Header Ads

ທ່ານຫົວໜ້າຄະນະຈັດຕັ້ງສູນການພັກເນັ້ນໃຫ້ກອງພົນທະຫານຮາບທີIIເອົາໃຈໃສ່ໃນການສ້າງພະລາທິການກັບທີ່




ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 69 ປີ ທີ່ຈະມາເຖິງໃນມໍ່ໆນີ້, ທ່ານ ຈັນສີ ໂພສີຄຳ ກໍາມະການກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກ ພ້ອມດ້ວຍພັນລະຍາໄດ້ລົງຢ້ຽມຢາມກອງພົນທະຫານຮາບທີ 2, ໃນວັນທີ 10 ມັງກອນ 2018 ນີ້, ໃຫ້ການຕ້ອນຮັບໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ, ປະທານປ້ອງກັນຊາດ-ປ້ອງກັນຄວາມສະຫງົບ ແຂວງ ໄຊຍະບູລີ, ມີນາຍ ແລະ ພົນທະຫານພາຍໃນກອງພົນທະຫານຮາບທີ 2 ໃຫ້ການຕ້ອນຮັບຢ່າງອົບອຸ່ນ.


ໂອກາດດັ່ງກ່າວ ທ່ານ ຈັນສີ ໂພສີຄຳ ກໍາມະການກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກ, ໄດ້ນໍາເອົາຄວາມຢ້ຽມຢາມຖາມຂ່າວອັນອົບອຸ່ນ, ຄວາມຮັກແພງອັນສະນິດສະໜົມຈາກສູນກາງພັກ ແລະ ລັດຖະບານມາຍັງນາຍ ແລະ ພົນທະຫານ ພາຍໃນກອງພົນທະຫານຮາບທີ 2 ແລະ ບັນດາຄອບຄົວຜູ້ທີ່ເສຍສະລະຊີວິດ, ບັນດາຄອບຄົວນາຍ ແລະ ພົນທະຫານທີ່ອອກໄປປະຕິບັດໜ້າທີ່ຢູ່ເຂດທຸລະກັນດານ, ພ້ອມດຽວກັນ ທ່ານ ຈັນສີ ໂພສີຄໍາ ຍັງໄດ້ເນັ້ນໜັກໃຫ້ກອງພົນທະຫານຮາບທີ 2 ຈົ່ງສືບຕໍ່ສຸມທຸກເງື່ອນໄຂຄວາມສາມາດ ເພື່ອກ້າວໄປເຖິງການກຸ້ມຕົນເອງຢ່າງຮອບດ້ານ, ໃຫ້ຖືເອົາວຽກງານຄຸ້ມຄອງ, ລ້ຽງດູກອງທັບດ້ວຍການສ້າງພະລາທິການກັບທີ່ເປັນວຽກງານຕົ້ນຕໍ ເພື່ອແກ້ໄຂຄວາມຫຍຸ້ງຍາກຟືດເຄືອງດ້ານຊີວິດການເປັນຢູ່, ໂດຍສຸມໃສ່ດ້ານກະສິກໍາທີ່ເປັນທ່າແຮງໃນການປູກຝັງ, ລ້ຽງສັດ ໃຫ້ເປັນຂະບວນ, ຂະຫຍາຍດ້ານການບໍລິການບາງດ້ານທີ່ເປັນທ່າແຮງ, ຕິດພັນກັບຂົງເຂດປ້ອງກັນຊາດ ໃຫ້ເພີ່ມຂຶ້ນຕາມເງື່ອນໄຂ, ພ້ອມກັນນັ້ນກໍຕ້ອງເຂົ້າຮ່ວມຢ່າງຕັ້ງໜ້າໃນການກໍ່ສ້າງກິດຈະກໍາດ້ານເສດຖະກິດ-ສັງຄົມຕ່າງໆຢູ່ທ້ອງຖິ່ນ, ອອກແຮງຊ່ວຍເຫຼືອປະຊາຊົນໃນການປັບປຸງຊີວິດການເປັນຢູ່ດ້ານວັດຖຸ ແລະ ວັດທະນະທໍາໃຫ້ນັບມື້ນັບດີຂຶ້ນ, ຄຽງຄູ່ກັບວຽກງານແກ້ໄຂຊີວິດການເປັນຢູ່ແລ້ວ, ຕ້ອງພ້ອມກັນປະຢັດ, ປະຢັດຊັບສິນວັດຖຸຂອງຂອງສ່ວນລວມ, ຕ້ອງມີແບບແຜນດໍາລົງຊີວິດແບບງ່າຍດາຍ, ໃຊ້ຈ່າຍມີແຜນການ,ເຮັດໃຫ້ສິ່ງດັ່ງກ່າວກາຍເປັນຂະບວນອັນກວ້າງຂວາງ ແລະ ເປັນລະບຽບແບບແຜນອັນໜຶ່ງໃນທົ່ວກອງກັບ, ໂອກາດທີ່ ທ່ານ ພ້ອມດ້ວຍພັນລະຍາລົງຢ້ຽມຢາມກອງພົນທະຫານຮາບທີ 2, ກໍ່ໄດ້ນໍາເອົາເຄື່ອງອຸປະໂພກ-ບໍລິໂພກ ແລະ ເຄື່ອງກໍ່ສ້າງຈໍານວນໜຶ່ງ ລວມມູນຄ່າ 45 ລ້ານກີບມອບໃຫ້ກອງພົນທະຫານຮາບທີ 2 ຕື່ມອີກ.


ຂ່າວ : ແຂວງ ໄຊຍະບູລີ/ມີເດຍລາວ 
-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.