Header Ads

UXO Lao ໄດ້ຮັບພາຫະນະ 15 ຄັນ ຈາກ ສະຖານທູດອາເມລິກາ ເພື່ອໃຊ້ໃນການເກັບກູ້ລະເບີດບໍ່ທັນແຕກ!


ນະ​ຄອນ​ຫຼວງວ​ຽງ​ຈັນ, ສ​ປ​ປ ລາວ – ໃນ​ວັນ​ທີ 12 ມັງ​ກອນ 2018, ທ່ານ​ນາງ ຣີ​ນາ​ ບີດ​ເຕີ ເອ​ກ​ອັກ​ຄະ​ລັດ​ຖະ​ທູ​ດ ສະຫະລັດອາເມລິກາ ໄດ້​ມອ​ບ​ລົດ​ໂຕ​ໂຍ​ຕ້າ ແລນ​ກຸ​ຍ​ເຊີ ຈຳ​ນວນ 15 ຄັນ​ໃຫ້ແກ່ໂຄງການເກັບກູ້ລະເບີດແຫ່ງຊາດ (UXO Lao) ເຊິ່ງ​ຈັດ​ຂຶ້ນທີ່ ນະຄອນຫຼວງວຽງຈັນ. ການ​ຊ່ວ​ຍ​ເຫຼື​ອໃນ​ຄັ້ງ​ນີ້ ມີ​ມູນ​ຄ່າ​ປະ​ມານ 490,000 ໂດ​ລ​າ​ສະ​ຫະ​ລັດ ປະ​ກອບ​ດ້ວຍ ອຸ​ປະ​ກອນເຄື່ອງ​ມື 15 ຊຸ​ດ ສຳ​ລັບ​ 15 ທີມ​​ເກັບ​ກູ້​ລະ​ເບີດ UXO Lao ທີ່​ກຳ​ລັງ​ປະ​ຕິ​ບັດ​ໜ້າ​ທີ່​ຢູ່ ແຂວງ​ສະ​ຫວັນ​ນະ​ເຂດ, ແຂວງຄຳ​ມ່ວນ ແລະ ແຂວງອັດ​ຕ​ະ​ປື.  15 ທີມ​​ເກັບ​ກູ້​ລະ​ເບີດກຸ່ມໃໝມ່ຂອງ UXO Lao ໄດ້ຮັບການ​ຊັບ​ຊ້ອນ, ຝຶກອົບ​ຮົມ ແລະ ອອກ​ປະ​ຕິ​ບັດ​ວ​ຽກ​ໃນ​ປີ  2017 ໂດຍການ​ສະ​ໜັບ​ສ​ະ​ໜູນ​ດ້ານ​ງົບ​ປະ​ມານ​ຂ​ອງ ສະ​ຫະ​ລັດ​ອ​ະ​ເມ​ລິ​ກາ.

