Header Ads

ເຈົ້າໜ້າທີ່ ປກສ ແຂວງ ໄຊຍະບູລີ ຈັບຜູ້ຄ້າຂາຍຢາເສບຕິດພ້ອມຂອງກາງຢາບ້າ 1.400 ກວ່າເມັດ ພ້ອມຝິ່ນ 21 ກ້ອນມີນໍ້າໜັກ 16 ກລາມ



ເຈົ້າໜ້າທີ່ ປກສ ແຂວງ ໄຊຍະບູລີ ໃຫ້ຮູ້ວ່າ: ເມື່ອບໍ່ດົນມາ ນີ້, ກໍາລັງເຈົ້າໜ້າທີ່ຂອງຕົນ, ໄດ້ລົງກວດເຮືອນເປົ້າໝາຍຄ້າຂາຍຢາເສບຕິດຢູ່ບ້ານສີເມືອງ, ເມືອງ ແລະ ແຂວງໄຊຍະບູລີ ສາມາດຈັບຜູ້ຕ້ອງຫາໄດ້ຄື: ທ້າວ ອູ່ຫີນ ອາຍຸ 35 ປີ ແລະ ນາງ ໄນຝິ່ນ ອາຍຸ 32 ປີ, ພ້ອມ ຂອງ ກາງຢາບ້າ 1.400 ກວ່າ ເມັດ, ຝິ່ນ 21 ກ້ອນລວມມີນໍ້າໜັກ 16 ກລາມ, ໂທລະສັບ 3 ໜ່ວຍ, ເງິນ 124 ລ້ານກີບ, 10 ພັນບາດ (ສະກຸນເງິນໄທ) ປືນແກັບ 1 ກະບອກ, ປຶ້ມເງິນຝາກ 5 ຫົວ ແລະ ລົດຈັກ 1 ຄັນ, ຈຶ່ງໄດ້ຢຶດ ໄວ້ເປັນຫລັກຖານເພື່ອດໍາເນີນ ຄະດີຕາມລະບຽບກົດໝາຍ.

ຂ່າວໃຫ້ຮູ້ອີກວ່າ: ເມື່ອບໍ່ ດົນມານີ້, ເຈົ້າໜ້າທີ່ ປກສ ແຂວງ ອຸດົມໄຊ ກໍສາມາດຈັບຕົວຜູ້ ຄ້າຢາເສບຕິດຫລາຍຄົນມາ ດໍາເນີນຄະດີຄື: ທ້າວ ເຟື້ອງ ຢູູ່ເມືອງດັ່ງກ່າວ, ພ້ອມຂອງ ກາງ ຢາບ້າ 169 ເມັດ, ຕໍ່ມາ ເຈົ້າໜ້າ ທີ່ໄດ້ເຂົ້າກວດຄົ້ນ ເຮືອນນາງ ໂມະ ອາຍຸ 38 ປີ ຢູ່ບ້ານ ນາ ແສນຄຳ ເມືອງ ໄຊ ພົບເຫັນ ຢາບ້າ 33 ເມັດ ແລະ ເຮໂຣ ອິນ 11 ຫລອດ ນ້ອຍ ແລະ ນາງ ເມົາຢາງ ອາຍຸ 34 ປີຢູ່ບ້ານຫລັກ 4 ເມືອງ ໄຊ, ພ້ອມຂອງກາງ ຢາບ້າ 26 ເມັດ ແລະ ເຮໂຣ ອິນ 9 ຫລອດນ້ອຍ, ເພື່ອມາ ດຳເນີນຄະດີຕາມລະບຽບ ກົດໝາຍ.


ທີ່ມາ: ນສພ ຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.