Header Ads

1623 ນະຄອນຫຼວງວຽງຈັນ ອອກເຫດ 131 ຄັ້ງ ໄລຍະ 9 ວັນສົ່ງທ້າຍປີເກົ່າຕ້ອນຮັບປີໃໝ່


ນະຄອນຫຼວງວຽງຈັນ: ລາຍງານຈາກ 1623​ ກູ້ໄພ ມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ໃຫ້ຮ້ວ່າ ການປະຕິບັດໜ້າທີ່ຂອງ ໜ່ວຍກູ້ໄພມູນນິທິ ຊ່ວຍເຫຼືອຄົນທຸກຍາກ ແຫ່ງ ສ.ປ.ປ.ລາວ  ໃນໄລຍະສະເຫຼີມສະຫຼອງປີໃໝ່ສາກົນ 2018. ແຕ່ວັນທີ 26/12/2017-2/1/2018, ທາງໜ່ວຍກູ້ໄພ 1623​ ໄດ້ອອກເຫດ ທັງໝົດ 131 ຄັ້ງ.


ໃນຈຳນວນນີ້ມີ ອຸບັດຕິເຫດມີທັງໝົດ 85 ຄັ້ງ, ມີຜູ້ບາດເຈັບທັງໝົດ 94 ຄົນ (ເສຍຊີວິດ2ຄົນ),  ເພດຍິງ 44 ຄົນ
ເພດຊາຍ 50 ຄົນ



ເຫດຜູ້ປ່ວຍມີທັງໝົດ 44 ຄັ້ງ, ມີຜູ້ປ່ວຍທັງໝົດ 44 ຄົນ,  ເພດຍິງ 16 ຄົນ,  ເພດຊາຍ 28 ຄົນ. ແລະ  ເຫດທະເລາະວິວາດມີທັງໝົດ 2 ຄັ້ງ, ມີຜູ້ບາດເຈັບທັງໝົດ 2 ຄົນ ເພດຊາຍ 2 ຄົນ.

ໃນກໍລະນີຂອງອຸບັດຕິເຫດ ເກືອບວ່າ ສ່ວນຫຼາຍແມ່ນເກີດຈາກ ກໍລະນີ ເມົາແລ້ວຂັບ ທີ່ເຫັນວ່າ ກວດອັດຕາສູງ ແລະ ເປັນຫາໜັກ ທີ່ແກ້ໄຂໄດ້ຍາກ ຫາກທຸກຄົນ ບໍ່ຕື່ນຕົວ ແລະ ປ້ອງກັນຕົນເອງ. ເມົາບໍ່ຄວນຂັບຂີ່ພາຫະນະ.



ໜ່ວຍກູ້ໄພ 1623 ແມ່ນ ໜ່ວຍງານ ທີ່ໄດ້ຊ່ວຍເຫຼືອ ວຽກງານກູ້ໄພ ອຸບັດຕິເຫດ ແລະ ອື່ນໆ ເພື່ອຊ່ວຍກອບກູ້ຊີວິດ ຜູ່ບາດເຈັບ. ເຊິ່ງປະຈຸບັນ ແມ່ນມີການປະຕິບັດງານຢູ່ ນະຄອນຫຼວງວຽງຈັນ, ຈຳປາສັກ ແລະ ອີກບໍ່ດົນ ກໍ່ຈະມີຢູ່ ວັງວຽງ.

ສຳລັບທ່ານໃດ ທີ່ຕ້ອງການ ເປັນອາສາສະໝັກ ຫຼື ປະກອບສ່ວນວັດຖຸ ປັດໃຈ ໃນການປະຕິບັດວຽກງານຂອງ 1623 ກໍ່ສາມາດ ໂທໄດ້ທີ່ເບີ 1623.

ພາບແລະຂ່າວ: 1623


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.