Header Ads

ຊ່ວຍກັນຕາມຫາ ພຣະເກົ່າແກ່ຂອງລາວ ຖືກລັກຈາກວັດແສນ ສຸຂາຣາມ ເດືອນ ກັນຍາ 2017 ຜ່ານມາ!


ໃຜເຫັນບັນດາພຣະພຸທທະຮູບ 14 ອົງ ຊ່ອຍແຈ້ງເຈົ້າໜ້າທີ່ດ່ວນ

ຂໍ້ມູນແຈ້ງຈາກ ເພຈ Art and Culture of Laos ໃຫ້ຮູ້ວ່າ ເມື່ອຄ່ຳຄືນວັນທີ່ 13 ກັນຍາ 2017 ຜ່ານມາ ໄດ້ມີໂຈນໃຈບາບຫຍາບຊ້າ ເຂົ້າມາລັກ ເອົາພຣະພຸດທະຮູບ 14 ອົງ ທີ່ປະດິດສະຖານຢູ່ພາຍໃນສິມຂອງວັດແສນ ສຸຂາຣາມ ເມືອງຫລວງພຣະບາງ ໄປ ຈົນຮອດປະຈຸບັນນີ້ ຍັງບໍ່ເຫັນເທື່ອ ຖ້າໃຜມີຂໍ້ມູນ ຂ່າວ ຂອງພຣະ ຫລືກຸ່ມໂຈນ ກໍ່ຂໍຄວາມກະຣຸນາຊ່ວຍແຈ້ງຂ່າວ ໃຫ້ທາງເຈົ້າຫນ້າທີ່ຮັບຊາບ ເພື່ອຈະໄດ້ນຳກັບຄືນມາປະດິດສະຖານໄວ້ບ່ອນເກົ່າ
ພຣະພຸທທະຮູບທັງ 14 ອົງ ເຊິ່ງແຕ່ລະອົງ ມີລາຍລະອຽດດັ່ງນີ້ :

1. ພຣະພຸດທະຮູບຢືນ ປາງຫ້າມຍາດ ເຮັດດ້ວຍໄມ້ທາງສີຄຳ ອາດສ້າງປະມານຕົ້ນສະຕະວັດທີ່ 20, ຂະໜາດ ສູງ18 ຊມ x ກວ້າງ 3.6 ຊມ x ເລິກ 3.5 ຊມ



2.ພຣະປາງສະມາທິ ນັ່ງເທິງຫລັງຊ້າງ ຕິດກັນ ເຮັດດ້ວຍເຂົາສັດ ທາສີເຫລືອ ສ້າງປະມານສະຕະວັດທີ່ 18 ຂະໜາດ ສູງ17 ຊມ x ກວ້າງ 5 ຊມ x ເລິກ 10,5 ຊມ



3. ພຣະພຸທທະຮູບປາງຊະນະມານ ເຮັດດ້ວຍທອງສຳຣິດ ສ້າງໃນສະຕະວັດທີ່ 18 ສູງ25 ຊມ x ກວ້າງ 14 ຊມ x ເລີກ 10 ຊມ



4. ພຣະພຸທທະຮູບຢືນປາງຫ້າມຍາດ ເຮັດດ້ວຍໄມ້ ທາສີຄຳ ສ້າງໃນສະຕະວັດທີ່ 20 ,ຂະໜາດສູງ20 ຊມ x ກວ້າງ 5 ຊມ x ເລີກ 5 ຊມ



5. ພຣະພຸທທະຮູບຢືນ ປາງຫ້າມສະມຸດ ໃນຂອບ ເຮັດດ້ວຍດິນເຜົາ ສີນ້ຳກ້ຽງ ພອກຄຳປິວ ສ້າງສະຕະວັດທີ່ 20 , ຂະໜາດສູງ 21 ຊມ x ກວ້າງ 10 ຊມ x ເລີກ 2.5 ຊມ



6. ພຣະພຸທທະຮູບນັ່ງ ປາງຊະນະມານ ເຮັດດ້ວຍທອງສຳຣິດພອກຄຳ ສ້າງສະຕະວັດທີ່ 20 .ຂະໜາດສູງ 81 ຊມ x ກວ້າງ 44 ຊມ x ເລີກ 27 ຊມ



