Header Ads

ເກີດອັກຄີໄຟໄຫມ້ເຮືອນທີ່ບ້ານນາປົ່ງ 2 ຫຼັງ ເສຍຫາຍຫຼາຍກ່ວາ 70 ລ້ານກີບ




ແຂວງສາລະວັນ :  ໃນວັນທີ 6 ກຸມພາ 2018 ເວລາ 10ໂມງ 30 ນາທີ ຕອນເຊົ້າ ໄດ້ເກີດອັກຄີໄຟໄໝ້ເຮືນປະຊາຊົນບ້ານນາປົ່ງ ເມືອງຄົງເຊໂດນ ແຂວງສາລະວັນ ເສຍຫາຍ 2 ຫຼັງ ເຊິ່ງເປັນປະເພດເຮືອນໄມ້ມຸງສັງກະສີ ແລະເລົ້າເຂົ້າອີກ 1 ຫຼັງ, ຕາມການຄາດເນຜົນເສຍຫາຍຂອງເຈົ້າໜ້າທີ່ທີ່ກ່ຽວຂອ້ງໃນເບື້ອງຕົ້ນຫຼາຍກ່ວາ 70 ລ້ານກີບ. 





ຕາມການບອກເລົ່າຂອງຜູ້ເຫັນເຫດການວ່າ: ໄຟໄດ້ເລີ່ມລຸກໄຫມ້ຈາກເສົາກາງຂອງເຮືອນຫລັງດັ່ງກ່າວ ບໍ່ພໍເທົ່າໃດກໍ່ລຸກລາມຂື້ນຢ່າງໄວວາ ແລະຮຸນແຮງຕິດໃສ່ອີກ 1 ຫຼັງທີ່ຢູ່ໃກ້ກັນ ແລະເລົ້າເຂົ້າ, ພໍ່ແມ່ປະຊາຊົນເຫັນເຫດການໃນບໍລິເວນໄກ້ຄຽງໄດ້ຊ່ວຍກັນເອົາພາຊະນະຄຸ ແລະ ອຸປະກ່ອນຕ່າງໆຕັກນ້ຳໄປສາດໃສ່ຕົ້ນເພີງ ແຕ່ກໍ່ບໍ່ສາມາດຍັບຢັ້ງໄຟທີ່ລຸກແຮງນັ້ນໄດ້, ໃນຄະນະດຽວກັນນັ້ນເວລາຕໍ່ມາກໍ່ໄດ້ມີລົດດັບເພີງ 2 ຄັນ ຈາກເມືອງຄົງເຊໂດນ, ເມືອງວາປີ ມາມອດໄຟ ດົນພໍສົມຄວນ ຈິ່ງສະກັນຕົ້ນເພີງ ເພື່ອບໍ່ໃຫ້ໄຟລຸກລາມໃໝ້ໄປບ່ອນອື່ນອີກ.
ຕາມການກວດກາຂອງເຈົ້າຫນ້າທີ່ ແລະຜູ້ທີ່ເຫັນເຫດການອັກຄີໄຟໃນຄັ້ງນີ້ວ່າແມ່ນເກີດຈາກໄຟຟ້າລັດວົງຈອນ.


ພາບ ແລະ ຂ່າວ: ຄໍາໃບ ເຂັມທອງ/ມີເດຍລາວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.