Header Ads

ເມືອງເງິນ ຈັດກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດສົກປີ 2017



ເມືອງເງິນ ຈັດກອງປະຊຸມສະຫຼຸບ ການຈັດຕັ້ງປະຕິບັດ ແຜນງົບປະມານ

ແຫ່ງລັດສົກປີ 2017

ກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດສົກປີ 2017ພ້ອມທັງ ແນະນຳການຈັດຕັ້ງປະຕິບັດແຜນງົບປະມານປະຈຳປີ 2018ໄດ້ໄຂຂື້ນເປັນທາງການ ໃນຕອນເຊັ້າຂອງ ວັນທີ 25 ມັງກອນ 2018 ນີ້ຢູ່ທີ່ສະໂມສອນເມືອງເງິນ ແຂວງໄຊຍະບູລີ ພາຍໃຕ້ການເປັນປະທານຂອງ ທ່ານ ບຸນສົດ ອິນທະປັນຍາ ຮອງເລຂາພັກເມືອງ ຜູ້ຊີ້ນຳວຽກງານເສດຖະກິດຂັ້ນເມືອງ, ມີຄະນະບໍລິຫານງານພັກເມືອງ, ຫົວໜ້າຫ້ອງການ, ກົມກອງ, ດ່ານສາກົນນ້ຳເງິນ, ລັດວິສາຫະກິດ, ນາຍບ້ານ ຕະຫຼອດຮອດພະນັກງານການເງິນ ຂະແໜງການ ແຂກຖຶກເຊີນ ແລະ ບ້ານເຂົ້າຮ່ວມ 100 ຄົນຍິງ 30 ຄົນ






ກອງປະຊຸມທ່ານ ອຸດົມໄຊ ສົມສີ ຮອງຫົວຫນ້າຫ້ອງການ-ການເງິນເມືອງ ໄດ້ຜ່ານບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດສົກປີ 2017.ຜ່ານມາ ໄດ້ຖືເອົາວຽກງານການເມືອງແນວຄິດເປັນກົກ ໃນການຊີ້ນຳ-ນຳພາ ເຮັດໃຫ້ ພະນັກງານ ຂະແໜງການເງິນ ຍັງຮັກສາໄດ້ຄຸນທາດການເມືອງ ໜັກແໜ້ນ ແລະ ມີຄວາມອຸ່ນອ່ຽງທຸ່ນທ່ຽງ, ສະແດງອອກ 1 ປີຜ່ານມາສາມາດຈັດເກັບລາຍຮັບເຂົ້າງົບປະມານແຫ່ງລັດ ໄດ້ທັງໝົດ 11,285,825,000 ກີບ. ທຽບໃສ່ແຜນການປີຜ່ານມາເພີ່ມຂື້ນ 26,75% ໃນນີ້ຮັບຈາກ ສວຍສາອາກອນ 10,928,325,121 ກີບ, ຮັບຈາກການຄຸ້ມຄອງຊັບສິນ 322,399,880 ກີບ ແລະ ຮັບດຸ່ນດຽງຈາກແຂວງ 35,100,000 ກີບ .ໄປພ້ອມໆກັບການຈັດເກັບລາຍຮັບແລ້ວ ພວກເຮົາຍັງໄດ້ປະຕິບັດດ້ານລາຍຈ່າຍ ທັງໝົດ

9,427,160,000 ກີບ ທຽບໃສ່ປີຜ່ານມາ ເພີ່ມຂື້ນ 0,45% ເປັນຕົ້ນເງິນເດືອນ,ເງິນນະໂຍບາຍ, ເງິນບໍລິຫານ, ເງິນດັບສົມສົ່ງເສີມ ແລະ ອື່ນໆ 







ແຜນການສົກງົບປະມານແຫ່ງລັດປີ 2018 ຫ້ອງການການເງິນ ຈະສູ້ຊົນ ຈັດເກັບລາຍຮັບເຂົ້ງົບປະມານໃຫ້ໄດ້ ທັງໝົດ 8,350,410,000 ກີບ ແລະ ວາງຄາດໜາຍດ້ານລາຍຈ່າຍ ລວມທັງໝົດບໍ່ເກີນ 8,350,410,000 ກີບ.

ກອງປະຊຸມກໍ່ໄດ້ຄົ້ນຄ້ວາປະກອບຄຳຄິດເຫັນໃນການປະຕິບັດໃນການຈັດເກັບລາຍຮັບໃນໄລຍະຜ່ານມາ ຊອກໃຫ້ເຫັນຈຸດອ່ອນ, ຂໍ້ຄົງຄ້າງ ເພື່ອພ້ອມກັນແກ່ໄຂ ການເກັບລາຍຮັບໃນປີຕໍ່ໄປ ໃຫ້ໄດ້ຕາມແຜນການ.

ຈາກນັ້ນກໍ່ໄດ້ແບ່ງປັນຕົວເລກໃຫ້ ຂະແໜງການ, ກົມກອງ ແລະ ບ້ານທີ່ມີລາຍຮັບ ຂື້ນເຊັນບົດບັນທືກຮ່ວມກັນ ທີ່ໃນການຈັດເກັບລາຍຮັບມອບເຂົ້າງົບປະມານປີ2018ໃຫ້ໄດ້ຕາມຄາດໝາຍທີ່ວາງໄວ້.

ຕອນທ້າຍ ກໍ່ໄດ້ມອບໃບຍ້ອງຍໍໃຫ້ ຫ້ອງການ, ກົມກອງ, ບ້ານ ແລະ ບຸກຄົນດີເດັ່ນ ໃນການປະກອບສ່ວນ ການຈັດເກັບລາຍຮັບມອບໃຫ້ງົບປະມານໄດ້ລື່ນແຜນການ

ຂ່າວ: ສຸລິຍາ ແສງເດືອນ














No comments

Powered by Blogger.