ທ່ານ ເອກອັກຄະລັດຖະທູດ ບິດເຕີ ໄດ້ກ່າວວ່າ: ກ​ານ​ສະ​ໜັ​ບ​ສະ​ໜູນ​ການ​ເກັບ​ກູ້​ລະ​ເບີ​ດ​ຂອ​ງໂຄງ​ການ​ນີ້ ແມ່ນໄດ້ສະ​ທ້ອນ​ໃຫ້​ເຫັນ​ເຖິງ ການ​ຮ່ວ​ມ​ມື​ຢ່າງໃກ້ຊິ​ດ ລະ​ຫ​ວ່າງ​ ລັດ​ຖະ​ບານສະ​ຫະ​ລັດ​ອ​ະ​ເມ​ລິ​ກາ ແລະ ລັດ​ຖະ​ບານ ແລະ ປະ​ຊ​າ​ຊົນ​ຂອງ ສ​ປ​ປ ລາວ ເປັ​ນ​ເວ​ລາ​ຫຼາຍກວ່າ ສອງ ທົດ​ສະ​ຫວັດ ເພື່ອແກ້​ບັນ​ຫາ​ຄົງ​ຄ້າງ​ແຕ່​ປາງ​ສົງ​ຄາມ.  ທ່ານໄດ້ກ່າວຕື່ມອິກວ່າ: ການ​ຊ່ວຍ​ເຫຼື​ອ​ໃຫ້ UXO Lao ໃນ​ມື້​ນີ້ ແມ່ນ​ມາຈາກສ່ວນ​ໜຶ່ງ​ຂອງ​ ​ ທຶນ​ຊ່ວຍ​ເຫຼືອ 90 ລ້ານໂດ​ລ​າ​ສະ​ຫະ​ລັດ ຂອງ ສະ​ຫະ​ລັດ​ອາ​ເມ​ລິ​ກາ ​ໃນ​ໄລ​ຍ​ະ​ເວ​ລາ 3 ປີ ເພື່ອ​ສ​ະ​ໜັບ​ສະ​ໜູນ​ທຶນ​ໃຫ້​ການ​ສຳ​ຫຼວດ​ແຫ່ງ​ຊາດ​ ລະ​ເບີດລູກ​ຫວ່ານ ນອກ​ເໜືອ​ຈາກ​ການ​ເກັບ​ກູ້​ລະ​ເບີດ​ບໍ່​ທັນ​ແຕກທີ່​ພວມ​ສືບ​ຕໍ່.



​ນອກ​ຈາກ​ນັ້ນ, ​ທ່ານ ຄຳ​ແກ້ວ ສານ​ບຸນ​ຄູ​ນ​ໄຊ, ຮອງ​ລັ​ດ​ຖະ​ມົນ​ຕີ​ກະ​ຊວງ​ແຮງ​ງານ ແລະ ສ​ະ​ຫ​ວັດ​ດີ​ການ​ສັງ​ຄົມ ກໍ່​ໄດ້​ເຂົ້າ​ຮ່​ວ​ມພິ​ທີ​ຮັບ​ມອບ​ຄັ້ງ​ນີ້ ພ້ອມ​ດ້​ວຍ​ ທ່ານ ທິ​ບ​ພະ​ສອນ ສຸຂະທຳມະວົງ ຜູ້ອຳນວຍການ UXO Lao.

​ສ​ະ​ຫະ​ລັດ​ອາ​ເມ​ລິ​ກາ​ ພວມ​ໃຫ້​ການ​ສະ​ໜັບ​ສະ​ໜູນ 51 ​ຈ​າກ 96 ທີມ​ສຳ​ຫຼວດ ແລະ ເກັບ​ກູ້​ລະ​ເບີດ​ UXO Lao ນອກ​ຈ​າກ 3 ທີມ​ສຳ​  ຫຼ​ວດ​ທີ່​ບໍ່​ແມ່ນ​ເຕັກ​ນິກ, 3 ທີມ​ຄຸ້​ມ​ຄອງ​ຄຸ​ນ​ນະ​ພ​າບ​ລະ​ດັບ​ພາກ​ພື້ນ, ບັນ​ດາ​ຫ້ອງ​ການ​ຂອງ​ໂຄງ​ການ​ປະ​ຈຳ​ແຂວງ​ຕ່າ​ງໆ ແລະ ຄ່າ​ໃຊ້​ຈ່າຍດ້ານ​ການ​ບໍ​ລິ​ຫານ​ຈຳ​ນວນ​ໜຶ່ງ​ຂອງ ຫ້​ອງ​ການ​ແຫ່ງ​ຊາດ. ປະ​ຈຸ​ບັນ, ມີ​ພະ​ນັກ​ງານ​ ຂອງ UXO Lao ທັງໝົດປະ​ມານ 600 ທ່ານ ​ທີ່​ໄດ້​ຮັບ​ການ​ຈ້າງ​ງານ​ໂດຍ ລັດ​ຖະ​ບານ​ສະ​ຫະ​ລັດ​ອາ​ເມ​ລິ​ກາ.  ນອກ​ຈ​າກ​ນັ້ນ, ຍັງມີ​ພະ​ນັກ​ງານ​ຄົນ​ລາວ​ປະ​ມານ 940 ທ່ານ ທີ່​ເຮັດ​ວຽກ​ເຕັມ​ເວ​ລາ​ຢູ່​ໂຄງ​ການ​ສຳ​ຫຼວດ ແລະ ເກັບ​ກູ້​ລະ​ເບີດ​ບໍ່​ທັນ​ແຕກ ທີ່​ຮ່ວມ​ຈັດ​ຕັ້ງ​ປະ​ຕິ​ບັດ​ກັບ ອົງການເກັບກູ້ລະເບີດແມັກ (Mines Advisory Group), ອົງການເກັບກູ້ລະເບີດ (The HALO Trust) ແລະ ອົງການຊ່ວຍເຫຼືອລ້າ ຂອງປະຊາຊົນ ນອກແວ (Norwegian People’s Aid).



