Header Ads

ຄະນະຜູ້ແທນຂັ້ນສູງນະຄອນໂຮຈິມິນ ພົບປະຢຽມຢາມແຂວງຈຳປາສັກ



ໃນວັນທີ24-25 ມັງກອນ 2018 ນີ້, ຄະນະຜູ້ແທນຂັ້ນສູງນະຄອນໂຮຈິມິນແຫ່ງ ສສ ຫວຽດນາມ ນຳໂດຍ ທ່ານ ຫງວຽນ ທ້ຽນ ເຍິນ ກຳມະການກົມການເມືອງສູນກາງພັກ ເລຂາຄະນະພັກ ຫົວໜ້າຄະນະສະມາຊິກສະພາແຫ່ງຊາດ ນະຄອນໂຮຈິມິນ ພ້ອມຄະນະ ໄດ້ເດີນທາງມາຢ້ຽມຢາມແຂວງຈຳປາສັກ ໂອກາດນີ້ໄດ້ພົບປະການນຳແຂວງ ຊຶ່ງນຳໂດຍ ທ່ານ ດຣ ບຸນຖອງ ດີວິໄຊ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆຈຳປາສັກ.





ໃນການພົບປະກັນລະຫວ່າງການນຳແຂວງຈຳປາສັກ ແລະ ຄະນະຜູ້ແທນຂັ້ນສູງນະຄອນໂຮຈິມິນໃນຄັ້ງນີ້ທ່ານ ດຣ ບຸນຖອງ ດີວິໄຊ ໄດ້ລາຍງານສະພາບຈຸດພິເສດກໍ່ຄືການພັດທະນາເສດຖະກິດ-ສັງຄົມຂອງແຂວງຈຳປາສັກໂດຍສັງເຂບໃຫ້ ຄະນະຜູ້ແທນຂັ້ນສູງນະຄອນໂຮຈິມິນໄດ້ຮັບຊາບ ເຊິ່ງໃນໄລຍະທີ່ຜ່ານມາເຖິງປະຈຸບັນທາງ ສສຫວຽດນາມ ໄດ້ມາລົງທຶນຢູ່ ແຂວງຈຳປາສັກ ສ ປ ປ ລາວ ທັງໝົດ 44 ໂຄງການ, ໃນນັ້ນນະຄອນໂຮຈິມິນ 14 ໂຄງການ ອັນເປັນການປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີສາຍພົງວພັນໃຫ້ເລິກເຊິ່ງໜັກແໜ້ນ ແລະພັດທະນາເສດຖະກິດ - ສັງຄົມຢູ່ແຂວຈຳປາສັກໃຫ້ກ້າວໜ້າຂະຫຍາຍຕົວຢ່າງບໍ່ຢຸດຢັງ. ຈາກນີ້ ທັງສອງທ່ານ ການນຳຂັ້ນສູງແຂວງຈຳປາສັກ ແລະ ໂຮຈິມິນ ກໍໄດ້ພ້ອມກັນຕີລາຄາສູງຕໍ່ສາຍພົວພັນມິດຕະພາບ ຄວາມສາມັກຄີພິສດ ແລະການຮ່ວມືຮອບດ້ານລະຫວ່າງສອງພັກ,ສອງລັດ ແລະປະຊາຊົນສອງາດ ລາວ -ຫວຽດນາມທີ່ມາແຕ່ດົນນານ ໂດຍສະເພາະການເພີ່ມພູນຄູນສ້າງສາຍພົວພັນການຮ່ວມມືຮອບດ້ານຈຳປາສັກ-ໂຮຈິມິນ ທີ່ນັບມື້ນຳຜົນປະໂຫຍດຕົວຈິງມາສູ່ປະຊາຊົນສອງຊາດອີກດ້ວຍ.


ໂອກາດເດີນທາງມາຢ້ຽມຢາມແຂວງຈຳປາສັກ ຂອງຜູ້ແທນຂັ້ນສູງນະຄອນໂຮຈິມິນ ສສ ຫວຽດາມ ແມ່ນໄດ້ເຂົ້າຢ້ຽມຂໍ່ານັບທ່ານ ຄຳໄຕ ສີພັນດອນ ອາດີດປະທານພັກ ປະທານປະເທດ ສປປ ລາວ, ຢ້ຽມຢາມກົງສູນໃຫຍ່ຫວຽດນາມປະຈຳພາກໃຕ້,ສະມາຄົມຫວຽດນາມ ແລະໂຮງຮຽນ ປະຖົມມິດຕະພາບລາວ-ຫວຽດນາມ ທີ່ບ້ານສະພານໄຊ ເມືອງປາກເຊອີກດ້ວຍ.

ພາບ ແລະ ຂ່າວ: ສວຈ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.