Header Ads

ໂຮງຮຽນປະຖົມປຸ່ງເປົ້າເມືອງໂພນໄຊ ໄດ້ເປັນໂຮງຮຽນຕົວແບບມາດຕະຖານຄຸນນະພາບ ການສືກສາຊັ້ນປະຖົມ



ໃນຕອນເຊົ້າຂອງວັນທີ່ 22 ທັນວາ 2017ນີ້.ຢູ່ທີ່ໂຮງຮຽນປະຖົມສົມບູນປຸ່ງເປົ້າເມືອງໂພນໄຊ ແຂວງຫຼວງພະບາງ ໄດ້ຈັດພິທີປະກາດໂຮງຮຽນປະຖົມສືກສາປຸ່ງເປົ້າເມືອງ ເປັນໂຮງຮຽນຕົວແບບມາດຕະຖານຄຸນນະພາບການສືກສາຊັ້ນປະຖົມສືກສາຂັ້ນພະແນກສືກສາທິການ ແລະ ກິລາຂື້ນຢ່າງເປັນທາງການ.ໂດຍກາານເຂົ້າຮ່ວມຂອງທ່ານ ເອີງ ລໍສະຫັວນ ກຳມະການພັກແຂວງ,ຫົວໜ້າພະແນກສືກສາທິການ ແລະ ກິລາແຂວງຫຼວງພະບາງ,ທ່ານ ສີຈັນ ລັດສະໜີ ເຈົ້າເມືອງໆໂພນໄຊ.ມີຮອງຫົວໜ້າຫ້ອງການສືກສາທິການ ແລະ ກິລາເມືອງໂພນໄຊ,ຫົວໜ້າ,ຮອງຫົວໜ້າຫ້ອງການສືກສາທິການແລະກິລາ 12 ເມືອງ,ອໍານວຍການປະຖົມ,ມັດທະຍົມພາຍໃນເມືອງ,ແຂກຖືກເຊີນ,ການຈັດຕັ້ງບ້ານພ້ອມດ້ວຍພະນັກງານຫ້ອງການສືກສາທິການ ແລະ ກິລາເມືອງໂພນໄຊເຂົ້າຮ່ວມ.




ທ່ານ ນາງ ແສງ ສີຈຳປາ ອຳນວຍການໂຮງຮຽນປະຖົມປຸ່ງເປົ້າ ໄດ້ລາຍງານການສູ້ຊົນບັນລຸມາດຕະຖານຄຸນນະພາບການສືກສາຊັ້ນປະຖົມສືກສາຂອງໂຮງຮຽນແຫ່ງນີ້ ໄດ້ສ້າງຕັ້ງຂື້ນໃນສົກປີ 2000 ເບື້ອງຕົ້ນເປັນໂຮງຮຽນແບບປະຖົມປະຖານແບ່ງເປັນ 4 ຫ້ອງຮຽນ,ມີ 5 ຊັ້ນຮຽນ,ຄູສອນ 4 ຄົນ,ຍິງ 2 ຄົນ.ມີນັກຮຽນ 65 ຄົນ,ຍິງ 28 ຄົນ.ປັດຈຸບັນມີອາຄານຮຽນ 4 ຫຼັງ,ແບ່ງອອກເປັນ 5 ຫ້ອງຮຽນ, ໜື່ງຫ້ອງການ,ໜື່ງຫ້ອງກິດຈະກຳ.ອາຄານຮຽນຊັ້ນອະນຸບານສືກສາມີ 2 ຫຼັງ,ແບ່ງອອກເປັນ 3 ຫ້ອງຮຽນ,ມີຫ້ອງນໍ້າ 3 ຫຼັງມີ 7 ຫ້ອງ. ມີນັກຮຽນ ປ1-ປ5 ທັງໜົດ 138 ຄົນ,ຍິງ 75 ຄົນ.



ຜົນການປະເມີນມີ 6 ດ້ານ.ດ້ານການຮຽນ,ດ້ານການຮຽນ-ການສອນ,ດ້ານສະພາບແວດລ້ອມ,ດ້ານອຸປະກອນການຮຽນ-ການສອນ,ດ້ານການຄຸ້ມຄອງບໍລິຫານໂຮງຮຽນ,ດ້ານການມີສ່ວນຮ່ວມຂອງຊົນ.ມີການປະກອບຄຳເຫັນຈາກຄະນະພັດທະນາການສືກສາຂັ້ນບ້ານ,ຕາງໜ້າຄູສອນ.ຜ່ານຂໍ້ຕົກລົງຂອງຫົວໜ້າພະແນກສືກສາທິການ ແລະ ກິລາແຂວງຫຼວງພະບາງ ວ່າດ້ວຍການມອບໃບຢັ້ງຢືນເປັນໂຮງຮຽນຕົວແບບມາດຕະຖານໂຮງຮຽນຄຸນນະພາບການສືກສາຊັ້ນປະຖົມ.ຂື້ນມອບໂດຍທ່ານ ເອີງລໍ ສະຫັວນ,ຮັບໂດຍທ່ານ ນາງ ແສງ ສີຈຳປາ.



ມອບໃບຍ້ອງຍໍຂອງທ່ານເຈົ້າແຂວງ,ທ່ານເຈົ້າເມືອງໆໂພນໄຊ,ຂອງຫົວໜ້າພະແນກສືກສາທິການແລະກິລາແຂວງໃຫ້ບຸກຄົນທີ່ໄດ້ປະກອບສວ່ນວຽກງານການສືກສາຈຳນວນ 30 ສະຫາຍ,ຍິງ 12 ສະຫາຍ.ຕ້ອນທ້າຍທ່ານ ເອີງ ລໍສະຫັວນ ໄດ້ມີຄຳເຫັນໂອ້ລົມເຊີ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍທີ່ທາງຄະນະຮັບຜິດຊອບຍາດມາໄດ້. 18 ດ້ານ, 7 ຄາດໜາຍ.ການສ້າງແລະສອບເສັງນັກຮຽນເກັ່ງ,ການສ້າງໂຮງຮຽນຄຸນນະພາບ,ເອົາໃຈໃສ່ແກ້ໄຂບັນຫາອັດຕາຄ້າງຫ້ອງ,ປະລະການຮຽນ,ເພີ່ມອັດຕາເຂົ້າຮຽນສຸດທິ,ໂຮງຮຽນມີສີ່ງອຳນວຍຄວາມສະດວກດ້ານສຸຂະອານາໄມ,ອັດຕານັກຮຽນຕໍ່ຄູ.ພ້ອມນັ້ນຄະນະປະທານແລະບັນດາແຂກໄດ້ຮ່ວມກັນເປິດປ້າຍ,ຊົມການສະແດງສີລະປະວັນນະຄະດີຂອງນ້ອງນ້ອຍໂຮງຮຽນປຸ່ງເປົ້າຕື່ມອື່ກ.

ຂ່າວ: ແສງຄຳ ວັນທະນູໄຊ



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








No comments

Powered by Blogger.