ກຸ່ມ​ບໍ​ລິ​ສັດ Sterling International Group ເຊິ່ງ​ແມ່ນ​ຜູ້​ຮັບ​ເໝົາ​ຂອງ​ກະ​ຊວງກ​ານ​ຕ່າງ​ປະ​ເທ​ດ​ສະ​ຫະ​ລັດ ຍັງ​ໃຫ້​ການ​ສະ​ໜັ​ບ​ສະ​ໜູນ​ດ້ານ​ການ​ໃຫ້​ຄໍ​າ​ປຶກ​ສາ ແກ່ ຄະນະກຳມະການຄຸ້ມຄອງແຫ່ງຊາດ ແລະ UXO Lao ໃນ​ຂົງ​ເຂດ​ການ​ປະ​ຕິ​ບັດ​ການ​ສຳ​ຫຼວດ ແລະ ການ​ເກັບ​ກູ້, ການ​​ຄຸ້ມ​ຄອງ​ພ​າກ​ສະ​ໜາມ, ການ​ຄຸ້ມ​ຄອງ​ຄຸນ​ນະ​ພາບ ແລະ ການ​ຄຸ້ມ​ຄອງ​ຂໍ້​ມູນ.

​ນັບ​ຕັ້ງ​ແຕ່​ປີ 1995, ຫ້ອງ​ການ​ເກັບ​ກູ້ ແລະ ຫຼຸດ​ຜ່​ອນ​ອາ​ວຸດ ຂອງ​ຫ້ອງການ​ການ​ເມື​ອງ–ທະ​ການ (PM/WRA) ຂອງ​ກະ​ຊວງ​ການ​ຕ່າງ​ປະ​ເທດ​ສະ​ຫະ​ລັດອາເມລິກາ ແລະ ສ​ະ​ຖານ​ທູ​ດ​ສະ​ຫ​ະ​ລັດ​ອາເມລິກາ ປະ​ຈຳ​ນະ​ຄອນ​ຫຼວງວ​ຽງ​ຈັນ ໄດ້​ເຮັດ​ວ​ຽກ​ຢ່າງ​ໃກ້​ຊິດ ກັບ​ລັດ​ຖະ​ບານ ສປປ ​ລາວ ເພື່ອ​ລົງ​ທຶນ​ຫຼາຍກວ່າ 135 ລ້ານ​ໂດ​ລາ​ສະ​ຫະ​ລັດ ເຂົ້າ​ໃນ​ການ​ສຶ​ກ​ສາ​ຄວາມ​ສ່ຽງ, ສະ​ໜັບ​ສະ​ໜູນ​ຜູ້​ເຄາະ​ຮ້າຍ​ຈາກ​ອຸ​ປະຕິ​ເຫດລະ​ເບີດ​ບໍ່​ທັນ​ແຕກ, ສຳ​ຫວດ ແລະ ເກັບ​ກູ້ລະ​ເບີດ​ບໍ່​ທັນ​ແຕກ ຢູ່ ສປປ ລາວ.


