Header Ads

ແຂວງ ໄຊຍະບູລີ ສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2017



ກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2017 ຈັດຂຶ້ນໃນຕອນເຊົ້າຂອງວັນທີ 11 ມັງກອນ 2018, ທີ່ສະໂມສອນຫ້ອງວ່າການ ແຂວງ ໄຊຍະບູລີ, ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ, ຜູ້ຊີ້ນໍາວຽກງານຂົງເຂດເສດຖະກິດ-ການເງິນຂັ້ນແຂວງ, ຮອງເຈົ້າເມືອງ, ຫົວໜ້າພະແນກ, ຮອງຫົວໜ້າພະແນກການ, ອົງການ, ກົມກອງ ອ້ອມຂ້າງແຂວງ, ມີສະມາຊິກສະພາປະຊາຊົນແຂວງ, ແລະ ຫົວໜ້າຫ້ອງການ-ການເງິນ 11 ເມືອ, ກອງຄຸ້ມຄອງພາສີກອງທີ 3, ຕາງໜ້າຫົວໜ່ວຍທຸລະກິດ, ຜູ້ປະກອບການທັງພາກລັດ ແລະ ເອກະຊົນເຂົ້າຮ່ວມ.


ໃນກອງປະຊຸມ ທ່ານ ບຸນແທນ ທິແກ້ວ ຫົວໜ້າພະແນກການເງິນແຂວງ ໄດ້ ຜ່ານບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2017 ແລະ ທິດທາງແຜນການງົບປະມານປີ 2018, ທ່ານໄດ້ຍົກໃຫ້ເຫັນວ່າ: ດ້ວຍຄວາມເອົາໃຈໃສ່ ແລະ ຄວາມຮັບຜິດຊອບສູງ, ພາຍໃຕ້ການຊື້ນໍາ-ນໍາພາຢ່າງໃກ້ສິດຈາກຄະນະພັກ, ອົງການປົກຄອງທຸກຂັ້ນ, ລວມທັງຄວາມຕັດສິນໃຈຂອງບັນດາຂະແໜງການ ບວກ ກັບຄວາມຮັບຜິດຊອບໜ້າທີ່ການເມືອງຂອງພະນັກງານ, ສະມາຊິກພັກ ໃນຂະແໜງການເງິນແຕ່ລະຂັ້ນຂອງແຂວງລົງຮອດຂັ້ນເມືອງ, ເຮັດໃຫ້ແຂວງສາມາດຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2017 ມີຜົນສໍາເລັດຕາມລະດັບຄາດມາຍທີ່ວາງໄວ້, ສະແດງອອກຜົນງານແຕ່ລະດ້ານຄື: 




ວຽກງານສ່ວຍສາອາກອນ ໄດ້ສຸມໃສ່ຕິດຕາມກວດກາການຈັດຕັ້ງປະຕິບັດແຜນລາຍຮັບສ່ວຍສາອາກອນຢູ່ອ້ອມຂ້າງແຂວງ ແລະ ບັນດາເມືອງ, ຕິດຕາມກວດກາ ແລະ ຄຸ້ມຄອງການເກັບລາຍຮັບຈາກການນໍາໃຊ້ຊັບພະຍາກອນດິນດໍາ, ດິນແດງ, ຫີນຜາກ້ອນ, ຕ້ານ ແລະ ສະກັດກັ້ນການລັກລອບສິນຄ້າໜີພາສີ, ແກ້ໄຂພາຫະນະນໍາເຂົ້າບໍ່ຖືກຕ້ອງໄດ້ທັງໝົດ 965 ຄັນ, ສາມາດເກັບລາຍຮັບໄດ້ 31 ຕື້ກວ່າກີບ, ເກັບກໍາສະຖິຕິຫົວໜ່ວຍທຸລະກິດໄດ້ທັງໝົດ 335 ຫົວໜ່ວຍ, ໃນນັ້ນ ຫົວໜ່ວຍການຄ້າມີ 225 ຫົວໜ່ວຍ, ບໍລິການມີ 76 ຫົວໜ່ວຍ ແລະ ການຜະລິດມີ 34 ຫົວໜ່ວຍ, ປະຕິບັດລາຍຮັບໄດ້ທັງໝົດ 768 ຕື້ກວ່າກີບ, ເທົ່າກັບ 112,54 % ຂອງແຜນການປີ, ທຽບໃສ່ໄລຍະດຽວກັນລື່ນ 38,51 %, ໃນນີ້: ລາຍຮັບພາຍໃນແຂວງປະຕິບັດໄດ້ 223 ຕື້ກວ່າກີບ, ເທົ່າກັບ 104,90 % ຂອງແຜນການປີ, ລາຍຮັບສ່ວຍສາອາກອນ 215 ຕື້ກວ່າກີບ, ເທົ່າກັບ 105,23 % ຂອງແຜນການປີ, ລາຍຮັບພາສີພູດຂອງແຂວງ 0,25 ຕື້ກີບ, ລາຍຮັບຄຸ້ມຄອງຊັບສິນ 7 ຕື້ກວ່າກີບ, ເທົ່າກັບ 91,17 % ຂອງແຜນການປີ ລາຍຮັບຄຸ້ມຄອງວິສາຫະກິດລັດລົງທຶນ ແລະ ການປະກັນໄພ 0,23 ຕື້ກີບ, ເທົ່າກັບ 361,32 % ຂອງແຜນການປີ, ຮັບເງິນດຸ່ນດ່ຽງຈາກສູນກາງປະຕິບັດໄດ້ 346 ຕື້ກວ່າກີບ, ເທົ່າກັບ 100 % ຂອງແຜນດັດແກ້, ລາຍຮັບພາສີພູດສູນກາງ ປະຕິບັດໄດ້ 544 ຕື້ກວ່າກີບ, ເທົ່າກັບ 116,01 % ຂອງແຜນການປີ, ແຫຼ່ງລາຍຮັບພາຍໃນສ່ວນໃຫຍ່ ໄດ້ມາຈາກອາກອນລາຍໄດ້ເງິນເດືອນ 2 ໂຄງການໃຫຍ່ຄື: ເຂື່ອນໄຟຟ້ານໍ້າຂອງ ແລະ ໄຟຟ້າຫົງສາ; ກອງປະຊຸມຄັ້ງນີ້ຜູ້ເຂົ້າຮ່ວມຍັງໄດ້ພ້ອມກັນຄົ້ນຄ້ວາ, ປຶກສາຫາລື ຍົກໃຫ້ເຫັນດ້ານດີຜົນງານທີ່ຍາດມາໄດ້ ແລະ ແກ້ໄຂຈຸດອ່ອນ, ຂໍ້ຄົງຄ້າງ ພ້ອມທັງ ໄດ້ເປັນເອກະພາບກັນກ່ຽວກັບມາດຕະການອັນລະອຽດເພື່ອຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2018.



ທີ່ມາ: ວີທະຍຸກະຈາຍສຽງແຫ່ງຊາດ 

-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.