Header Ads

Vang Vieng Walking Street ເປີດແນ່ນອນ ວັນທີ 29 ທັນວາ 2017 ນີ້!



ໂຄງການຕະຫຼາດກາງຄືນວັງວຽງ Vangvieng Walking Street ເປັນໂຄງການທຳອິດທີ່ໃຊ້ເວລາເກືອບ 2 ປີ ໃນການສຳຫລວດຊອກຫາເສັ້ນທາງໃນຂອບເຂດຕົວເມືອງວັງວຽງເພື່ອສ້າງ ແລະ ໄດ້ຮັບອະນຸຍາດຈາກອຳນາດການປົກຄອງເມືອງວັງວຽງ ແລະ ທຸກໜ່ວຍງານບັນດາພະແນກການຕ່າງໆທີ່ກ່ຽວຂ້ອງ ເຫັນດີພ້ອມດ້ວຍພໍ່ແມ່ພີ່ນ້ອງຈາກຮາກຖານເມືອງວັງວຽງ ໃນຂອບເຂດພື້ນທີ່ເສັ້ນທາງຕະຫຼາດດັ່ງກ່າວທີ່ພ້ອມພຽງຮ່ວມໃຈກັນສ້າງໂຄງການນີ້ຂຶ້ນເພື່ອເປັນຈຸດສູນລວມ ແລນມາກ ແຫ່ງໃໝ່.



ສະຖານທີ່ແຫ່ງນີ້ຈະເປັນບ່ອນດຶງດູດນັກທ່ອງທ່ຽວທີ່ຈະເຂົ້າມາທ່ຽວ ມາຊື້ສິນຄ້າຫັດຖະກຳ ສິນຄ້າໂອດ໋ອບ ທີ່ເປັນການຜະລິດຈາກຄົນພື້ນບ້ານຮາກຖານ ແລະ ສິນຄ້າທີ່ນຳເຂົ້າຈາກຕ່າງປະເທດພ້ອມກັບສິ່ງຂອງທີ່ລະນຶກໃຫ້ໄດ້ໄປຝາກໄປຕ້ອນຂອງນັກທ່ອງທ່ຽວທີ່ຈະເຂົ້າມາພັກຜ່ອນໃນຍາມຄໍ່າຄືນ ແລະ ເພື່ອຮອງຮັບການຂະຫຍາຍຕົວຂອງການພັດທະນາເສດຖະກິດຂອງປະເທດແບບຫັນປ່ຽນໃໝ່ ໃຫ້ສາມາດຮັບເອົານັກທ່ອງທ່ຽວທັງພາຍໃນແລະຕ່າງປະເທດທີ່ຈະມາພ້ອມກັບສານຕໍ່ນະໂຍບາຍຂອງລັດຖະບານ ໃຫ້ສອດຄ່ອງເສີມສ້າງລາຍຮັບແກ່ປະເທດຊາດຈາກການປະກາດໃຫ້ເປັນປີທ່ອງທ່ຽວລາວ 2018 ນີ້.



ເຊິງພິເສດໄປກ່ວານັ້ນ, ໃນອີກບໍ່ດົນເມືອງວັງວຽງຈະມີການສ້າງສະຖານີພັກລົດໄຟຄວາມໄວສູງ ລາວ-ຈີນ ພ້ອມກັບການສ້າງທາງດ່ວນຈາກ ວຽງຈັນ-ວັງວຽງ ໄລຍະທຳອິດກໍ່ຈະໃຫ້ແລ້ວທັນໃນສອງສາມປີໃນຕໍ່ໜ້າຍິ່ງເຮັດໃຫ້ເປັນການສະດວກສະບາຍສຳລັບນັກທ່ອງທ່ຽວທີ່ມາຈາກທົ່ວທຸກມຸມໂລກເຂົ້າມາທີ່ວັງວຽງຈິ່ງຕ້ອງມີແຫຼ່ງທ່ອງທ່ຽວເພື່ອຮອງຮັບໃຫ້ພຽງພໍໃນຕໍ່ຫນ້ານີ້ເປັນໂຄງການໜຶ່ງທີ່ຢາກນຳສະເໜີໂຄງການຕະຫຼາດກາງຄືນຈະເປີດໃຫ້ຈັບຈອງໃຫ້ເຊົ່າພື້ນທີ່ທົດລອງຂາຍໃນວັນທີ່ 15-16 ທັນວາ 2017 ນີ້ ແລະ ຈະເປີດເປັນທາງການໃນວັນທີ່ 29 ທັນວາ 2017 ທີ່ຈະມາເຖິງ.


ພ້ອມດຽວກັນນີ້, ກໍ່ຈະມີການຈັດງານ ປະກວດນາງສາວງາມໝາກກ້ຽງຫວານ ເມືອງວັງວຽງ ແລະ ເພື່ອເປັນການສະເຫຼີມສະຫຼອງປີທ່ອງທ່ຽວລາວ 2018 ທີ່ຈະຮອດໃນໃວໃວນີ້ໄປພ້ອມກັນຂໍຝາກແຈ້ງຂ່າວໂຄງການຕະຫຼາດກາງຄືນວັງວຽງແຫ່ງທຳອິດນີ້ໃຫ້ທຸກທ່ານບອກຕໍ່ໄປເຖິງນັກທ່ອງທ່ຽວທັງພາຍໃນແລະຕ່າງປະເທດ ທີ່ມາທ່ຽວເມືອງວັງວຽງດິນແດນສວຍງາມອຸດົມຮັ່ງມີທາງທຳມະຊາດຈົ່ງໄດ້ມາແວ່ທ່ຽວຊົມແລະພັກຜ່ອນຈຸດສູນລວມແລນມາກແຫ່ງໃໝ່ນີ້ດ້ວຍ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.