7. ພຣະພຸທທະຮູບນັ່ງ ປາງຊະນະມານຊົງເຄື່ອງ ແທ່ນສູງ ( ແທ່ນແຍກອອກໄດ້ ) ເຮັດດ້ວຍທອງສຳຣິດ ຕິດແກ້ວ ພອກຄຳ ສ້າງໃນສະຕະວັດທີ່ 19
ຂະໜາດ ສູງ 79 ຊມ x ກວ້າງ 41 ຊມ x ເລີກ 26 ຊມ



8. ພຣະພຸທທະຮູບນ່ັ່ງ ປາງຊະນະມານ ນັ່ງເທິງແທ່ນ ເຮັດດ້ວຍທອງສຳຣິດ ພອກຄຳ ສ້າງໃນສະຕະວັດທີ່ 19 , ຂະໜາດສູງ 60 ຊມ x ກວ້າງ 34.5 ຊມ x ເລີກ 18 ຊມ



9. ພຣະພຸທທະຮູບນັ່ງ ປາງຊະນະມານ ສ້າງດ້ວຍທອງສຳຣິດ ພອກຄຳ ສ້າງເມື່ອປີ ຄສ 1889 ຂະໜາດສູງ 60 ຊມ x ກວ້າງ 34 ຊມ x ເລີກ 28 ຊມ



10. ພຣະພຸທທະຮູບນອນ ປາງໄສຍາດ ເຮັດດ້ວຍທອງສຳຣິດ ສ້າງໃນສະຕະວັດທີ່ 18 ຂະໜາດສູງ 5,5 ຊມ x ກວ້າງ 10 ຊມ x ເລີກ 3,5 ຊມ



11. ພຣະພຸທທະຮູບນອນ ປາງໄສຍາດ ເຮັດດ້ວຍຫິນອ່ອນ ສ້າງໃນສະຕະວັດທີ່ 20 ຂະໜາດສູງ 5,5 ຊມ x ກວ້າງ 13 ຊມ x ເລີກ 4 ຊມ


12. ພຣະພຸທທະຮູບນັ່ງ ປາງສະມາທິເພັດ ເຮັດດ້ວຍທອງສຳຣິດ ພອກຄຳທີ່ສ້ຽນ ສ້າງໃນປີ ຄສ 1914 ( ເສຍແຕ່ພຣະ ສ່ວນແທ່ນຍັງຢູ່ ) ຂະໜາດສູງ 69 ຊມ x ກວ້າງ 39 ຊມ x ເລີກ 26 ຊມ



13. ພຣະພຸທທະຮູບນັ່ງ ປາງປະທານພອນ ເຮັດດ້ວຍທອງສຳຣິດ ສ້າງໃນປີ ຄສ 1965 ຂະໜາດສູງ 44 ຊມ x ກວ້າງ 37 ຊມ x ເລີກ 21 ຊມ ຂໍ້ສັງເກດທາງຫນ້າແທ່ນຈະມີກາສັນຍາລັກພຣະເຈົ້າມະຫາຊີວິດໄທ ຈາຣຶກ



14. ພຣະພຸທທະຮູບນັ່ງ ປາງຊະນະມານ ຊົງເຄື່ອງ ເຮັດດ້ວຍທອງສຳຣິດ ພອກຄຳ ສ້າງໃນສະຕະວັດທີ່ 18 ຂະໜາດສູງ 8 ຊມ x ກວ້າງ 4 ຊມ x ເລີກ 2,3 ຊມ


ພຣະພຸທທະຮູບທັງ 14 ອົງນີ້ ຖ້າໃຜເຫັນ ຫລືຮູ້ຂໍ້ມູນ ຂໍຄວາມກະຣຸນາແຈ້ງຂ່າວມາໃຫ້ທາງເຈົ້າຫນ້າທີ່ດ້ວຍ ແລະຫວັງວ່າ ບັນດາວັດຕ່າງໆ ຈະມີການປ້ອງກັນ ເວນຍາມ ແລະລະມັດລະວັງໃນການເອົາໃຈໃສ່ໃຫ້ຫລາຍໆຂຶ້ນ ເພາະໂຈນພວກນີ້ບໍ່ຮູ້ບາບບຸນຄຸນໂທດ ໃດໆທັງນັ້ນເລີຍ. ຖ້າທ່ານພົບເຫັນ ໃຫ້ທາງໂທລະໂຄ່ງແດ່... ຫຼື ເພຈ Art and Culture of Laos


-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.