Header Ads

ປກສ ແຂວງຊຽງຂວາງ ຈັບໄດ້ຜູ້ຄ້າ ພ້ອມຢາບ້າ 18.000 ເມັດ



ເຈົ້າໜ້າທີ່ກອງບັນຊາການ ປກສ ແຂວງຊຽງຂວາງ ໄດ້ສຸມໃສ່ແກ້ໄຂບັນຫາປະກົດການຫຍໍ້ພາຍໃນແຂວງໃຫ້ຫຼຸດລົງ ເທື່ອລະກ້າວ ເພື່ອແນໃສ່ເຮັດ ໃຫ້ສັງຄົມມີຄວາມສະຫງົບ, ຄວາມ ເປັນລະບຽບຮຽບຮ້ອຍໃນສັງຄົມ. ໃນນີ້, ໄດ້ສຸມໃສ່ ແກ້ໄຂບັນຫາຢາເສບຕິດທີ່ຍັງເປັນບັນຫາພົ້ນເດັ່ນ ໂດຍເຈົ້າໜ້າທີ່ ໄດ້ເຄື່ອນໄຫວໂຄສະນາວຽກງານສະກັດກັ້ນ ແລະ ຕ້ານຢາເສບຕິດໃຫ້ພໍ່-ແມ່ປະຊາຊົນຮັບຮູ້ກ່ຽວກັບຜົນຮ້າຍ ແລະ ໄພອັນຕະລາຍຂອງຢາເສບຕິດ ເພື່ອເຮັດໃຫ້ບັນ ຫາດັ່ງກ່າວຫຼຸດລົງ ແລະ ຫຼາຍຄະດີທີ່ເຈົ້າໜ້າທີ່ແກ້ໄຂໄດ້ຈໍານວນ ໜຶ່ງແມ່ນມາຈາກພົນລະເມືອງດີລາຍງານໃຫ້ຂໍ້ ມູນເບື້ອງຕົ້ນ.



ເຈົ້າໜ້າທີ່ພະແນກຕຳຫຼວດສະ ກັດກັ້ນ ແລະ ຕ້ານຢາເສບຕິດ ປກສ ແຂວງຊຽງຂວາງ ໃຫ້ຮູ້ວ່າ: ໃນວັນທີ 10 ມັງ ກອນ 2018 ຜ່ານມາ, ສາມາດຈັບກຸມຜູ້ຖືກຫາຄ້າຂາຍຢາເສບຕິດໄດ້ 2 ຄົນ ພ້ອມຢາບ້າ 18.000 ເມັດ; ເຊິ່ງ ກ່ອນຈັບຕົວ ຜູ້ກ່ຽວໄດ້ສືບເນື່ອງມາຈາກ ການລາຍງານຂອງພົນລະເມືອງດີທີ່ພົບ ເຫັນການເຄື່ອນໄຫວຂອງກຸ່ມຄົນຈໍາ ນວນໜຶ່ງຢູ່ເຂດບ້ານທ່າໂຈກ ເມືອງ ແປກ ແຂວງຊຽງຂວາງ ເຈົ້າໜ້າທີ່ຈຶ່ງໄດ້ ຕິດຕາມເປົ້າໝາຍດັ່ງກ່າວຢ່າງໃກ້ຊິດ ຮອດເວລາປະມານ 11:30 ໂມງ ຂອງ ວັນດຽວກັນ ພົບເຫັນເປົ້າໝາຍ ແລະ ພິສຸດໄດ້ວ່າ ພວກກ່ຽວກໍາລັງຊື້-ຂາຍ ຢາເສບຕິດ, ເຈົ້າໜ້າທີ່ເຂົ້າຈັບຕົວທ້າວ ທ້າວ ດາວລໍ່ ຫຼື ເຢຍລໍ່ ອາຍຸ 31 ປີ ບ້ານນາຊາຍ ເມືອງນາຊາຍທອງ ນະ ຄອນຫຼວງວຽງຈັນ ແລະ ທ້າວ ສຸວັນ ວິໄຊຢ່າງ ອາຍຸ 27 ປີ ບ້ານຫຼັກ 6 ເມືອງ ໄຊ ແຂວງອຸດົມໄຊ ພ້ອມຂອງ ກາງຢາບ້າ 9 ມັດ ເທົ່າກັບ 18.000 ເມັດ ແລະ ໂທລະສັບ 2 ໜ່ວຍ. ຜ່ານ ການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວສາລະພາບວ່າ ໄດ້ຊື້ຢາຈໍານວນດັ່ງກ່າວມານໍາຜູ້ຮ່ວມຂະບວນ ການເພື່ອ ໄປຂາຍ, ແຕ່ກໍຖືກເຈົ້າໜ້າທີ່ຈັບກຸມ ພ້ອມຂອງກາງຈຳນວນດັ່ງກ່າວ.




ເຈົ້າໜ້າທີ່ໃຫ້ຮູ້ອີກວ່າ: ຜ່ານມາ, ການແກ້ໄຂຄະດີຫຼາຍເລື່ອງສໍາເລັດ ຍ້ອນໄດ້ຈາກການຮ່ວມມືຂອງພໍ່-ແມ່ປະຊາ ຊົນທີ່ແຈ້ງການເຄື່ອນໄຫວຂອງກຸ່ມຄົນບໍ່ດີເຖິງເຈົ້າໜ້າທີ່, ພາຍຫຼັງໄດ້ຂໍ້ມູນດັ່ງກ່າວ ເຈົ້າໜ້າທີ່ກໍຮີບຮ້ອນພິສູດ ແຫຼ່ງຂ່າວ ແລະ ຕິດຕາມເປົ້າໝາຍດັ່ງ ກ່າວຈົນນຳໄປສູ່ການຈັບກຸມຕົວ. ດັ່ງນັ້ນ, ເພື່ອຢາກໃຫ້ບັນຫາຢາເສບຕິດ ໃຫ້ຫຼຸດລົງໄດ້ນັ້ນ ຖ້າພໍ່-ແມ່ປະຊາຊົນທຸກຊັ້ນ ຄົນໃນສັງຄົມ ເປັນເຈົ້າການປະຕິບັດລະບຽບກົດໝາຍທີ່ວາງອອກ ແລະ ເປັນກໍາ ລັງແຮງສໍາຄັນໜຶ່ງໃນການຕໍ່ຕ້ານຢາເສບ ຕິດ ເນື່ອງແນ່ວ່າການແຜ່ລະບາດຂອງຢາເສບຕິດໃນປັດ ຈຸບັນຈະຫຼຸດລົງເທື່ອ ລະກ້າວ.

ພາບ ແລະ ຂ່າວ: ສນພ ຄວາມສະຫງົບ (ປກສ ແຂວງຊຽງຂວາງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.