Header Ads

ເມືອງທ່າແຕງ ປະກວດນາງສາວເພື່ອເລືອກເປັນຕົວແທນແມ່ຍິງທົ່ວເມືອງ


ງານປະກວດນາງສາວບັນດາເຜົ່າເມືອງທ່າແຕງ ແຂວງເຊກອງຈັດຂຶ້ນຢ່າງຄຶກຄື້ນໃນຄໍ່າຄືນວັນທີ 5 ມັງກອນ 2018 ທີເດີ່ນກິລາເມືອງທ່າແຕງເຊິ່ງມີມວນເຂົ້າຮ່ວມຊົມຢ່າງຫຼວງຫຼາຍ.

ງານປະກວດນາງສາວບັນດາເຜົ່າຢູ່ເມືອງທ່າແຕງຄັ້ງນີ້ຈັດຂຶ້ນເພື່ອແນໃສ່ການອະນຸລັກສົ່ງເສີມຄຸນຄ່າວັດທະນະທຳອັນດີງານຂອງຊາດກໍຄືຂອງທ້ອງຖິ່ນໃຫ້ຄຽງຄູ່ຢູ່ກັບຄົນລາວຕະຫຼອດໄປ ໂດຍການປະກວດໄດ້ຈັດເປັນສອງຮອບຄື: ຮອບທີ 1 ຄັດເລືອກເອົາ 7 ນາງສາວຈາກຜູ່ເຂົ້າປະກວດທັງໝົດ 15 ນາງສາວ, ຮອບທີ 2 ຄັດເລືອກເອົາ 3 ນາງສາວ,ເຊີ່ງຜົນການປະກວດໃນຮອບທີ 2 ນີ້ ໄດ້ນາງສາວທີ່ເປັນຕົວແທນຂອງເມືອງທ່າແຕງຄື ນາງສາວ ເອະດາວັນ ພັນທະວົງ ອາຍຸ 17 ປີ,ໄດ້ຊະນະເລີດ, ນາງສາວ ສຸກທະວີ ສີລິພັນ ອາຍຸ 16 ປີ ໄດ້ຮອງຊະນະເລີດອັນດັບທີ 1 ແລະ ນາງສາວ ມະໄລພອນ ບຸດຕະວົງ ອາຍຸ 18 ປີ ໄດ້ຮອງຊະນະເລີດອັນດັບທີ 2 .




ທ່ານ ພູວົງ ກອງຊັບ ກໍາມະການພັກເມືອງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງທ່າແຕງກ່າວວ່າ: ຜ່ານການປະກວດ ແລະ ໄດ້ຄັດເລືອກທັງ 3 ນາງສາວຈະໄດ້ເປັນຕົວແທນແມ່ຍິງທົ່ວເມືອງ ແລະ ເຮັດໜ້າທີ່ເປັນທູດວັດທະນະທຳເປັນເວລາ 1 ປີ ພ້ອມທັງເຂົ້າຮ່ວມກິດຈະກຳທາງສັງຄົມງານປະເພນີທີ່ສຳຄັນໂດຍຕິດພັນກັບວຽກງານການທ່ອງທ່ຽວເຊັ່ນ: ນາງ ສັງຂານປີໃໝ່ລາວ...ເຫຼົ່ານີ້ເປັນຕົ້ນ.



ການປະກວດຄັດເລືອກນາງສາວບັນດາເຜົ່າເມືອງທ່າແຕງໃນຄັ້ງນີ້ ນອກຈາກເປັນຕົວແທນແມ່ຍິງທົ່ວເມືອງແລ້ວຍັງເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫ່ຍອົງຄະນະພັກເມືອງທ່າແຕງຄັ້ງທີ 6 ແລະ ງານສະເຫຼີມສະຫຼອງປີທ່ອງທ່ຽວລາວ 2018 ກໍຄືວັນສ້າງຕັ້ງເມືອງທ່າແຕງຄົບຮອບ 25 ປີ (ວັນທີ 8 ມັງກອນ 1993 ຫາ ວັນທີ 8 ມັງກອນ 2018ນີ້) ໃຫ້ມີບັນຍາກາດຟົດຟື້ນ ແລະມີຄວາມໝາຍສໍາຄັນ.

ພາບແລະຂ່າວ: ສະຫຍາມ ຈັນທະສອນ, ນັກຂ່າວ ເມືອງທ່າແຕງ



-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.