Header Ads

ເມືອງໂພນໄຊຈັດບຸນປົດປີຂອງເຜົາມົ້ງ ແລະ ເຜົ່າກຶມມຸ ປະຈໍາປີ ຢ່າງມ່ວນຊື່ນ!



ຫຼວງພະບາງ: ຕອນເຊົ້າວັນທີ່ 25 ທັນວາ 2017ນີ້ ເມືອງໂພນໄຊແຂວງຫຼວງພະບາງ ໄດ້ຈັດງານບຸນປົດປີ (ເກີຮ) ຊົນເຜົ່າກຶມມຸ ແລະ ເຜົ່າມົ້ງ ຢູ່ທີ່ ບ້ານ ປາກງາ ກຸ່ມບ້ານໃຫ່ຍປາກງາ ໂດຍການເຂົ້າຮ່ວມຂອງ ທ່ານ ທອງຈັນ ລັດຕະນະປະດິດ ຄະນະປະຈຳພັກເມືອງ,ປະທານກວດກາພັກລັດເມືອງໂພນໄຊ,ທ່ານ ນາງ ສີອຳພອນ ຄຸນພານິດ ກຳມະການພັກເມືອງ ເລຂາຄະນະພັກຮາກຖານກຸ່ມບ້ານໃຫ່ຍປາກງາ,ຫົວໜ້າຫ້ອງການ ພາຍໃນເມືອງ, ທ່ານ ສີພອນ ສິມຍະເດດ ກຳມະການພັກເມືອງ ປະທານ ແນວລາວສ້າງຊາດເມືອງ, ມີເລຂາພັກບ້ານກຸ່ມບ້ານ,ແຂກທີຖືກເຊີນ ,ຕະຫຼອດຮອດພໍ່ແມ່ປະຊາຊົນພາຍໃນກຸ່ມ ພ້ອມດ້ວຍ ອ້າຍນ້ອງເຜົ່າມົ້ງ,ເຜົ່າກຶມມຸທົ່ວບ້ານປາກງາເຂົ້າຮ່ວມ.



ໃນໂອກາດດັ່ງກ່າວ ທ່ານ ສິງຕັນ ເຫຼືອມມີຍະແສງ ຕາງໜ້າເຜົ່າກຶມມຸ ໄດ້ຂື້ນເລົ່າປະຫັວດຄວາມເປັນມາຂອງບຸນປົດປີ,ຈາກນັ້ນທ່ານ ຈັນດີ ເຊັ່ງປໍຖໍ ນາຍບ້ານປາກງາກໍ່ໄດ້ຜ່ານບົດສະຫຼຸບປະຈຳປີໃນໄລຍະຜ່ານມາຂອງບຸນປົດປີເກີຮຂອງຊົນເຜົ່າກືມມຸ.ບ້ານປາກງາປະກອບ 360 ຄອບຄົວ,ພົນລະເມືອງ 2.118 ຄົນ,ຍິງ 1.005 ຄົນ.ປະກອບດ້ວຍ 3 ເຜົ່າຢູ່ຮ່ວມກັນ. ສໍາລັບເຜົ່າມົ້ງ ແລະ ເຜົ່າກຶມມຸແມ່ນໜຶ່ງໃນ 49 ຊົນເຜົ່າໃນວົງຄະນາ ຍາດແຫ່ງຊາດລາວ,ມີປະຫວັດຄວາມເປັນມາອັນຍາວ ນານຄ້າຍຄືກັບຊົນເຜົ່າອື່ນໆ, ເຊິ່ງຊົນເຜົ່າມົ້ງມີ ພາສາຂຽນເປັນເອກະລັກຂອງຕົນເອງສ່ວນພາສາປາກເວົ້າມີຄວາມແຕກຕ່າງກັນບາງເລັກໜ້ອຍ,ແຕ່ສາມາດເຂົ້າໃຈຊຶ່ງກັນ ແລະ ກັນມີເອກະລັກທາງດ້ານ ຮີດຄອງປະເພນີຄວາມເຊື່ອຖື ວັດທະນະທຳຂອງຕົນເອງໄວ້ໃຫ້ແກ່ຮຸ່ນລູກ,ຮຸ່ນຫຼານຈົນເຖິງທຸກວັນນີ້ເຊັ່ນ: ເຊື່ອຖືຜີເຮືອນ, ເຊື່ອຖືຜູ້ເປັນພໍ່,ເປັນແມ່ ແລະ ບັນພະບຸລຸດ.



ສ່ວນງານບຸນປົດປີຂອງຊົນ ເຜົ່າກືມມຸຄັ້ງນີ້ ກໍເພື່ອເປັນການ ສະເຫຼີມສະຫຼອງຜົນງານການ ຜະລິດໃນຮອບປີທັງເປັນການ ຟື້ນຟູເຜີຍແຜ່ຮີດຄອງປະເພ ນີ ແລະ ວັດທະນະທຳອັນດີງາມຂອງຕົນ ເປັນການສົມມາຄາລະວະຕໍ່ຜູ້ອາວຸໂສ, ຜູ້ເປັນພໍ່ເປັນແມ່ ແລະ ຜູ້ນຳພາໃນຕະກຸນ ເປັນໂອກາດເຕົ້າໂຮມພໍ່ແມ່ຍາດຕິພີ່ນ້ອງທັງໃກ້ ແລະ ໄກເພື່ອໄປ ,ມາຢ້ຽມ ຢາມພົບປະສ້າງສັນຄວາມສາມັກຄີ ແລະ ຮູ້ບຸນຄຸນຊຶ່ງກັນ ແລະ ກັນອີກຢ່າງໜຶ່ງເພື່ອເປັນການສ້າງໂອກາດໃຫ້ພໍ່ແມ່ໄດ້ເລືອກລູກໄພ້,ເລືອກລູກເຂີຍ ຫຼື ຊາຍໜຸ່ມ-ຍິງສາວໄດ້ເລືອກຄູ່ ຊີວິດຂອງຕົນ.


ຈາກນັ້ນ ບັນດາທ່ານການນຳ,ຫ້ອງການ,ກົມກອງແລະແຂກຖືກເຊີນ ກໍ່ໄດ້ມອບຂອງຂັວນໃຫ້ບ້ານຕື່ມອີກ ພ້ອມທັງໄດ້ຊົມການສະແດງສິ ລະປະວັນນະຄະດີຂອງຊົນເຜົ່າກືມມຸ . ທ້າຍພິທີທ່ານ ທອງຈັນ ລັດຕະນະປະດິດ ກໍໄດ້ສະແດງຄວາມຍ້ອງຍໍຊົມເຊີຍທີ່ທາງອຳນາດການປົກຄອງບ້ານຈັດພິທີສະເຫຼີມສະຫອງບຸນປົດປີຂອງເຜົ່າກຶມມຸ,ຄວາມສາມັກຄີຂອງບັນດາເຜົ່າພາຍໃນບ້ານຢ່າງແໜ້ນແຟ້ນ,ການຮັກສາຮິດຄອງປະເພນີ ແລະ ເສີມຂະຫຍາຍວັດທະນະທຳອັນດີງາມຂອງເຜົ່າໃຫ້ມີຄວາມຢືນຍົງ.

ຂ່າວ: ແສງຄຳ ວັນທະນູໄຊ

------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








No comments

Powered by Blogger.