Header Ads

ບ້ານເຈົ້າເອີ້ນ ກະລໍ ຫຼື ໂປ່ງ?


ມີການຖົກຖຽງກັນ ໃນການຮຽກຊື່ ວ່າແມ່ນ ກະລໍ ຫຼື ໂປ່ງ? ມື້ນີ້ ໄດ້ຂໍ້ມູນຈາກ Art and Culture of Laos ເພື່ອໃຫ້ທຸກຄົນໄດ້ເຂົ້າໃຈກົງກັນເນາະ.

ກະລໍ ຫລື ວ່າໂປ່ງ ເອີ້ນອັນໃດ ກໍ່ແມ່ນຖືກໝົດເດີ! ທີ່ຈຳເປັນປະຈຳວັດຕ່າງໆ ເປັນສັນຍາລັກຕີບອກເວລາ.

ຄຳວ່າກະລໍ ແມ່ນໃຊ້ແຖບທາງພາກເໜືອ ສ່ວນຄຳວ່າໂປ່ງແມ່ນໃຊ້ຢູ່ທາງພາກກາງພາກໃຕ້ ແລະຝັ່ງຊ້າຍແມ່ນ້ຳຂອງ ເປັນສັນຍາລັກແລະເປັນສິ່ງທີ່ບອກເວລາ ເຊັ່ນ : ກ່ອນພຣະຈະອອກບິນທະບາດ ຈະຕີກະລໍຫລືໂປ່ງ ກ່ອນອອກບິນທະບາດ ແລະ ຕີອີກຄັ້ງເພື່ອເຕື່ອນໃຫ້ຮູ້ວ່າໃກ້ຮອດເວລາພຣະ-ຈົວ ຈະສັນຈັງຫັນ ຫລືສັນເພນ ຫລື ມີການປະຊຸມ ຫລືວຽກງານຕ່າງໆຂອງຫມູ່ບ້ານ ກໍ່ຈະນ້ຳໃຊ້ສິ່ງເຫລົ່ານີ້ຕີເພື່ອບອກເວລາ



ໃຜໆເປັນເດັກນ້ອຍກໍ່ຈະຮູ້ດີ ເພາະຖ້າຮອດເວລາສັນຈັງຫັນຫລືສັນເພນ ຄູບາ ຈະບອກເດັກນ້ອຍທີ່ຫລິ້ນໃນລານວັດ ນັ້ນໄປຕີກະລໍຫລືໂປ່ງໃຫ້ແດ່ ບັນດາເດັກນ້ອຍທັງຫລາຍ ກໍ່ຈະພາກັນແລ່ນຫົວໄປແຂ່ງກັນໄປ ເພື່ອຈະໄດ້ມີສິດໄດ້ຕີກະລໍຫລືໂປ່ງກ່ອນຫມູ່ ..... ວັດແຖວນອກເມືອງຈະມີຫລາຍ ສ່ວນວັດໃນເມືອງເພື່ອຈະໃຊ້ກອງ ຫລື ກະແລ່ງ ຣະຄັງຕີ ...


ເຫັນແລ້ວຄິດຮອດ ແລະຄວນອະນຸລັກສິ່ງເຫລົ່ານີ້ໄວ້ ເພາະວ່າມີແຕ່ຊົນຊາດອ້າຍລາວເທົ່ານັ້ນທີ່ນຳໃຊ້ສິ່ງເຫລົ່ານີ້ແລະນັບມື້ຈະສູນຫາຍໄປແລ້ວ ຖ້າໃຜມີສັດທາຄວນສ້າງກະລໍຫລືໂປ່ງໃຫ້ບັນດາວັດຕ່າງໆ ແດ່ເພື່ອເປັນການສຶບທອດມໍລະດົກແນວນີ້ໄປໃຫ້ສຶບຕໍ່ໄປເພາະປະຈຸບັນນີ້ມີແຕ່ຜູ້ທານຄ້ອງ ແລະກອງຫລາຍກວ່ກະລໍ ຫລືໂປ່ງ...

ທີ່ມາ:  Art and Culture of Laos
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.