Header Ads

ປະກາດຕາມຫາ ພຣະ 5 ອົງ ທີ່ຖືກລັກ ຈາກວັດອາໄພ ເມືອງຫຼວງພະບາງ ໃນວັນທີ 6 ມັງກອນ 2018


ພຣະພຸທທະຮູບເສຍ ທີ່ວັດອາໄພ ຫລວງພຣະບາງ

ໃນຄ່ຳຄືນຂອງວັນເສົາ ວັນທີ່ 06 ມັງກອນ 2018 ໄດ້ມີໂຈນໃຈບາບ ມາລັກເອົາພຣະພຸທທະຮູບທອງສຳຣິດ ຈຳນວນ 5 ອົງ ( ຕາມຮູບທີ່ປະກາດຂ່າວນີ້ ) ທີ່ວັດອາໄພ ເມືອງຫລວງພຣະບາງ ແຂວງຫລວງພຣະບາງ

ພຣະທັງ 5 ອົງນີ້ເປັນພຣະເກົ່າແກ່ ແລະປະດິດສະຖານທີ່ວັດອາໄພນີ້ມາແຕ່ດຶກດຳບັນມາຫລາຍເຊັ່ນຄົນແລ້ວ ເຫດການ ການລັກເອົາພຣະພຸທທະຮູບເກົ່ານີ້ແມ່ນເກິດຂຶ້ນມາຢ່າງຕໍ່ເນື່ອງລຽນຕິດຕາມວັດຕ່າງໆຂອງເມືອງຫລວງພຣະບາງ ແລະແຂວງຕ່າງໆ ທົ່ວປະເທດ ເຊັ່ນເມື່ອປີທີ່ແລ້ວ ກໍ່ມີໂຈນບໍ່ດີມາລັກເອົາພຣະທີ່ວັດແສນມາແລ້ວ

ຖ້າໃຜເຫັນ ຫລືຮູ້ຂ່າວຂອງກຸ່ມໂຈນເຫລົ່ານີ້ກໍ່ແຈ້ງຕໍ່ອຳນາດການປົກຄອງ ຫລືເຈົ້າຫນ້າທີ່ໃຫ້ຊາບໂດຍດ່ວນ ແລະທຸກໆຄົນກໍ່ຕ້ອງເປັນຫູເປັນຕາຊ່ວຍກັນປ້ອງການແລະຮັກສາ ພຣະພຸທທະຮູບແລະຊັບສົມບັດອັນປະເມີນຄ່າບໍ່ໄດ້ນີ້ ໃຫ້ປອດໄພຍິ່ງຂຶ້ນ ດີແທ້ທາງວັດຫລືຄຸ້ມວັດຕ່າງໆ ຄວນຈະຊື້ກ້ອງວົງຈອນປິດ ແລະຫາບ່ອນທີ່ໝັ້ນຄົງປອດ ພ້ອມທັງເວນຍາມກັນໃຫ້ແຫນ້ນຫນ້າຂຶ້ນຕື່ມ

ເພາະຄົນພວກນີ້ຄົງຈະຫາຫົນທາງທີຈະລັກອີກຕື່ມແນ່ນອນ ຖ້າວັດວາຕ່າງໆ ລືມແລະປ່ອຍປະບໍ່ເອົາໃຈໃສ່ ຂ່າວແບບນີ້ກໍ່ຄົງຈະບໍ່ຫມົດໄປອີກ ເປັນແນ່ແທ້.

ທ່ານໃດຮູ້ເບາະແສ ໃຫ້ແຈ້ງມາທີ່ເພຈ ໂທລະໂຄ່ງ ຫຼື ເພຈ Art and Culture of Laos ແດ່

ຂອບໃຈຮູບພາບແລະຂ່າວຈາກ Bong Thongsavat








-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.