VIENTIANE, Lao PDR – U.S. Ambassador Rena Bitter handed over 15 new Toyota Landcruisers to the Lao National Unexploded Ordnance Program (UXO Lao) during a ceremony on January 12.  The contribution, valued at approximately USD 490,000, included 15 sets of equipment for 15 new UXO Lao Clearance teams that are operating in Savannakhet, Khammouan and Attapeu provinces.  These 15 new UXO Lao teams were recruited, trained and deployed in 2017 with financial support of the United States.

“This program supporting clearance of contaminated land reflects the close partnership between the United States and the Government and people of the Lao PDR for over two decades to address war legacy issues,” said Ambassador Bitter.  “Today’s contribution to UXO Lao is part of the United States’ commitment of USD 90 million over three years to fund a national cluster munitions survey, in addition to ongoing clearance of UXO.”

H.E. Mr. Khamkeo Sanbounkhounxai, Deputy Minister of Labor and Social Welfare, also participated in the handover ceremony along with Mr. Thipphasone Soukhamthammavong, Director of UXO Lao.

The United States is supporting 51 of 96 UXO Lao Survey & Clearance teams, in addition to 3 Non-Technical Survey teams, 3 Regional Quality Management teams, the organization’s provincial offices, and some operational costs of the National Office.  Currently, approximately 600 of UXO Lao’s staff are funded by the United States Government.  Approximately 940 additional Lao national staff work fulltime on the U.S.-funded national UXO survey and clearance projects implemented in partnership with the Mines Advisory Group, HALO Trust, and Norwegian People’s Aid.

Sterling International Group, a contractor of the U.S. Department of State, also provides technical advisory support to the Lao PDR National Regulatory Authority for UXO/Mine Action and to UXO Lao in the areas of Survey & Clearance Operations, Field Management, Quality Management and Information Management.

Since 1995, the Office of Weapons Removal and Abatement in the U.S. Department of State’s Office of Political-Military Affairs (PM/WRA) and U.S. Embassy Vientiane have worked closely with the Government of Laos to invest more than $135 million toward risk education, support for victims of UXO accidents, surveying and clearing of UXO within Laos.



-----------------------



------------------------------

ສະບາຍດີປີທ່ອງທ່ຽວລາວ 2018
Sabaidee Visit Laos Year 2018 

"ຢູ່ເຂດບ້ານເມືອງຂອງທ່ານ ມີສະຖານທີ່ໜ້າສົນໃຈຫຍັງແດ່ ຢາກໃຫ້ໂທລະໂຄ່ງ ຊ່ວຍປະຊາສຳພັນໃຫ້ ສົ່ງຂໍ້ມູນມາເລີຍ ທີ່ ອີເມວ tholakhong@gmail.com | LINE ID: @tholakhong ຫຼື ອິນບ໋ອກ ມາກໍ່ໄດ້.


ມາພ້ອມກັນເປັນເຈົ້າພາບທີ່ດີ ແບບຄົນລາວຂອງແທ້! ຕ້ອນຮັບແຂກທັງພາຍໃນແລະຕ່າງປະເທດ ດ້ວຍຮອຍຍິ້ມ, ຄວາມຈິງໃຈ ແລະ ມິດຕະພາບ ຕະຫຼອດປີທ່ອງທ່ຽວລາວ 2018 ແລະ ຕະຫຼອດໄປ

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ ແລະ ຂໍຮ່ວມເປັນສ່ວນໜື່ງ ຕ້ອນຮັບປີທ່ອງທ່ຽວລາວ 2018 ຢ່າງຟົດຟື້ນ!





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com






No comments

Powered by Blogger.