂອລົມ ກັບຜູ່ຈັດການຂອງຟາມແຫ່ງນີ້, ເຫັນວ່າເປັນສະຖານທີ່ແຫຼ່ງທ່ອງທ່ຽວທີ່ໜ້າສົນໃຈ, ຟາມແມ່ນຕັ້ງຢູ່ບ້ານໂກງຕາຢຸນ ເມືອງ ທ່າແຕງ ຫ່າງຈາກຕົວເມືອງທ່າແຕງມາທາງປາກຊ່ອງ 4 ກິໂລແມັດ ຫ່າງຈາກຕົວເມືອງເຊກອງ 42 ກິໂລແມັດ ເຊິ່ງກຳລັງເລັ່ງກໍ່ສ້າງສ່ວນຕ່າງໆ ຂອງຣີສອດ ໃຫ້ສົມບູນ. ການກໍ່ສ້າງແມ່ນເລີ່ມມາແຕ່ຕົ້ນປີ 2015.




ການວາງແຜນໃນເຂດຟາມແຫ່ງນີ້ ຈະມີການລ້ຽງສັດຕ່າງໆ ເຊັ່ນລ້ຽງແກະ, ມ້າ (ຍັງໃຫ້ບໍລິການຂີ່ມ້າ), ສວນດອກໄມ້ , ສວນຜັກ ແລະ ອື່ນໆ. ຈະມີຄວາມຮູ້ສຶກແບບຟາມຂອງຕ່າງປະເທດ ທີ່ເນັ້ນຄວາມສະບາຍ, ມີກິດຈະກຳ ແລະ ຄວາມລົງຕົວກັບທຳມະຊາດ ໃຫ້ຫຼາຍທີ່ສຸດ.


ຟາມແຫ່ງນີ້ ຍັງສະໜອງທີ່ພັກເພື່ອໃຫ້ຄົນທີ່ຕ້ອງການໃຊ້ເວລາ ໄດ້ມີຄວາມສຸກ ກັບຄອບຄົວ ແລະ ຄົນຮັກ, ພ້ອມກິດຈະກຳຕ່າງໆ ທີ່ສາມາດເຮັດໄດ້ພາຍໃນຟາມ, ບໍ່ວ່າຈະເປັນການປູກຝັງຫຼືລ້ຽງສັດ.


ຄາດວ່າໃນປີ 2018 ນີ້ ປະມານຊ່ວງປີໃໝ່ລາວ (ເດືອນເມສາ 2018) ຟາມແຫ່ງນີ້ຈະສາມາດ ເປີດໃຫ້ບໍລິການ, ເພື່ອໃຫ້ນັກທ່ອງທ່ຽວທັງພາຍໃນແລະຕ່າງປະເທດ ທີ່ມາທ່ຽວແຂວງເຊກອງ, ໂດຍສະເພາະ ແມ່ນເມືອງທ່າແຕງ ໄດ້ສຳພັດ ກັບຄວາມຫຼາກຫຼາຍ ແລະ ການບໍລິການ ທີ່ເຕັມໄປດ້ວຍຄວາມປະທັບໃຈ ແລະ ຄຸນນະພາບ ຈາກຟາມແຫ່ງນີ້.


ຟາມແຫ່ງນີ້ ແມ່ນການລົງທຶນ ຂອງນັກທຸລະກິດຄົນລາວ ທີ່ມີຄວາມຕັ້ງໃຈ ຈະສ້າງສະຖານທີ່ແຫ່ງໃໝ່ ໃນເຂດເມືອງທ່າແຕງ ແຂວງເຊກອງ ເພື່ອຈະສາມາດຮອງຮັບ ແລະ ດຶງດູດນັກທ່ອງທ່ຽວທັງພາຍໃນແລະຕ່າງປະເທດ.


ນອກຈາກກິດຈະກຳທີ່ໄດ້ກ່າວມີ, ຄວາມຕື່ນເຕັ້ນ ກໍ່ແມ່ນການຂີ່ສະລິງ ຂ້າມບຶງ ທີ່ກວ້າງໃຫຍ່. ທີ່ຈະເຮັດໃຫ້ທ່ານໄດ້ມ່ວນຊື່ນ ແລະ ທ້າທາຍຄວາມສາມາດ. ບໍ່ພຽງເທົ່ານີ້ ຫາກທ່ານຢາກກິນໜໍ່ໄມ້ສົດໆ ກໍ່ມີສວນໜໍ່ໄມ້ກວ້າງ ສິບກວ່າເຮັກຕາ ທີ່ເປັນໜໍ່ໄມ້ບົງຫວານ.



ທາງຟາມຍັງແຈ້ງໃຫ້ຮູ້ອີກວ່າ ໃກ້ໆກັບ ຟາມຍັງມີບັນດານໍ້າຕົກຕ່າງໆ ທີ່ໜ້າສົນໃຈ ທີ່ທາງການ ກຳລັງສຶກສາຄວາມເປັນໄປໄດ້ ໃນການເຂົ້າໄປເຖິງ ນໍ້າຕົກຕ່າງໆ. ຖ້າມີການກວດສອບ ແລະ ເຮັດເສັ້ນທາງ, ເວລາມາພັກຜ່ອນ ທີ່ຟາມ ກໍ່ຈະມີການຈັດກິດຈະກຳ ທ່ອງທ່ຽວນໍ້າຕົກທີ່ຈະເຮັດໃ້ທ່ານໄດ້ສຳພັດກຳທຳມະຊາດ ຂອງເມືອງທ່າແຕງ.



ບໍ່ພຽງເທົ່ານີ້ໃນເຂດໃກ້ຟາມ ຍັງມີສະໜາມກອຟ ຂອງນັກທຸລະກິດ ທ່ານອື່ນ ທີ່ຈະໃຫ້ບັນດານັກກິລາ ແລະ ຜູ່ມັກຕີກອຟ ໄດ້ອອກກຳລັງກາຍນຳອີກ.




ຖ້າການກໍ່ສ້າງສຳເລັດ ຈະມີຄວາມສວຍງາມ ດັ່ງຄລິບການວາງແຜນຂ້າງລຸ່ມ. 


ໂດຍ: ຮັກລາວ ໂທລະໂຄ່ງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.