Header Ads

ທ່າແຕງ ໄຂກອງປະຊຸມເປີດກວ້າງຄົບຄະນະ ບໍລິຫານງານພັກເມືອງ ຄັ້ງທີ 7 ສະໄໝທີ 5




ກອງປະຊຸມເປີດກວ້າງຄົບຄະນະ ບໍລິຫານງານພັກເມືອງ ທ່າແຕງ ຄັ້ງທີ 7 ສະໄໝທີ 5 ໄຂຂື້ນຢ່າງເປັນທາງການໃນວັນທີ 6 ກຸມພາ 2018 ຜ່ານນີ້. ຢູ່ທີ່ສະໂມສອນເມືອງທ່າແຕງ, ແຂວງ ເຊກອງ ພາຍໄຕ້ການເປັນປະທານຂອງ ທ່ານ ຄໍາສອນ ກອນເຍີ ກໍາມະການພັກແຂວງ ເລຂາພັກເມືອງ ເຈົ້າເມືອງ -ເມືອງທ່າແຕງ, ເປັນກຽດເຂົ້າຮ່ວມຂອງ ທ່ານ ແກດ ດາລາແພງ ຜູ້ຕາງໜ້າສະພາປະຊາຊົນ ແຂວງເຊກອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ,ຮອງຫ້ອງການ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ,ເລຂາພັກ ບ້ານ-ນາຍບ້ານ ທົ່ວເມືອງເຂົ້າຮ່ວມ.



ທ່ານ ຄໍາໄພ ສິມມາວັດ ຄະນະປະຈໍາພັກເມືອງ ຮອງເລຂາພັກເມືອງ ຜູ້ຊີ້ນໍາຂົງເຂດວັດທະນະທໍາ-ສັງຄົມ ໄດ້ຕີລາຄາ ການຊີ້ນໍາ-ນໍາພາຮອບດ້ານ ຂອງຄະນະບໍລິຫານງານພັກເມືອງ ທ່າແຕງສົກປີ 2017 ໂດຍໄດ້ຊີ້ໃຫ້ເຫັນວ່າ: 1 ປີຜ່ານມາ ເມືອງທ່າແຕງ ມີສະຖຽນນະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍໂດຍພື້ນຖານ, ປະຊາຊົນ ມີຄວາມສາມັກຄີເປັນປຶກແຜນ, ພື້ນຖານເສດຖະກິດ-ວັດທະນະທໍາ-ສັງຄົມ, ວຽກງານແນວລາວສ້າງຊາດ, ອົງການຈັດຕັ້ງມະຫາຊົນ, ວຽກງານການພົວພັນຕ່າງປະເທດ, ວຽກງານກໍ່ສ້າງພັກພະນັກງານ, ວຽກງານ 3 ສ້າງ ໄດ້ສ້າງພື້ນຖານ ແລະ ມີທ່ວງທ່າອັນໃໝ່ ສືບຕໍ່ຂະຫຍາຍຕົວຢ່າງຕໍ່ເນື່ອງ ແລະ ໜັກແໜ້ນ, ບົນຈິດໃຈບຸກທະລຸ, ສາມາດຜ່ານຜ່າຄວາມທຸກຍາກແລະສິ່ງທົດສອບ, ຍາດໄດ້ຜົນສໍາເລັດໜ້າທີ່ເພິ່ງພໍໃຈຫຼາຍດ້ານ ເປັນຕົ້ນ ເສດຖະກິດຂະຫຍາຍຕົວໃນລະດັບ 9,14%, ລາຍຮັບສະເລ່ຍຕໍ່ຫົວຄົນໄດ້ 16 ລ້ານ 5 ແສນກວ່າກີບ, ບົນພື້ນຖານປັບປຸງຕາໜ່າງປ້ອງກັນຊາດ-ປ້ອງກັນຄວາມສະຫງົບຢູ່ຮາກຖານຢ່າງໜັກແໜ້ນ,ເສີມຂະຫຍາຍທາດແທ້ມູນເຊື້ອຂອງປະຊາຊົນບັນດາເຜົ່າຢ່າງຕັ້ງໜ້າ. ສ່ວນທິດທາງແຜນການສົກປີ 2018 ເມືອງທ່າແຕງຈະສູ້ຊົນຮັບປະກັນໃຫ້ມີສະຖຽນລະພາບທາງດ້ານການເມືອງ ບົນພື້ນຖານໃຫ້ມີຄວາມເຂັ້ມແຂງ, ໝັ້ນຄົງ, ມີປະຊາທິປະໄຕ ມີຄວາມເປັນປຶກແຜ່ນພາຍໃນ-ພາຍນອກຢ່າງກວ້າງຂວາງ, ສູ້ຊົນເຮັດໃຫ້ອັດຕາການຂະຫຍາຍຕົວ GDP ເພີ່ມຂຶ້ນ 11,07%, ລາຍຮັບພາຍໃນໃຫ້ບັນລຸ 760 ຕື້ 1 ຮ້ອຍກວ່າລ້ານກີບ, ສະເລ່ຍໃສ່ປະຊາກອນໃຫ້ໄດ້ 18 ລ້ານກວ່າກີບ, ຕໍ່ຄົນ/ປີ. ໃນນີ້ ຂະແໜ່ງກະສິກໍາແລະປ່າໄມ້ໃຫ້ເພີ່ມຂື້ນ 7,77%, ກວມເອົາ 36,26%ຂອງ GDP, ອຸດສາຫະກໍາໃຫ້ເພີ່ມຂື້ນ 15,72% ຂອງ GDP ແລະ ຂະແໜ່ງການບໍລິການໃຫ້ເພີ່ມຂື້ນ 11,23% ຂອງ GDP.






ກອງປະຊຸມ ເປີດກວ້າງຄົບຄະນະ ບໍລິຫານງານພັກເມືອງ ທ່າແຕງ ຄັ້ງທີ 7 ສະໄໝທີ 5 ຈະໄດ້ດໍາເນີນໄປເປັນເວລາ 3 ວັນ, ແຕ່ວັນທີ 6-8 ກຸມພາ 2018 ນີ້ ຈິ່ງສໍາເລັດ







ພາບ ແລະ ບົດ : ຖວທ ເມືອງທ່າແຕງ (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.