Header Ads

ນັກຮຽນບ້ານຫ້ວຍໄລ່ ແລະ ບ້ານນ້ຳຕັບ ໄດ້ຮັບເຄື່ອງຊ່ວຍເຫຼືອ


ນັກຮຽນບ້ານຫ້ວຍໄລ່ ແລະ ບ້ານນ້ຳຕັບ ໄດ້ຮັບເຄື່ອງຊ່ວຍເຫຼືອ


ເພື່ອແບ່ງປັນຄວາມອົບອຸ່ນແກ່ຜູ້ໃຫຍ່ ແລະ ເດັກເຂດຫາງໄກຊອກຫຼີກ. ດັ່ງນັ້ນ, ໃນວັນທີ 3 ເດືອນມັງກອນນີ້, ແມ່ປ້າ ບົວຈັນ ປໍສະຫວັດດີ ພະນັກງານບຳນານ ຂອງພະແນກສຶກສາທິການ ແລະ ກິລາແຂວງໄຊຍະບູລີ ພ້ອມດ້ວຍຄອບຄົວ ໄດ້ນຳເອົາເຄື່ອງນຸ່ງຫົ່ມ ເປັນຕົ້ນແມ່ນເສື້ອກັນໜາວ, ໂສ້ງ, ສິ້ນ ແລະ ເຄື່ອງອຶ່ນໆ ທີ່ມີທັງເຄື່ອງຜູ້ໃຫຍ່ ແລະ ເດັກນ້ອຍ ລວມທັງໝົດ 20 ກວ່າຖົງ ມາມອບໃຫ້ນ້ອງນັກຮຽນບ້ານຫ້ວຍໄລ່ຄື: ອະນຸບານ, ປະຖົມ ແລະ ບ້ານນ້ຳຕັບຄື: ປະຖົມ, ມັດທະຍົມ ພ້ອມນັ້ນ ຍັງໄດ້ມອບໃຫ້ຜູ້ປົກຄອງນ້ອງນັກຮຽນອີກຕື່ມ. ຊຶ່ງຮ່ວມເດີນທາງຄັ້ງນີ້, ມີທ່ານ ນາງ ດາວວິນ ລາດຊະກິດ ຮອງເຈົ້າເມືອງໆ ຫົງສາ ແລະ ພາກສ່ວນທີ່ກ່ຽວຂ້ອງຂອງເມືອງເຂົ້າຮ່ວມມອບເຄື່ອງ.




ເຄື່ອງຊ່ວຍເຫຼືອດັ່ງກ່າວ, ແມ່ນໄດ້ມາຈາກການປະກອບສ່ວນຊ່ວຍເຫຼືອຈາກສັງຄົມ ແລະ ອົງການຈັດຕັ້ງພັກ-ລັດ, ນັບທັງຄອບຄົວການນຳຂອງແຂວງ, ຄອບຄົວພະນັກງານຈາກພະນັກອ້ອມຂ້າງແຂວງ ແລະ ບຸກຄົນຈຳນວນໜຶ່ງ. ລວມມູນຄ່າເຄື່ອງຂອງຕ່າງໆ ທີ່ນຳມາມອບໃນຄັ້ງນີ້, ປະມານ 8 ລ້ານກີບ.


ທັງນີ້, ຍ້ອນຄວາມເປັນຫວ່ງເປັນໄຍຂອງການນຳຂັ້ນເທິງຕໍ່ພໍ່ແມ່ປະຊາຊົນ ຜູ້ທຸກຍາກຢູ່ເຂດຫາງໄກສອກຫຼີກທີ່ຫຍຸ້ງຍາກຂາດເຂີນໃຫ້ໄດ້ຮັບການຊ່ວຍເຫຼືອ, ເຊິ່ງບັນຍາກາດໃນການມອບແມ່ນເຕັ້ມໄປດ້ວຍຮອຍຍິ້ມ ແລະ ຄວາມດີອົກດີໃຈທັງຜູ້ໃຫ້ ແລະ ຜູ້ຮັບ.

ຂ່າວ: ກິດຕິສັກ ບົວໄລ







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.