Header Ads

ໄຊຍະບູລີ ຖືກສັ່ງຍຸບໂຮງເລື່ອຍ ຫຼາຍທີ່ສຸດ ປີ 2017


ໃນ​ປີ 2017 ຜ່ານ​ມາ ລັດຖະບານ​ໄດ້​ເອົາໃຈໃສ່​ສົ່ງເສີມ​ການ​ຜະລິດ​ສິນຄ້າ ແລະ ການ​ບໍລິການໃຫ້​ມີ​ຄວາມ​ຫຼາກ​ຫຼາຍ​ ເພື່ອ​ຫຼຸດຜ່ອນ​ການ​ເອື່ອຍ​ອີງໃສ່​ຊັບພະຍາກອນ​ທຳ​ມະ​ຊາດ ໃນ​ຂະນະ​ດຽວ​ກັນ ກໍ່​ໄດ້​ມີ​ການ​ປັບປຸງ ແລະ ດັດສົມ​ໂຮງງານ​ປຸງ​ແຕ່ງ​ໄມ້​ທົ່ວ​ປະເທດ ​ທີ່​ດຳເນີນ​ກິດຈະການ​ກ່ອນ​ຄຳ​ສັ່ງ​ເລກ​ທີ 15/​ນຍ ເຊິ່ງ​ມີ 1.595 ແຫ່ງ ໃນ​ນັ້ນ ມີ​ໂຮງງານ​ທີ່​ບໍ່​ໄດ້​ມາດຕະຖານ ແລະ ເຄື່ອນ​ໄຫວ​ຜິດ​ກົດໝາຍ​ຖືກ​ສັ່ງ​ຍຸບ​ຈຳນວນ 140 ແຫ່ງ ຄື: ຢູ່​ແຂວງ​ໄຊ​ຍະ​ບູ​ລີ ຍົກເລີກ 83 ແຫ່ງ ນະຄອນຫຼວງ 8 ແຫ່ງ ບໍ​ລິ​ຄຳ​ໄຊ 13 ແຫ່ງ ສະຫວັນ​ນະ​ເຂດ 13 ແຫ່ງ ສາລະ​ວັນ 4 ແຫ່ງ ແລະ ແຂວງເຊ​ກອງ 19 ແຫ່ງ ອີງ​ຕາມ​ແຜນ​ພັດທະນາ​ເສດຖະກິດ-ສັງຄົມ​ຂອງ​ລັດຖະບານ 2017.

ການຈັດຕັ້ງ​ຜັນ​ຂະຫຍາຍ​ຄຳ​ສັ່ງ​ເລກ​ທີ 15/​ນຍ ປີຜ່ານມາ​ແມ່ນ​ເປັນ​ຂະ​ບວນ​ການ​ກວ້າງຂວາງ ແລະ ມີ​ຜົນສຳເລັດ​ສູງ​ຢູ່​ໃນ​ຂອບ​ເຂດ​ທົ່ວ​ປະເທດ ເຊິ່ງ​ສາມາດ​ປັບປຸງ​ແກ້​ໄຂ ແລະ ສະກັດ​ກັ້ນ​ບັນຫາ​ການ​ລັກລອບ​ການ​ຂຸດ​ຄົ້ນ​ໄມ້ ແລະ ສົ່ງ​ອອກ​ໄມ້​ແບບ​ບໍ່​ຖືກຕ້ອງ​ຕາມ​ກົດໝາຍ ຫຼຸດ​ໜ້ອຍ​ຖອຍ​ລົງ​ຢ່າງ​ຊັດ​ເຈນ ທັງ​ຫຼຸດຜ່ອນ​ການ​ທຳລາຍ​ປ່າໄມ້​ແບບ​ຊະຊາຍ ເຊິ່ງ​ເປັນ​ການ​ປະກອບສ່ວນ​ເຮັດ​ໃຫ້ການ​ປົກ​ຫຸ້ມ​ປ່າໄມ້​ຂອງ ​ສປປ ລາວ ບັນລຸ​ຕາມ​ແຜນການ 70% ໃນ​ປີ 2020 ຢ່າງໃດ​ກໍ່​ຕາມ ການ​ປະຕິບັດ​ນະໂຍບາຍ​ດັ່ງກ່າວ ໄດ້​ສົ່ງ​ຜົນ​ຈຳນວນ​ໜຶ່ງ​ຕໍ່​ການ​ປະຕິບັດ​ລາຍ​ຮັບ​ບໍ່​ໄດ້​ຕາມ​ຄາດໝາຍ​ຢູ່​ບາງ​ແຂວງ​ໃນ​ທົ່ວ​ປະເທດ ແຕ່​ວ່າພາກ​ລັດ​ກໍ່​ໄດ້​ມີ​ນະໂຍບາຍ​ສົ່ງເສີມ​ຜະລິດ​ເປັນ​ສິນຄ້າ ການ​ຂຸດ​ຄົ້ນ ແລະ ນຳ​ໃຊ້​ທ່າແຮງ​ທີ່​ມີ​ຢູ່​ໃນ​ແຕ່​ລະ​ແຂວງ​ໃຫ້​ມີ​ຄວາມ​ເໝາະ​ສົມ.

