Header Ads

ສະຫະພັນແມ່ຍິງຮາກຖານໂຮງຮຽນການເມືອງການປົກຄອງ ສຳເລັດກອງປະຊຸມໜ່ວຍສະຫະພັນແມ່ຍິງຄັ້ງທີ 10



ກອງປະຊຸມໃຫຍ່ຄັ້ງທີ X ຂອງຜູ້ແທນໜ່ວຍສະຫະພັນແມ່ຍິງຮາກຖານໂຮງຮຽນການເມືອງການປົກຄອງ (ຮມປຂ)ເຊກອງໄດ້ໄຂຂຶ້ນ ແລະສຳເລັດລົງໃນວັນທີ 8 ກຸມພາ 2018 ທີ່ຫ້ອງປະຊຸມຂອງໂຮງຮຽນດັ່ງກ່າວ ຊຶ່ງໄດ້ດໍາເນີນເປັນເວລາເຄິ່ງວັນ ໂດຍການເຂົ້າຮ່ວມຂອງທ່ານ ນາງ ແກ້ວສົມຫວັງ ຈັນດາວົງ ຮອງປະທານສະຫະພັນແມ່ຍິງແຂວງ, ທ່ານ ປທ ບຸນທັນ ຈູມຈັນທະວົງ ເລຂາໜ່ວຍພັກ, ຫົວໜ້າ ຮມປຂ ເຊກອງ, ມີຄະນະໜ່ວຍ ພ້ອມດ້ວຍສະມາຊິກ ສຍ ພາຍໃນໂຮງຮຽນ ແລະຕາງໜ້າສະຫະພັນແມ່ຍິງຂະແໜງານອ້ອມຂ້າງແຂວງ ແລະແຂກຖືກເຊີນເຂົ້າຮ່ວມ.



ກອງປະຊຸມໃຫຍ່ຄັ້ງນີ້ ທ່ານ ນາງ ຂັນທະລີ ວັນລະເບືອມ ປະທານໜ່ວຍສະຫະພັນແມ່ຍິງຮາກຖານ ຮປທຂເຊກອງ ໄດ້ນຳສະເໜີບົດລາຍງານການເມືອງທີ່ຢືນຢັນເຖິງຜົນງານ ແລະການເຄື່ອນໄຫວຈັດຕັ້ງປະຕິບັດຕະຫຼອດໄລຍະ3ປີຜ່ານມາ ພາຍໃຕ້ການຊີ້ນຳ-ນຳພາໂດຍກົງຂອງຄະນະພັກ-ຄະນະນຳ ຮມປຂ, ຊຶ່ງໜ່ວຍສະຫະພັນແມ່ຍິງໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ສະມາຊິກຢ່າງເປັນປົກກະຕິ ແລະຕໍ່ເນື່ອງ ໂດຍໄດ້ຖືເອົາການດຳເນີນຊີວິດການເມືອງປະຈຳເດືອນຂອງໜ່ວຍເປັນບ່ອນຕຳນິ, ສົ່ງຂ່າວ, ກໍສ້າງຊ່ວຍເຫຼືອເຊິ່ງກັນ ແລະກັນ, ຈັດຕັ້ງການຄົ້ນຄວ້າເຊື່ອມຊຶມມະຕິຄຳສັ່ງ, ແນວທາງນະໂຍບາຍຂອງພັກ, ລະບຽບກົດໝາຍຕ່າງໆຂອງລັດ,ແຜນພັດທະນາເສດຖະກິດ-ສັງຄົມຂອງແຂວງ ແລະເອກະະສານທີ່ພົວພັນເຖິງການພັດທະນາ ແລະການປົກປ້ອງສິດຜົນປະໂຫຍດຂອງແມ່ຍິງ-ເດັກນ້ອຍ ແນໃສ່ໃຫ້ສະມາຊິກສະຫະພັນແມ່ຍິງພາຍໃນໜ່ວຍຮັບຮູ້ເຂົ້າໃຈ ແລະກຳແໜ້ນ ເພື່ອພ້ອມກັນຈັດຕັ້ງປະຕິບັດໃຫ້ບັນລຸຕາມຈຸດປະສົງ, ຄາດໝາຍ ແລະເປົ້າໝາຍທີ່ວາງໄວ້, ເຊິ່ງປະຈຸບັນມີສະມາຊິກ ສຍ ທັງໝົດ 34 ຄົນ,ພະນັກງານຄູອາຈານ 13 ຄົນ,ນັກສຶກສາ 21 ຄົນ,ໄດ້ເອົາໃຈໃສ່ຊຸກຍູ້,ເບິ່ງແຍງເຊິ່ງກັນແລະກັນ,ນອກນີ້ຍັງໄດ້ຕິດຕາມ,ກວດກາ,ຊຸກຍູ້ແລະເກັບກຳຜົນງານການເຄື່ອນໄຫວວຽກງານຕ່າງໆຂອງສະມາຊິກທຸກສະຫາຍເພື່ອຂໍການຍ້ອງຍໍຕໍ່ຜູ້ທີ່ມີຜົນງານທີ່ດີເດັ່ນເຊັ່ນ: ໄດ້ຮັບໃບຍ້ອງຍໍຈາກສູນກາງ ສຍ ລາວ 29 ຄົນ,ໃບຊົມເຊີຍ 1ຄົນ,ຈາກສູນກາງສະຫະພັນກຳມະບານລາວ13 ຄົນ,ໃບຊົມເຊີຍ 1ຄົນ,ຈາກຄະນະບໍລິຫານງານ ຊປປ ລາວແຂວງ 11 ຄົນ,ໃບຊົມເຊີຍ 3 ຄົນ,ນອກນີ້ຍັງໄດ້ຊຸກໃຫ້ເອື້ອຍນ້ອງແມ່ຍິງເອົາໃຈໃສ່ສ້າງເສດຖະກິດ,ເພື່ອພັດທະນາຊີວິດການເປັນຢູ່ພັດທະນາຕົນເອງແລະຄອບຄົວໃຫ້ດີຂຶ້ນເທື່ອລະກ້າວ ໂດຍອີງໃສ່ເງື່ອນໄຂແລະຄວາມສາມາດຕົວຈິງຂອງແຕ່ລະຄອບຄົວເຮັດໃຫ້ສາມາດສ້າງລາຍຮັບແຕ່ 5 ລ້ານ ຫາ 30 ລ້ານກີບຕໍ່ຄອບຄົວຕໍ່ປີ; ຍັງໄດ້ຈັດຕັ້ງເຜີຍແຜ່ເຊື່ອມຊຶມຂໍ້ແຂ່ງຂັນ 3ດີໄດ້ 3 ຄັ້ງ,ມີຜູ້ເຂົ້າຮ່ວມທັງໝົດ 56 ເທື່ອຄົນ,ຍິງ 56 ເທື່ອຄົນ,ໄດ້ເປີດບັ້ນຂໍ້ແຂ່ງຂັນ 3 ດີໄດ້ 3 ຄັ້ງ,ມີສະມາຊິກເຂົ້າຮ່ວມ 56 ເທື່ອຄົນ,ຜ່ານການຈັດຕັ້ງປະຕິບັດສາມາດຄັດເລືອກຈັດປະເພດ 3ດີປະເພດI ມີ 25 ຄົນ, ເທົ່າກັບ 44,64%,ປະເພດII ມີ4 ຄົນ ເທົ່າກັບ 17,14%.





