Header Ads

ເຈົ້າແຂວງອັດຕະປື ອວຍພອນ ຄະນະພັກອຳນາດການປົກຄອງແຂວງຢາລາຍ ເນື່ອງໃນໂອກາດບຸນປີໃໝ່ຊາວຫວຽດນາມ




ໃນມື້ວັນທີ 7 ກຸມພາ 2018 ຄະນະຜູ້ແທນແຂວງອັດຕະປື ນຳໂດຍທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື ໄດ້ນຳເອົາຊໍ່ດອກໄມ້ ແລະ ກະຕ່າຂອງຂັວນ ໄປອວຍພອນ ຄະນະພັກອຳນາດການປົກຄອງແຂວງຢາລາຍ ເນື່ອງໃນໂອກາດບຸນປີໃໝ່ປະຈຳຊາດ ສສ ຫວຽດນາມ ທີ່ຈະມາເຖິງໃນໜໍ່ໆນີ້ ໂດຍໄດ້ເຂົ້າຢ້ຽມຢາມ ແລະ ອວຍພອນ ທ່ານ ໂຮ່ວັນນຽນ ຮອງເລຂາພັກແຂວງຢາລາຍ, ຜູ້ປະຈຳການ ແລະ ອວຍພອນ ທ່ານ ຫວໍ ວ່ອກແທ່ງ ຮອງເລຂາ, ປະທານຄະນະກຳມະການປະຊາຊົນແຂວງຢາລາຍ ໂອກາດດັ່ງກ່າວ ຄະນະຜູ້ແທນທັງສອງແຂວງ ຍັງໄດ້ພົບປະໂອ້ລົມ ແລກປ່ຽນຄຳຄິດຄຳເຫັນ ທົບທວນຄືນການຮ່ວມມືໄລຍະຜ່ານມາ ແລະ ໄດ້ແຈ້ງສະພາບການພັດທະນາ ເສດຖະ ກິດ-ສັງຄົມ ຂອງແຕ່ລະແຂວງໃຫ້ກັບຊາບ ພ້ອມນັ້ນສອງຝ່າຍຍັງໄດ້ຕີລາຄາສູງ ຕໍ່ມູນເຊື້ອຄວາມສາມັກຄີ, ສາຍພົວພັນມິດຕະພາບ ແລະ ການຮ່ວມມືຮອບດ້ານ ລາວ-ຫວຽດນາມ ກໍ່ຄື ອັດຕະປື-ຢາລາຍ ນັບມື້ເບັ່ງບານ ແລະ ໄດ້ຮັບໜາກຜົນທີ່ຈົບງາມ ໂອກາດດັ່ງກ່າວ ການນຳທັງສອງແຂວງ ຍັງໄດ້ຢືນຢັນທີ່ຈະສືບຕໍ່ ເສີມຂະຫຍາຍການຮ່ວມມືໂດຍສະເພາະແມ່ນການຊຸກຍູ້ສົ່ງເສີມ ແລະ ອຳນວຍຄວາມສະດວກ ໃຫ້ນັກທຸລະກິດຫວຽດນາມ ໄປລົງທືນຢູ່ແຂວງອັດຕະປື ພ້ອມທັງ ມີການແລກປ່ຽນຊື້ຂາຍ, ຂົນສົ່ງສິນຄ້າ ຕະຫຼອດເຖິງການຮ່ວມມືທາງດ້ານການສືກສາ, ການທ່ອງທ່ຽວ ແລະ ແລກປ່ຽນຄະນະຜູ້ແທນຂັ້ງສູງ ໄປມາຫາສູ່ຢ້ຽມຢາມກັນເປັນປົກກະຕິ.









ທີ່ມາ: ອັດຕະປືອອນລາຍ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.