Header Ads

ທ່ານ ຮອງເຈົ້າແຂວງສາລະວັນ ມອບເຄື່ອງນຸ່ງຫົມ 1,780 ໂຕ ໃຫ້ປະຊາຊົນ 3 ບ້ານເມືອງພູດອຍ ເພື່ອຕ້ານໄພໜາວ



ໃນວັນທີ 5 ກຸມພາ 2018 ນີ້ ທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ, ຮອງເຈົ້າແຂວງໆສາລະວັນ, ທັງແມ່ນຜູ້ຊີນຳວຽກງານພັດທະນາຊົນນະບົດ ແລະລືບລາງຄວາມທຸກຍາກຂັ້ນແຂວງ, ທ່ານ ດຣ ອິນປົງ ຈັນທະມາດ ຫົວໜ້າອົງການກາແດງ ແຂວງສາລະວັນ ແລະທ່ານ ມະໄລວອນ ສີປະເສີດ ຮອງຫົວໜ້າພະແນກຖະແຫຼງຂ່າວ, ວັດທະນາທຳ ແລະທ່ອງທ່ຽວແຂວງສາລະວັນ, ພ້ອມດ້ວຍຄະນະໄດ້ລົງໄປມອບເຄື່ອງຊ່ວຍເຫຼືອປະເພດເຄື່ອງນຸງຫົມໃຫ້ປະຊາຊົນ 3 ບ້ານຂອງເມືອງຕະໂອ້ຍຄື: ບ້ານອາງໍ, ບ້ານຕຸງແຕ່ງເໜື່ອ ແລະຕຸງແຕງໃຕ້.


ເຄື່ອງຈຳນວນດັ່ງກ່າວນີ້ແມ່ນໄດ້ມາຈາກການປະກອບສ່ວນຊ່ວຍເຫຼືອຈາກມົນລະນິທີສູນກາງ, ມີທັງໝົດ 1,780 ໂຕ, ຄິດເປັນມູນຄ່າ 8,900,000 ກີບ, ເພື່ອນໍາໄປແຈກຍາຍໃຫ້ປະຊາຊົນມີ 3 ບ້ານຂອງ, ມີພົນລະເມືອງທັງໝົດ 884 ຄົນ, ຍິງ 429 ຄົນ ແລະມີ 178 ຄອບຄົວ. ທັງນີ້ເພື່ອເປັນການແກ້ໄຂບັນເທົາທຸກແກ່ພໍ່ແມ່ປະຊາຊົນໃນເຂດຫ່າງໄກສອກຫຼີກ ແລະແກ້ໜາວໄດ້ຈຳນວນໜຶ່ງໃນຊ່ວງໄລຍະລະດູໜາວນີ້ອີດ້ວຍ.



ພາບ ແລະ ຂ່າວ: ຂ່າວແຂວງສາລະວັນ/ມີເດຍລາວ 



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.