Header Ads

ໜ່ວຍພັກ ຖະແຫຼງຂ່າວ-ສື່ມວນຊົນ ຂະຫຍາຍສະມາຊິກພັກ




ໃນຕອນບ່າຍວັນທີ 10 ມັງກອນ 2018 ນີ້ ໜ່ວຍພັກຖະແຫຼງຂ່າວສື່ມວນຊົນ ທີ່ຂື້ນກັບ ຄະນະພັກຮາກຖານ ພະແນກຖະແຫຼງຂ່ວ, ວັດທະນະທໍາ ແລະທ່ອງທ່ຽວ ແຂວງເຊກອງ ໄດ້ຈັດພິທີ ເລື່ອນສະມາຊິກພັກ ສຳຮອງ ຂຶ້ນເປັນສະມະຊິກພັກສົມບູນ ແລະ ຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ພິທີດັ່ງກ່າວ ໄດ້ຈັດຂຶ້ນທີ່ຫ້ອງປະຊຸມ ພະແນກການດັ່ງກ່າວ ໂດຍພາຍໃຕ້ການ ເປັນປະທານ ຂອງສະຫາຍ ສົມພອນ ສີລາສັກ ຄະນະພັກຮາກຖານ, ເລຂາໜ່ວຍພັກຖະແຫຼງ-ຂ່າວສື່ມວນຊົນ, ມີຄະນະໜ່ວຍພັກ, ຫົວໜ້າຈຸ-ຮອງຈຸພັກ ແລະ ບັນດາສະຫາຍ ສະມາຊິກພັກສົມບູນ-ສຳຮອງ ພາຍໃນໜ່ວຍເຂົ້າຮ່ວມ ຢ່າງພ້ອມພຽງ. 




ໃນພິທີ ສະຫາຍ ສົມບູນ ສີສົມພອນ ຮອງເລຂາໜ່ວຍພັກຖະແຫຼງຂ່າວ-ສື່ມວນຊົນ ໄດ້ຂຶ້ນຜ່ານມະຕິຕົກລົງ ຂອງຄະນະປະຈຳພັກແຂວງ ສະບັບເລກທີ 415/ຄຈພຂ, ລົງວັນທີ 18.12.2017 ວ່າດ້ວຍຮັບເອົາມະຫາຊົນກ້າວໜ້າຜູ້ທີ່ມີຜົນງານດີເດັ່ນ, ຫ້າວຫັນໃນການປະຕິບັດໜ້າທີ່ວຽກງານ, ມີທັດສະນະຫຼັກໝັ້ນທາງດ້ານການເມືອງແນວຄິດດີ, ມີຄວາມສາມັກຄີພາຍໃນ-ພາຍນອກ, ຝຶກຝົນຫຼໍຫຼອມຕົນເອງຈົນໄດ້ຮັບຄວາມໄວ້ເນື້ອເຊື່ອໃຈຈາກມະຫາຊົນ ຈາກອົງການຈັດຕັ້ງຕ່າງໆ ຈິ່ງໄດ້ຮັບການຕົກລົງເຫັນດີໃຫ້ເຂົ້າເປັນສະມາຊິກພັກສະໄໝສໍາຮອງ ຈຳນວນ 1 ສະຫາຍຄື: ສະຫາຍ ນາງ ກາດແກ້ວ ໄຊສົງຄາມ ອາຍຸ 33 ປີ ເຊິ່ງຜູ້ກ່ຽວໄດ້ຜ່ານການຮໍ່າຮຽນສະໜັບສະໜູນ ແລະກົດລະບຽບພັກເປັນຢ່າງດີ, ແລະ ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 414/ຄຈພຂ, ລົງວັນທີ 18.12.2017 ວ່າດ້ວຍການເລື່ອນສະມາຊິກພັກສຳຮອງຂຶ້ນສົມບູນ ຈຳນວນ 1 ສະຫາຍຄື: ສະຫາຍ ສອນປະສິດ ຫຼໍ່ສົມຫວັງ ອາຍຸ 32 ປີ ເຊິ່ງຜູ້ກ່ຽວໄດ້ຜ່ານສະໄຫມສໍາຮອງຄົບຕາມກໍານົດເວລາ ແລະ ມີມາດຖານເງື່ອນໄຂຄົບຖ້ວນ, ປະຕິຕາມລະບຽບຂອງພັກປະຊາຊົນປະຕິວັດລາວວາງອອກຢ່າງເຂັ້ມງວດ, ມີຄວາມສາມັກຄີພາຍໃນ-ພາຍນອກຢ່າງກວ້າງຂວາງ, ມີນໍ້າໃຈບໍສິສຸດສັດຊື່, ມີຄຸນສົມບັດສິນທໍາປະຕິວັດ, ມີຫົວຄິດປະດິດສ້າງ, ມີຄວາມຈູບຈ້າວຫ້າວຫັນ ເປັນແບບຢ່າງນໍາໜ້າທີ່ດີໃຫ້ແກ່ມະຫາຊົນ, ເຮັດສຳເລັດໜ້າທີ່ວຽກງານທີ່ການຈັດຕັ້ງມອບໝາຍເປັນຢ່າງດີ.


ໃນໂອກາດສຳຄັນ ດັ່ງກ່າວ ສະຫາຍ ສົມພອນ ສີລາສັກ ເລຂາໜ່ວຍພັກຖະແຫຼງ-ຂ່າວສື່ມວນຊົນ ກໍ່ໄດ້ໂອ້ລົມ ແລະ ໄດ້ເນັ້ນໃຫ້ສະຫາຍ ສະມະຊິກພັກໃໝ່ກໍ່ຄືສະມະຊິກພັກສົມບູນ-ສໍາຮອງທັງໝົດພາຍໃນໜ່ວຍ ເອົາໃຈໃສ່ເຄື່ອນໄຫວເຮັດສຳເລັດໜ້າທີ່ຕາມການມອບໝາຍ ແລະມີຫົວຄິດປະດິດສ້າງ, ເປັນແບບເປັນຢ່າງນໍາໜ້າທີ່ດີແກ່ມະຫາຊົນ ພ້ອມທັງປຸກລະດົມຂົນຂວາຍມະຫາຊົນ ເຂົ້າຮ່ວມຈັດຕັ້ງປະຕິບັດໜ້າທີ່ການເມືອງຂອງພັກໃຫ້ມີຜົນສໍາເລັດ ເພື່ອສ້າງຄວາມສາມັກຄີ ແລະ ກາຍເປັນກຳລັງແຮງແກ່ພັກ ທັງນີ້ ກໍ່ເພື່ອເຮັດໃຫ້ໜ່ວຍພັກຖະແຫຼງຂ່າວ-ສື່ມວນຊົນ ສາມາດປະຕິບັນບັນລຸແຜນການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ.


ພາບ ແລະ ຂ່າວ: ນາລີວັນ (ຂ່າວເຊກອງ)
-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.