Header Ads

ແຂວງຄຳມ່ວນ ສາມາດຜະລິດເຂົ້າໄດ້ທັງໝົດ 3 ແສນກວ່າໂຕນໃນປີ 2017




ພະແນກກະສິກຳ ແລະ ປ່າໄມ້ແຂວງຄຳມ່ວນ ໄດ້ສະຫຼຸບການຈັດຕັ້ງປະຕິບັດວຽກງານໃນປີ 2017 ຜ່ານມາ ເຊິ່ງໃນທົ່ວແຂວງສາມາດຜະລິດເຂົ້າໄດ້ທັງໝົດ 312.386 ໂຕ່ນ. ໃນນີ້ຜະລິດເປັນສະບຽງອາຫານຈຳນວນ 230.207 ໂຕ່ນ ແລະ ເປັນສິນຄ້າ 82.179 ໂຕ່ນ, ທຽບໃສ່ແຜນການປີແມ່ນປະຕິບັດໄດ້ພຽງແຕ່ 81,88% ຍ້ອນພື້ນທີ່ທຳການຜະລິດ ໄດ້ຮັບຜົນເສຍຫາຍຈາກພາຍຸເຖິງ 6 ພັນກວ່າເຮັກຕາໃນທົ່ວແຂວງ. 



ດ້ານສັດລ້ຽງແມ່ນມີການເພີ່ມຂຶ້ນ 1-6% ດ້ວຍວິທີການ ລ້ຽງສັດແບບເປັນຟາມ ສາມາດຕອບສະໜອງຊີ້ນ, ປາ ແລະ ໄຂ່ ສະເລ່ຍໃນທົ່ວແຂວງເທົ່າກັບ 52,1 ກິໂລກຼາມຕໍ່ຄົນຕໍ່ປີ ຫຼືເທົ່າກັບ 98,30% ຂອງແຜນການປີ, ວຽກງານຄຸ້ມຄອງທີ່ດິນກະສິກຳ ສຳຫຼວດເນື້ອທີ່ດິນກະສິກຳໄດ້ 59 ພັນເຮັກຕາ, ຂຶ້ນສຳມະໂນທີ່ດິນກະສິກຳ ດິນນາໃນເຂດຊົນລະປະທານໄດ້ 7.035 ຕອນ, ມີເນື້ອທີ່ 7 ພັນກວ່າເຮັກຕາ, ດ້ານວຽກງານ ການສົ່ງເສີມກະສິກຳສ້າງຄູຝຶກໄດ້ 122 ຄົນ ໃນນັ້ນຢູ່ຂັ້ນແຂວງ 27 ຄົນ ແລະ ຂັ້ນເມືອງ 95 ຄົນ, ປັບປຸງກຸ່ມຜະລິດຄືນໃໝ່ ມີສະມາຊິກທັງໝົດ 1.208 ຄອບຄົວ, ສ້າງຄອບຄົວຕົວແບບດ້ານກະສິກຳໄດ້ 1.557 ຄອບຄົວ ແລະ ໄດ້ປະກາດບ້ານກະສິກຳ ພັດທະນາຈຳນວນ 21 ບ້ານ ທຽບໃສ່ແຜນການປະຕິບັດໄດ້ 210%, ດ້ານການຟື້ຟູປ່າໄມ້ ເນື້ອທີ່ປົກຫຸ້ມຂອງປ່າໃນປີ 2017 ບັນລຸໄດ້ 64,87%, ສ້າງສວນກ້າເບ້ຍໄມ້ໄດ້ 3 ແຫ່ງ, ເກັບແກ່ນໄດ້ 380 ກິໂລ, ກ້າເບ້ຍໄມ້ໄດ້ 91 ພັນເບ້ຍ, ປູກໄມ້ 681,48 ເຮັກຕາ, ປູກຢາງພາລາໃນທົ່ວແຂວງມີ 7.524 ເຮັກຕາ, ເນື້ອທີ່ຢາງສາມາດກີດໄດ້ມີ 4 ພັນກວ່າເຮັກຕາ, ວຽງານພັດ ທະນາຊົນນະບົດ ແລະ ລຶບລ້າງຄວາມທຸກຍາກ ເຊິ່ງໃນທົ່ວແຂວງປະກອບມີ 574 ບ້ານ, ໄດ້ປະກາດເປັນບ້ານພັດທະນາແລ້ວ 430 ບ້ານ ເທົ່າກັບ 74,9%, ມີຄອບຄົວພັດທະນາ 71.310 ຄອບຄົວ ເທົ່າກັບ 94,85% ຂອງຈຳນວນຄອບຄົວ ໃນທົ່ວແຂວງ, ບ້ານທຸກຍາກຍັງເຫຼືອ 10 ບ້ານ ເທົ່າກັບ 1,74% ແລະ ຄອບຄົວທຸກຍາກຍັງເຫຼືອ 894 ຄອບຄົວ ເທົ່າກັບ 1,14%.