ຂະນະດຽວກັນ ກອງປະຊຸມໃຫຍ່ຍັງໄດ້ຜ່ານມະຕິ, ທິດທາງແຜນການ ແລະຄາດໝາຍສູ້ຊົນໃນ 5 ປີຕໍ່ໜ້າ, ຈາກນັ້ນ ກໍໄດ້ດຳເນີນການປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງຮາກຖານ ຮມປຂ ເຊກອງຊຸດໃໝ່ ຊຶ່ງເລືອກໄດ້ທ່ານ ນາງ ຂັນທະລີ ວັນລະເບືອມ ເປັນປະທານ ເພື່ອສືບຕໍ່ຊີ້ນຳ-ນຳພາໜ່ວຍສະຫະພັນແມ່ຍິງຮາກຖານ ຮມປຂ ເຊກອງໃນຕໍ່ໜ້າ, ທ່ານ ນາງ ບຸນແໜງ ເມືອງວົງສາ ເປັນຮອງປະທານ ແລະທ່ານ ນາງ ວາດສະໜາ ວົງປະເສີດ ເປັນຮອງປະທານ, ເປັນຜູ້ກວດກາໜ່ວຍ.




ຕອນທ້າຍທ່ານຮອງປະທານສະຫະພັນແມ່ຍິງແຂວງເຊກອງ ກໍໄດ້ຕີລາຄາສູງຕໍ່ຜົນງານການເຄື່ອນໄຫວ ແລະການຊີ້ນຳ-ນຳພາຂອງຄະນະໜ່ວຍສະຫະພັນແມ່ຍິງຮາກຖານ ຮມປຂໃນໄລຍະຜ່ານມາ ແລະຮຽກຮ້ອງໃຫ້ສືບຕໍ່ເສີມຂະຫຍາຍຜົນງານ, ດ້ານດີທີ່ພົ້ນເດັ່ນເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຕົນດ້ວຍຄວາມຮັບຜິດຊອບສູງ, ເອົາໃຈໃສ່ແກ້ໄຂຈຸດອ່ອນ, ຂໍ້ຄົງຄ້າງ ແລະສະກັດກັ້ນຕ້ານທຸກບັນຫາປະກົດການຫຍໍ້ທໍ້ບໍ່ໃຫ້ເກີດຂຶ້ນຢູ່ກົມກອງຂອງຕົນ, ພ້ອມນີ້ ກໍຍັງໃຫ້ທິດຊີ້ນຳຕໍ່ກອງປະຊຸມຫຼາຍບັນຫາ, ທັງນີ້ ກໍເພື່ອໃຫ້ຄະນະໜ່ວຍສະຫະພັນແມ່ຍິງ ຮມປຂ ຊຸດໃໝ່ ແລະສະມາຊິກ ນຳໄປຈັດຕັ້ງຜັນຂະຫຍາຍ ເພື່ອເຮັດສຳເລັດໜ້າທີ່ການເມືອງຂອງຕົນດ້ວຍບາດກ້າວຫັນປ່ຽນໃໝ່ທີ່ດີ, ຖືກຕ້ອງ, ສອດຄ່ອງກັບແນວທາງນະໂຍບາຍຂອງພັກ, ລະບຽບກົດໝາຍຂອງວາງອອກ.


ຂ່າວ-ພາບ : ພຸດທະສອນ(ຂ່າວແຂວງເຊກອງ)
------------------------------------------

ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.