Header Ads

ເສດຖະກິດຂອງເມືອງຊຽງຮ່ອນ ຂະຫຍາຍຕົວຢ່າງຕໍ່ເນື່ອງໃນປີ 2017


ເສດຖະກິດເມືອງຊຽງຮ່ອນຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງດ້ວຍຈັ້ງຫວະການຫັນປ່ຽນຈາກການກະສິກຳແບບກຸ້ມຢູ່ກຸ້ມກິນມາເປັນການກະສິກຳຜະລິດເປັນສິນຄ້າ ມີໜໍແໜງການຫັນເປັນອຸສາຫະກຳ ແລະ ການບໍລິການ ຈຶ່ງເຮັດໃຫ້ເສດຖະກິດພາຍໃນເມືອງໃນປີ 2017 ຜ່ານມາເຕີບໂຕໃນລະດັບ 17,11%

ຕາມການລາຍງານຂອງທ່ານ ບົວແພງ ອິນທະວົງ ຫົວໜ້າຫ້ອງການ ແຜນການ ແລະ ການລົງທຶນເມືອງໃຫ້ຮູ້ວ່າ ໃນໄລຍະ 1 ປີ ຜ່ານມາເສດຖະກິດຂອງເມືອງຊຽງຮ່ອນ ໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງສະເລ່ຍໃນລະດັບ 17,11% ທຽບໃສ່ແຜນການປີ ປະຕິບັດລື່ນ 3,98% ລວມຍອດຜະລິດຕະພັນພາຍໃນ( GDP )ບັນລຸໄດ້ 448,77 ຕື້ກີບ  ທຽບໃສ່ແຜນການ 5 ປີ ປະຕິບັດໄດ້ 79,37% ສະເລ່ຍລາຍຮັບຕໍ່ຫົວຄົນບັນລຸໄດ້ 1,702 ໂດລາຕໍ່ຄົນຕໍ່ປີ ການລົງທຶນເຂົ້າໃນການພັດທະນາມີທັງໝົດ 27 ໂຄງການ ມູນຄ່າການລົງທຶນທັງໝົດ 325,239,31 ລ້ານກີບ ໃນນັ້ນທຶນພາຍໃນ 323,221 ລ້ານກີບ ທຶນຕ່າງປະເທດ 2,018,31 ລ້ານກີບ




ດ້ານວຽກງານກະສິກຳກໍ່ເປັນຂະບວນການກວ້າງຂວາງເຊັ່ນ: ເນື້ອທີ່ປູກເຂົ້າລວມທັງໝົດ 5,351 ເຮັກຕາ ຜົນຜະລິດທັງໝົດ 21,338 ໂຕນ ມີເນື້ອທີ່ ຢາງພາລາທັງໝົດ 3,952,06 ເຮັກຕາ ເນື້ອທີ່ສາມາດປາດໄດ້ 3,060 ເຮັກຕາເກັບກູ້ຢາງພາລາໄດ້ 1,600 ໂຕນເນື້ອທີ່ປູກໝາກເດືອຍ 5,200 ເຮັກຕາ ຜົນຜະລິດໄດ້ 16,640 ໂຕນ ລວມມູນຄ່າຜະລິດຕະພັນອຸດສາຫະກຳ ແລະ ຫັດຖະກຳປະຕິບັດໄດ້ 212,5 ຕື້ກີບ ມູນຄ່າສິນຄ້າຈຳໜ່າຍໄດ້ 107,2 ຕື້ກີບ   ຈັດເກັບລາຍຮັບເຂົ້າສົກງົບປະມານໄດ້ 10,47 ຕື້ກີບ ທຽບໃສ່ແຜນການປີປະຕິບັດໄດ້ 98,40%   

ດ້ານພື້ນຖານໂຄງຮ່າງຖະໜົນຫົນທາງໄດ້ຮັບການພັດທະນາ ເຮັດໃຫ້ສາມາດໄປມາໄດ້ 2 ລະດູທຸກໆບ້ານໃນທົ່ວເມືອງ ປະຊາຊົນໄດ້ຊົມໃຊ້ໄຟ້າໄດ້ 6,065 ຄອບຄົວ ເທົ່າກັບ 92,66% 

ດ້ານວຽກງານວັດທະນະທຳສັງຄົມ ອັດຕາເຂົ້າຮຽນເດັກໃນເກນອາຍຸ 6-10 ປີ ບັນລຸໄດ້ 100% ອັດຕາເຂົ້າຮຽນຊັ້ນມັດທະຍົມຕົ້ນບັນລຸໄດ້ 82%, ຊັ້ນມັດທະຍົມປາຍປະຕິບັດໄດ້ 45 %, ໄດ້ປະກາດບ້ານວັດທະນະທຳທັງໝົດ 27 ແລະ 1 ກົມກອງ ກວມເອົາ 64,28% ມີຄອບຄົວວັດທັັັັັັັັັັັັັັັັັັັັັັັັັັັັັັັັງໝົດ 4,796 ຄອບຄົວ 



ສ່ວນທິດທາງແຜນການ ປີ 2018 ແມ່ນຈະສຶບຕໍ່ປະຕິບັດມະຕິກອງປະຊຸມໃຫຍ່ຄັ້ງທີ 10 ຂອງພັກ ຄັ້ງທີ 6 ຂອງແຂວງ ແລະ ຄັ້ງທີ 6 ຂອງເມືອງ ປະຕິບັດແຜນພັດທະນາເສດຖະກິດສັງຄົມ 5 ປີ ຄັ້ງທີ VIII ເພີ່ມພະວີຄວາມສາມັກຄີເປັນເອກກະພາບພາຍໃນອົງການປົກຄອງເມືອງ ແລະ ປະຊາຊົນບັນດາເຜົ່າໃຫ້ເປັນປຶກແຜ່ນແໜ້ນໝາ ສົ່ງເສີ່ມມູນເຊື້ອວັດທະນະທຳອັນດີງາມຂອງຊາດ ຂອງເຜົ່າ ສ້າງວຽກເຮັດງານທຳ ພັດທະນາສີມືແຮງງານ ສົ່ງເສີມການບໍລິການ ສູ້ຊົນເຮັດໃຫ້ເສດຖະກິດ ຂະຫຍາຍຕົວຕໍ່ເນື່ອງໝັນທ່ຽງ.

ຂ່າວ: ດອນ ຂຽວພະນາ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.