Header Ads

ເມືອງເງິນ ຈັດພິທີຕອນຮັບຂະບວນຄູເຝີກຫັດຈາກວິທະຍາໄລຄູຫຼວງພະບາງຈຳນວນ 115 ທ່ານ.



ວັນທີ່ 26 ມັງກອນ 2018 ນີ້ ຢູ່ທີສະໂມສອນເມືອງເງິນ ແຂວງ ໄຊຍະບູລີ ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ພ້ອມດ້ວຍຫົວໜ້າຫ້ອງການສຶກສາທິການ ແລະ ກິລາ ຕະຫຼອດຮອດຄະນະຫ້ອງການສຶກສາ , ຄູ-ອາຈານ, ເລຂາໜ່ວຍພັກນາຍບ້ານ ແລະ ນ້ອງນັກຮຽນ ໄດ້ຕ້ອນຮັບຂະບວນຄູຝຶກຫັດ ຈາກວິທະຍາໄລຄູ ຫຼວງພະບາງ ທີ່ມາຝຶກງານຢູ່ເມືອງເງິນ ຈຳນວນ 115 ທ່ານ.

ທ່ານ ທອງຫຼໍ່ ຄູນສະຫວັດ ຮອງອຳນວຍການວິທະຍາໄລຄູ ຫຼວງພະບາງ ກໍ່ໄດ້ຂື້ນກ່າວມອບ ຄູຝຶກຫັດຈຳນວນ 115 ທ່ານ, ຍິງ 77 ທ່ານ,ໃຫ້ທາງອົງການປົກຄອງເມືອງ ກໍ່ຄືຫ້ອງການສຶກສາທິການ ແລະ ກິລາເມືອງເງິນ , ຂະບວນຄູເຝີກຫັດ ຈາກວິທະຍາໄລຄູ ຫຼວງພະບາງຊຸດນີ້ ແມ່ນລົງ ໃນເທດສະບານເມືອງ, ແບ່ງອອກເປັນ 6 ຂະບວນ ຄື: ຢູ່ໂຮງຮຽນ ອະນຸບານ 2 ແຫ່ງ ຈໍານວນ 32 ທ່ານ, ປະຖົມ 2 ແຫ່ງ ຈໍານວນ 31 ທ່ານ ແລະ ມັດທະຍົມ 2 ແຫ່ງຈຳນວນ 52 ທ່ານ.



ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ກໍ່ໃຫ້ກຽດຂຶ້ນກ່າວຮັບ. ພ້ອມທັງລາຍງານສະພາບເມືອງເງິນໂດຍຫຍໍ້ ເພື່ອເປັນຂໍ້ມູນເບື້ອງຕົ້ນໃຫ້ແກ່ຄູຝຶກຫັດ ທີ່ຈະດຳລົງຊີວິດ ແລະ ຝຶກຫັດຢູ່ເມືອງເງິນເປັນໄລຍະເວລາ 3 ເດືອນ ພ້ອມດຽວກັນນີ້ ທ່ານ ຍັງໄດ້ຮຽກຮ້ອງມາຍັງ ທຸກພາກສ່ວນຈົ່ງພ້ອມກັນອຳນວຍຄວາມສະດວກໃນດ້ານຕ່າງໆໃຫ້ແກ່ທີມຄູຝຶກຫັດ ເປັນຕົ້ນແມ່ນ ທີ່ຢູ່ອາໃສ, ບ່ອນສິດສອນ, ການເຄື່ອນໄຫວວຽກງານຊຸມຊົນ, ຄູອາຈານແຕ່ລະໂຮງຮຽນໃຫ້ອຳນວຍຄວາມສະດວກທາງດ້ານຂໍ້ມູນວິຊາການ, ມີການແລກປ່ຽນບົດຮຽນເຊິ່ງກັນ ແລະ ກັນ. ແລະ ຮຽກຮ້ອງມາຍັງນັກສຶກສາ ຈະຕ້ອງໄດ້ເຝືກຝົນຫຼໍ່ຫຼອມຕົນເອງ, ຊອກຮູ້ຮ່ຳຮຽນ ເກັບກ່ຽວປະສົບການ ນຳເອົາຄວາມຮູ້ຄວາມສາມາດ ໄປໜູນໃຊ້ໃນອານາຄົດຄັ້ງໜ້າ.

ຂ່າວ: ອິນແປງ ແຫວນຄຳ







No comments

Powered by Blogger.