ສຳລັບ​ການ​ສົ່ງເສີມ ແລະ ພັດທະນາ​ສິນຄ້າ​ທີ່​ເປັນ​ທ່າແຮງ ແລະ ສິນຄ້າ​ໜຶ່ງ​ເມືອງ​ໜຶ່ງ​ຜະລິດ​ຕະ​ພັນ ຫຼື ໂອ​ດັອບ (ODOP) ປະຕິບັດ​ໄດ້ 16 ຫົວໜ່ວຍ ມີ 90 ຜະລິດ​ຕະ​ພັນ ພ້ອມ​ທັງ​ອອກ​ໃບ​ອະນຸຍາດ​ນຳ​ໃຊ້​ກາ​ໝາຍ​ສິນຄ້າ (ODOP) ແຫ່ງ​ຊາດ ໃຫ້ 17 ແຂວງ ມີ 138 ຫົວໜ່ວຍ ມີ 533 ຜະລິດ​ຕະ​ພັນ ຢູ່ 132 ບ້ານ 72 ເມືອງ ໃນ​ນັ້ນ ຜະລິດ​ຕະ​ພັນ​ຫັດຖະກຳ 81 ຫົວໜ່ວຍ ອາຫານ-ເຄື່ອງ​ດື່ມ 49 ຫົວໜ່ວຍ ແລະ ຢາພື້ນເມືອງ 8 ຫົວໜ່ວຍ ພາຍຫຼັງ​ທີ່​ລັດຖະບານ​ໄດ້​ຮ່ວມ​ມື​ກັບ​ບໍລິສັດ​ດ້ານ​ອາຫານ ນ້ຳມັນ ແລະ ຊີ​ລຽວຂອງ ​ສປ ຈີນ ໃນ​ການ​ສົ່ງ​ອອກ​ໄປ​ຈີນ ຈຳນວນ 20 ພັນ​ໂຕນ ປັດຈຸບັນ ຊວນ​ເຢ​ລາວ ​ຈຳກັດ ແລະ ບໍລິສັດ ໄອ​ດີ​ພີ ໄດ້​ສົ່ງ​ສິນຄ້າ​ເຂົ້າ​ຈີນ​ແລ້ວ 4.250 ໂຕນ ທັງ​ນີ້ ແນໃສ່​ສ້າງ​ສະພາບ​ແວດ​ລ້ອມ​ດ້ານ​ລະບຽບ​ກົດໝາຍ ​ທີ່​ອຳນວຍ​ຄວາມ​ສະດວກ​ໃຫ້​ແກ່​ການ​ສ້າງຕັ້ງ ການ​ດຳ​ເນິນ ແລະ ຂະຫຍາຍ​ທຸລະ​ກິດ.

ຂ່າວ: ນສພ ວຽງຈັນໃຫ່ມ
------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.