Header Ads

ຕຳຫຼວດກອງພັນປ້ອງກັນເຄື່ນທີ່ແຂວງອຸດົມໄຊກັກຜູ້ຖືກຫາ 2 ຄົນ ພ້ອມຍຶດຢາບ້າໄດ້ຈຳນວນ 18 ຖົງ ເທົ່າກັບ 3.627 ເມັດ



ແຂວງອຸດົມໄຊ  :  ໃນເວລາ 14 ໂມງ 00 ນາທີຂອງວັນທີ 6 ກຸມພາ 2018,ເຈົ້າໜ້າທີ່ຕຳຫຼວດກອງພັນປ້ອງກັນເຄື່ອນທີ່ ປກສ ແຂວງອຸດົມໄຊ ໄດ້ລົງເຄື່ອນໄຫວກວດກາລາດຕະເວນ ເພື່ອຮັກສາຄວາມສະຫງົບ,ຄວາມເປັນລະບຽບຮຽບຮ້ອຍຕາມໜ້າທີ່ວິຊາສະເພາະທີ່ໄດ້ຮັບມອບໝາຍຢູ່ເສັ້ນທາງຕັດໃໝ່ລະຫວ່າງບ້ານຫ້ວຍຂຸມ-ຫຼັກ4.



ຕົກມາຮອດເວລາ 16 ໂມງ 20 ນາທີຂອງວັນດຽວກັນມີຜູ້ຊາຍຈຳນວນ 2 ຄົນໄດ້ຂັບຂີ່ລົດຈັກຊ້ອນທ້າຍກັນມາຕາມເສັ້ນທາງ ແລະ ມີທ່າທາງຜິດພິລຸດ ຈິ່ງໄດ້ຂໍອະນຸຍາດໃຫ້ຈອດລົດເພື່ອກວດກາລົດ ແລະ ຕົນຕົວຂອງພວກກ່ຽວແລ້ວໄດ້ພົບເຫັນຢາເສບຕິດປະເພດຢາບ້າທີ່ຊຸກເຊື່ອງໄວ້ໃນຖົງເປ້ສີດຳຂອງພວກກ່ຽວຈຳນວນ 18 ຖົງ,ເທົ່າກັບ 3.627 ເມັດ,ນໍ້າໜັກ 373,3 ກຣາມ, ທາງເຈົ້າໜ້າທີ່ຈິງໄດ້ກັກຕົວພ້ອມເຄື່ອງຂອງກາງ,ເຄື່ອງຕິດຕົວ ແລະ ພາຫານະມາສອບສວນໃນເບື້ອງຕົ້ນ ຈິ່ງຮູ້ວ່າ ຜູ້ຖືກຫາຊື່ທ້າວ ຮົວວາ,ອາຍຸ 25 ປີ ແລະ ທ້າວ ເຈຍເລົາ,ອາຍຸ 25 ປີ ທັງສອງເປັນປະຊາຊົນຢູ່ບ້ານ ຮ່ອງທູ ເມືອງງາ ແຂວງອຸດົມໄຊ ແລະ ພວກກ່ຽວຍັງຍອມຮັບສາລະພາບຕໍ່ເຈົ້າໜ້າທີ່ອີກວ່າ: ຢາບ້າຈຳນວນ 18 ຖົງ,ເທົ່າກັບ 3.627 ເມັດ,ນໍ້າໜັກ 373,3 ກຣາມ


ແມ່ນຂອງພວກຕົນແທ້ ເຊິ່ງໄດ້ໄປຊື້ນຳຄົນບໍ່ຮູຈັກຊື່ ແລະ ທີ່ຢູ່ລະອຽດ ພາຍຫຼັງຊື້ ໄດ້ແລ້ວກໍຈະໄປຂາຍຕໍ່ ແລະ ເສບ,ແຕ່ພໍເດີນທາງກັບບ້ານກໍ່ຖືກເຈົ້າໜ້າທີ່ຕຳຫຼວດກັກຕົວກ່ອນ. ຕໍ່ພວກກະທຳຜິດໃນຂໍ້ຫາຂົນສົ່ງຢາເສບຕິດ ແລະ ມີຢາເສບຕິດໄວ້ໃນຄອບຄອງ ພ້ອມເຄື່ອງຂອງກາງ,ພາຫານະ ແລະ ເຄື່ອງຕິດຕົວຂອງຄະດີລາຍນີ້ປະຈຸບັນທາງເຈົ້າໜ້າທີ່ຕຳຫຼວດກອງພັນປ້ອງກັນເຄື່ອນທີ່ໄດ້ມອບໂອນໃຫ້ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ສືບຕໍ່ດຳເນີນການສືບສວນ-ສອບສວນ, ປະກອບສຳນວນຄະດີສົ່ງໄອຍະການສັ່ງຟ້ອງສານຕັດສີນລົງໂທດຕາມລະບຽບກົດໝາຍ ຕໍ່ໄປ
ຂ່າວ: ພຸດມະນີ (ປກສ ແຂວງອຸດົມໄຊ )
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.