Header Ads

ບຸນກອງເຂົ້າໃຫຍ່ເມືອງພຽງ 2018 ຈັດຂຶ້ນຢ່າງອາລັງການ


ເມືອງພຽງແຂວງໄຊຍະບູລີຈັດເທດສະການບຸນກອງເຂົ້າໃຫຍ່ປະຈຳປີ

ເມືອງພຽງແຂວງໄຊຍະບູລີຈັດເທດສະການບຸນກອງເຂົ້າໃຫຍ່ປະຈຳປີ ແລະເປີດຂະບວນການທ່ອງທ່ຽວລາວ 2018 ທີ່ແຂວງໄຊຍະບູລີ ຢ່າງເປັນທາງການໃນວັນທີ 9 ມັງກອນ 2018 ທີ່ເດີນໂຮງຮຽນປະຖົມບ້ານສົມສະຫວັນ ໂດຍເປັນກຽດເຂົ້າຮ່ວມ ຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະຮັບຜິດຊອບ ຊີ້ນຳລະດັບຊາດໃນການຈັດປີທ່ອງທ່ຽວລາວ 2018, ພ້ອມດ້ວຍ ທ່ານເຈົ້າແຂວງ, ຮອງເຈົ້າແຂວງ, ແຂກຮັບເຊີນ ຈາກບັນດາແຂວງ ເມືອງ ອ້ອມຂ້າງ ຕະຫລອດຮອດມວນຊົນ ຊາວເມືອງພຽງຈຳນວນຫລາຍ.



ທ່ານ ສົມຫວັງ ແກ້ວວິໄລສັກ ເຈົ້າເມືອງໆພຽງ ໄດ້ມີຄຳເຫັນກ່າວເປີດງານວ່າ: ການຈັດງານເທດສະການບຸນກອງເຂົ້າໃຫຍ່ຄັ້ງນີ້ ເປັນຄັ້ງທີ 8 ເພື່ອເປັນການສືບຕໍ່ຮັກສາຮີດຄອງປະເພນີອັນດີງາມ ກໍ່ຄື ຮີດສິບສອງຄອງສິບສີ່ ເຊິ່ງເປັນມູນເຊື້ອວັດທະນະທຳທີ່ດີງາມຂອງຊາດ ກໍ່ຄືຂອງປະຊາຊົນລາວບັນດາເຜົ່າໄວ້ໃຫ້ຍືນຍົງຄົງຢູ່ຄູ່ກັບຊາດລາວຄົນລາວຕະຫລອດໄປ. ດັ່ງນັ້ນເມື່ອ ຮອດເດືອນຍີ່ເພັງກົງກັບເດືອນມັງກອນ ຂອງແຕ່ລະປີ ເມືອງພຽງໄດ້ພ້ອມພາກັນຈັດເທດສະການບຸນກອງເຂົ້າໃຫຍ່ຕິດພັນກັບຂະບວນການເປີດປີທ່ອງທ່ຽວລາວ 2018.



ນີ້ແມ່ນໝາກຜົນລວມຍອດແຫ່ງການຊີ້ນຳ-ນຳພາ, ຂອງພັກ-ລັດ ເຊິ່ງສະແດງໃຫ້ເຫັນເຖິງ ຄວາມສາມັກຄີ ເປັນປຶກແຜ່ນຂອງທົ່ວປວງຊົນຊາວເມືອງພຽງ, ພ້ອມນີ້ຍັງລະນຶກເຖິງບຸນຄຸນຂອງເຂົ້າ ທີ່ໄດ້ຊຸບລ້ຽງພວກເຮົາມາ ເຮັດໃຫ້ ເຕີບໃຫຍ່ຂະຫຍາຍຕົວພ້ອມ ທັງເປັນການສົ່ງເສີມຮີດຄອງປະເພນີອັນດີງາມ ສະນັ້ນໃນທຸກໆປີ ເມືອງພຽງຈິ່ງໄດ້ຈັດງານບຸນຂຶ້ນກອງເຂົ້າໃຫຍ່, ງານບຸນດັ່ງກ່າວໄດ້ດຳເນີນເປັນເວລາ 5 ວັນ ຈິ່ງສຳເລັດ.

ພາບ ແລະ ຂ່າວ: ດວງສະຫວັນ ຂັນທະວົງສາ



-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.