Header Ads

ບຸນຊ້າງ 2018 ພ້ອມແລ້ວ ທີ່ໄຊຍະ

ມາຮອດມື້ນີ້ (04/02/2018) ແຂວງໄຊຍະບູລີມີຄວາມແລ້ວສຳຫລັບການຈັດງານມະຫາກຳບຸນຊ້າງຊື່ງເປັນກິດຈະກຳຫລັກຂອງແຂວງເພື່ອສະເຫລີມສະຫລອງປີທ່ອງທ່ຽວລາວ 2018 ຈະຈັດຂື້ນລະຫວ່າງວັນທີ 16-18 ກຸມພາ 2018.           




ທ່ານນາງບຸນພັກ ຈັນທະປັນຍາ ຮອງເຈົ້າແຂວງ ຮອງປະທານຈັດງານມະຫາກຳບຸນຊ້າງ ທັງເປັນປະທານຈັດງານປີທ່ອງທ່ຽວລາວ2018ຂອງແຂວງໄຊຍະບູລີໃຫ້ສຳພາດວ່າ:ມາຮອດປັດຈຸບັນການກະກຽມຈັດງານມະຫາກຳບຸນຊ້າງແມ່ນສຳເລັດແລ້ວ98ສ່ວນຮ້ອຍເຫລືອພຽງການກວດກາຄືນວຽກງານຕ່າງໆໂດຍສະເພາະການຊ້ອມໃຫຍ່ກິດຈະກຳທີ່ພົວພັນກັບຊ້າງແລະກ້ອນກຳລັງສວນສະໝາມຂອງບັນດາເມືອງທີ່ຈະເຂົ້າຮ່ວມງານ ຊື່ງການຊ້ອມໃຫຍ່ພິທີເປີດງານຈະຈັດຂື້ນໃນວັນທີ15ກຸມພາ2018. 




ທ່ານນາງບຸນພັກ ອິນທະປັນຍາໃຫ້ຮູ້ຕື່ມວ່າ:ງານມະຫາກຳບຸນຊ້າງປີນີ້ຈະເປີດຂື້ນຢ່າງເປັນທາງການໃນວັນທີ 17 ກຸມພາ 2018 ໂດຍຈະມີຊ້າງເຂົ້າຮ່ວມ 69 ເຊືອກແລະຈະມີ30ກິດຈະກຳທີ່ພົວພັນກັບຊ້າງເປັນຕົ້ນ: ການສະແດງຂອງຊ້າງຄໍາຮູ້,ການບາສີໃຫ້ຊ້າງ,ການທຳບຸນໃສ່ບາດອຸທິດສ່ວນບຸນກຸສົນໃຫ້ຊ້າງທີ່ຕາຍໄປ,ຊ້າງຟ້ອນລຳວົງ,ຊ້າງແຕ້ມຮູບແລະອື່ນໆ.




ພ້ອມນັ້ນຍັງຈະຈັດງານວາງສະແດງສີນຄ້າໜື່ງເມືອງໜື່ງຜະລິດຕະພັນ,ສະແດງສີນລະປະວັນນະຄະດີລວມທັງກິດຈະກຳຍ່ອຍປີ່ນອ້ອມດ້ວຍການທ່ຽວຊົມສະຖານທີ່ທ່ອງທ່ຽວຕ່າງໆພາຍໃນແຂວງໄຊຍະບູລີ ເພື່ອສ້າງຄວາມສົນໃຈແລະດືງດູດນັກທ່ອງທ່ຽວໃຫ້ເຂົ້າມາທ່ຽວຫລາຍຂື້ນ.ສຳຫລັບຕົວເລກນັກທ່ອງທ່ຽວເຂົ້າມາທ່ຽວແຂວງໄຊຍະບູລີປີ 2016 ມີຈໍານວນ 97.736 ຄົນ ສ້າງລາຍຮັບໄດ້ 5 ລ້ານໂດລາສະຫະລັດ ແລະ 6 ເດືອນທ້າຍປີ 2017 ຜ່ານມາມີນັກທ່ອງທ່ຽວເຂົ້າມາທ່ຽວແຂວງຈໍານວນ 45.979 ຄົນ ສ້າງລາຍຮັບໄດ້ 8 ແສນໂດລາສະຫະລັດ ຄາດຄະເນຮອດປີ 2020 ຈະມີນັກທ່ອງທ່ຽວເຂົ້າມາແຂວງໄຊຍະບູລີປະມານ 2 ແສນຄົນ ຈະສ້າງລາຍຮັບໃຫ້ແຂວງໄດ້ປະມານ 10 ລ້ານໂດລາສະຫະລັດ.



No comments

Powered by Blogger.