ສຳລັບປີ 2018 ທາງພະແນກກະສິກຳ ແລະ ປ່າໄມ້ແຂວງໄດ້ວາງແຜນການຜະລິດເຂົ້າໃຫ້ໄດ້ 385.950 ໂຕ່ນ ໃນເນື້ອທີ່ລວມນາແຊງ ແລະ ນາປີ 94.330 ເຮັກຕາ, ສະເລ່ຍຕໍ່ຫົວຄົນ 941 ກິໂລຕໍ່ຄົນຕໍ່ປີ ແລະ ຄາດຈະມີເຂົ້າແຮໄວ້ ປະມານ 271 ພັນໂຕ່ນ, ການປູກພືດທັງລະດູແລ້ງ ແລະ ລະດູຝົນ ໃນເນື້ອທີ່ລວມ 14.700 ເຮັກຕາ, ຄາດຜົນຜະລິດທີ່ ຈະໄດ້ ຮັບ 116.750 ໂຕ່ນ. ໃນນັ້ນປູກພືດລະດູແລ້ງ 9.400 ເຮັກຕາ, ຄາດຄະເນຜົນຜະລິດ 51.450 ໂຕ່ນ. ເຊິ່ງມາຮອດປະຈຸບັນ ປູກພືດລະດູແລ້ງປະຈຳປີ 2018 ປະຕິບັດໄດ້ແລ້ວ 6.826 ເຮັກຕາ ທຽບໃສ່ແຜນການເທົ່າກັບ 73% ແລະ ຍັງສືບຕໍ່ດຳເນີນ ການຜະລິດຢູ່, ປູກພືດລະດູຝົນ 5.300 ເຮັກຕາ, ຄາດຄະເນຜົນຜະລິດ 65.450 ໂຕ່ນ.




ກອງປະຊຸມສະຫຼຸບການຈັດຕັ້ງປະຕິບັດວຽກງານກະສິກຳ ແລະ ປ່າໄມ້ ປະຈຳປີ 2017 ແລະ ວາງທິດທາງແຜນການປີ 2018 ໄດ້ຈັດຂຶ້ນໃນວັນທີ 8 ກຸມພາ 2018 ໂດຍການເຂົ້າຮ່ວມຂອງທ່ານ ບຸນມີ ພິມມະສອນ ຮອງເຈົ້າແຂວງໆຄຳມ່ວນ, ທ່ານ ບຸນຈັນ ໄຊປັນຍາ ຫົວໜ້າພະແນກກະສິກຳ ແລະ ປ່າໄມ້ແຂວງ, ມີບັນດາພະແນກການອ້ອມຂ້າງ, ເມືອງໃນ 10 ຕົວເມືອງ ຕະຫຼອດເຖິງບັນດາຂະແໜງການອ້ອມຂ້າງພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ພາບ ແລະ ຂ່າວ: ຂ່າວແຂວງຄໍາມ່ວນ 

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.