Header Ads

ປກສ ແຂວງສະຫວັນນະເຂດກັກຕົວຜູ້ຖືກຫາ 4 ຄົນ ພ້ອມຢາບ້າຈໍານວນ 30.000 ເມັດ



ໃນວັນທີ 26 ມັງກອນ 2018 ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງສະຫວັນນະເຂດ ສົມທົບ ກັບເຈົ້າໜ້າທີ່ ປກສ ເມືອງສອງຄອນ ຕິດຕາມ ແລະ ກວດກາຜູ້ຄ້າຂາຍ ຢາເສບ ຕິດ ສາມາດກັກຕົວຜູ້ຖືກຫາ 4 ຄົນ ພ້ອມຢາບ້າຈໍານວນ 30.000 ເມັດ.

ເຈົ້າໜ້າທີ່ວິຊາສະເພາະໃຫ້ຮູ້ວ່າ: ໄດ້ກັກຕົວຜູ້ຖືກຫາ 2 ຄົນ ເປັນອ້າຍນ້ອງກັນຊື່ ທ້າວ ນິນວິນຈິວ ຫຼື ອຸ່ນ ອາຍຸ 42 ປີ ແລະ ທ້າວ ແວວ ອາຍຸ 39 ປີ ທັງສອງ ຢູ່ບ້ານທ່າເດື່ອ ເມືອງສອງຄອນ ແຂວງສະຫວັນນະເຂດ ພ້ອມຂອງກາງ ຢາບ້າ ຈໍານວນ 15 ມັດ ເທົ່າກັບ 30.000 ເມັດ ຜ່ານການສືບສວນ-ສອບສວນຂະຫຍາຍຜົນ ພວກກ່ຽວສາລະ ພາບວ່າ: ຢາຈຳນວນດັ່ງກ່າວແມ່ນຈະໄປສົ່ງໃຫ້ ທ້າວ ອາມຸກ ອາຍຸ 38 ປີ ບ້ານຫ້ວຍລົວ ເມືອງເຊໂປນ ແຂວງສະ ຫວັນນະເຂດ ມາຮອດເວລາປະມານ 18: 00 ໂມງ ຂອງວັນດຽວກັນສາມາດກັກຕົວ ທ້າວ ອາມຸກ ພ້ອມລົດຈັກ 1 ຄັນ, ຈາກນັ້ນ, ເຈົ້າໜ້າທີ່ໄດ້ສືບສວນ ທ້າວ ອາມຸກ ຜູ້ກ່ຽວໃຫ້ການວ່າ ໃນວັນທີ 24 ມັງກອນ 2018 ໄດ້ເອົາເງິນໃຫ້ ທ້າວ ຊຽງ ຢູ່ບ້ານຄືມມ່ວນ ເມືອງສອງຄອນ ແຂວງສະຫວັນນະເຂດ ໄປຊື້ຢາບ້າຈໍາ ນວນ 30.000 ເມັດ.

ຕໍ່ມາວັນທີ 27 ມັງກອນ 2018 ເຈົ້າໜ້າທີ່ສາມາດກັກຕົວ ທ້າວ ຊຽງ ອາຍຸ 47 ປີ ໄດ້ພ້ອມເຄື່ອງຂອງກາງ ຄື: ແຫວນສີເຫຼືອງຄ້າຍຄືຄຳ 2 ວົງ, ລົດຈັກ 2 ຄັນ, ເງິນກີບ 9.000.000 ກີບ ແລະ ໂທລະສັບ 4 ໜ່ວຍ; ປັດຈຸບັນ ຄະດີ ດັ່ງກ່າວຍັງດຳເນີນການສືບສວນ-ສອບສວນປະກອບສຳນວນຄະດີສົ່ງໄອຍະການຟ້ອງສານຕັດສິນຕາມລະ ບຽບກົດໝາຍບ້ານເມືອງ.

ພາບ ແລະ ຂ່າວ: ນສພ ຄວາມສະຫງົບ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.