Header Ads

ເມືອງໂພນໄຊ ຍົກສູງການຕໍ່ຕ້ານການ ສໍ້ລາດບັງຫລວງ



ຫຼວງພະບາງ: ໃນຕອນເຊົ້າຂອງວັນທີ່ 29 ທັນວາ 2017 ຢູ່ສະໂມສອນເມືອງໂພນໄຊ ໄດ້ຈັດພິທີປາຖະຄາຖາວັນຕ້ານການສໍ້ລາດບັງຫລວງສາກົນຄົບຮອບ 41 ປີ ຂື້ນ. ໂດຍການໃຫ້ກຽດເລົ່າມູນເຊື້ອ ແລະ ປະຫວັດຄວາມເປັນມາຂອງທ່ານ ທອງຈັນ ລັດຕະນະປະດິດ ຄະນະປະຈໍາພັກເມືອງ ປະທານກວດກາພັກ-ລັດເມືອງ,ມີຫົວໜ້າຫ້ອງການ,ຮອງຫ້ອງການ,ພະນັກງານລັດຖະກອນ ແລະ ພະນັກງານຜູ້ທີ່ເຮັດວຽກງານກວດກາພັກກວດກາລັດຢູ່ແຕ່ລະຫ້ອງການອ້ອມຂ້າງເມືອງເຂົ້າຮ່ວມຮັບຟັງ.


ທ່ານ ທອງຈັນ ລັດຕະນະປະດິດ ໄດ້ກ່າວວ່າ: ການສໍ້ລາດບັງຫລວງເປັນໄພອັນຕະລາຍອັນຮ້າຍແຮງຊຶ່ງສົ່ງຜົນກະທົບ ແລະ ກົດໜ່ວງຖ່ວງດຶງການພັກທະນາເສດຖະກິດ-ສັງຄົມຂອງແຕ່ລະປະເທດໃນໂລກບໍ່ວ່າຈະເປັນປະເທດນ້ອຍ ຫຼື ໃຫ່ຍ ທຸກຍາກ,ຮັ່ງມີກໍ່ລ້ວນແຕ່ມີຜົນກະທົບເຊັ່ນດຽວກັນ ແລະ ພວມເປັນໄພທີ່ຂົ່ມຂູ່ເຖິງຄວາມສະຖຽນນະພາບຂອງການຈັດຕັ້ງທັງພາກລັດ ແລະ ເອກະຊົນ ສ້າງໃຫ້ເກີດຄວາມບໍ່ສະຫງົບຄວາມບໍ່ຍຸຕິທໍາໃນສັງຄົມ ເປັນການທອນກໍາລັງແຮງກໍ່ຄືຄວາມເຊື້ອໜັ້ນ ແລະ ຄ່ານີຍົມຂອງສັງຄົມຕໍ່ສະຖາບັນການປົກຄອງ ການສໍ້ລາດບັງຫລວງເປັນການຕັດຮອນເອົາລາຍໄດ້ຂອງຊາດ ຂອງລວມໜູ່ຂອງພົນລະເມືອງດ້ວຍຫຼາຍຮູບຫຼາຍວິທີສ້າງຄວາມເສຍຫາຍໃຫ້ແກ່ຊັບສີນເງີນຄໍາຂອງລັດ,ລວມໜູ່ ແລະ ຂອງປະຊາຊົນເປັນຈໍານວນມະຫາສານ




ການສໍ້ລາດບັງຫລວງເປັນການສະແດງອອກຢ່າງເປີດແປນ ຂອງການຂາດຄຸນນະທໍາຈັນຍາບັນໃນການດໍາເນີນງານໃນສັງຄົມ ກໍ່ໃຫ້ເກີດມີກຸ່ມກ້ອນຮ່ວມຜົນປະໂຫຍດທາງເສດຖະກິດ ການເມືອງ ແລະ ນໍາໄປສູ່ຄວາມບໍ່ເອກະລາດ ເກີດຄວາມແຕກແຍກ ແລະ ອື່ນໆ ຈາກນັ້ນມາສົນທິສົນຍາສະຫະປະຊາຊາດກ່ຽວວ່າດ້ວຍການຕ້ານສໍ້ລາດບັງຫລວງໄດ້ຮັບຮອງເອົາເປັນເອກະສັນໃນວັນທີ່ 18 ທັນວາ 2002 ທີນີວຢອກ ປະເທດສະຫະລັດອາເມຣິກາ ສົນທີສັນຍາດັ່ງກ່າວ ໄດ້ເປີດໃຫ້ບັນດາລັດພາຄີລົງນາມເຂົ້າເປັນສະມາຊິກໃນວັນທີ່ 9 ທັນວາ 2003 ທີ່ ເມລິດາ ປະເທດແມັກຊິໂກ ຊຶ່ງມາຮອດປະຈຸບັນນີ້ມີ 183 ພາຄິ ໃນນັ້ນເປັນສະມາຊີີກ 178 ປະເທດ ສໍາລັບ ສປປ ລາວໄດ້ລົງນາມສົນທິສັນຍາວ່າດ້ວຍການຕ້ານການສໍ້ລາດບັງຫລວງໃນວັນທີ່ 9 ທັນວາ 2003 ແລະ ໃຫ້ສັດຕະຍະບັນໃນວັນທີ່ 25 ກັນຍາ 2009 ກອງປະຊຸມສະມັດຊາໃຫ່ຍສະຫະປະຊາຊາດໃນປີ 2003 ໄດ້ອອກຍັດຕິ ສະບັບເລກທີ 58/4 ໂດຍກໍານົດເອົາວັນທີ່ 9 ທັນວາ ຂອງທຸກໆປີ ເປັນວັນຕ້ານການສໍ້ລາດບັງຫລວງສາກົນ.

ຂ່າວ: ສີວອນ ນັກຂ່າວເມືອງໂພນໄຊ.


------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








No comments

Powered by Blogger.