Header Ads

ພະແນກແຜນການ ແລະ ການລົງທືນແຂວງຫຼວງນໍ້າທາ ສະຫຼຸບການຈັດຕັ້ງປະຕິບັດແຜນງົບປະມານປີ 2017 ແລະ ວາງທິດທາງແຜນການ 2018



ແຂວງຫຼວງນໍ້າທາ : ວັນທີ 13 ກຸມພາ 2018 ນີ້ ພະແນກແຜນການ ແລະ ການລົງ ທືນແຂວງຫຼວງນໍ້າທາ ຈັດກອງປະຊຸມການຈັດຕັ້ງ ປະຕິບັດແຜນງົບປະມານປະຈຳປີ 2017 ແລະ ວາງທິດທາງແຜນການ 2018. ເປັນກຽດເຂົ້າຮ່ວມຂອງທ່ານ ປອ ເພັງພາວັນ ດາວພອນຈະເລີນ ຮອງເຈົ້າແຂວງໆຫຼວງນໍ້າທາ, ທ່ານ ບຸນທຳ ອິນທະປະເສີດ ຮອງ ຫົວໜ້າພະແນກແຜນການ ແລະ ການລົງທືນແຂວງຫຼວງນໍ້າທາ, ມີບັນດາຫົວໜ້າ - ຮອງຫົວໜ້າພະແນກການອ້ອມຂ້າງແຂວງ, ຮອງເຈົ້າເມືອງ 5 ເມືອງ, ຫົວໜ້າ - ຮອງຫົວໜ້າຂະແໜງ ຕະຫຼອດຮອດພະນັກງານວິຊາການພາຍໃນພະແນກເຂົ້າຮ່ວມ.

ທ່ານ ບຸນທຳ ອິນທະປະເສີດ ຮອງຫົວໜ້າພະແນກການ ແລະ ການລົງທືນແຂວງຫຼວງນໍ້າທາໄດ້ຜ່ານບົດສະຫຼຸບການຈັດຕັ້ງປະຕິບັດແຜນງົບປະມານປະຈຳປີ 2017 ແລະ ວາງທິດທາງ ແຜນການ 2018ການເຄື່ອນໄຫວຈັດຕັ້ງປະຕິບັດໜ້າທີ່ວຽກງານຕົວຈິງໃນ1 ປີ ຜ່ານມາ , ພະແນກແຜນການ ແລະ ການ ລົງທືນແຂວງໄດ້ຊີ້ນຳໆພາຄຸ້ມຄອງທາງດ້ານການເມືອງແນວຄິດ, ການຈັດຕັ້ງ,ບຸກຄະລາກອນແມ່ນຂື້ນກັບອົງ ການປົກຄອງ,ເປັນເສນາທິການໃຫ້ແກ່ແຂວງມີການປະສານສົມທົບກັບສາຍຕັ້ງສາຍຂວາງໃນການຄົ້ນຄ້ວາສັງ ລວມ, ວິໄຈ,ສ້າງແຜນ ແລະຄຸ້ມຄອງການຈັດຕັ້ງປະຕິບັດແຜນ ພັດທະນາເສດຖະກິດ - ສັງຄົມ,ການລົງທຶນຂອງລັດ, ການຮ່ວມມືກັບອົງການຈັດຕັ້ງສາກົນ ແລະ ປະເທດເພື່ອນມິດໃກ້ຄຽງເພື່ອໃຫ້ສອດຄ່ອງກັບນະໂຍບາຍຂອງພັກ ແລະ ລັດຖະບານວາງອອກ,ແຈ້ງການແນະນຳກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ ສັງຄົມ ແລະ ແຜນການລົງ ທືນຂອງລັດປະຈຳປີ 2018 ແລະ ມະຕິຂອງສະພາປະຊາຊົນແຂວງກ່ຽວກັບແຜນພັດທະນາ ເສດຖະກິດ ສັງຄົມຂອງແຂວງປີ 2018 .



ເຊີ່ງໄລຍະຜ່ານມາພະແນກແຜນການ ແລະ ການລົງທືນແຂວງໄດ້ສຶກສາອົບຮົມທາງດ້ານການເມືອງ - ແນວຄິດ, ອຸ່ນອ່ຽງທຸ່ນທ່ຽງໃນການຈັດຕັ້ງປະຕິບັດໜ້າທີ່ວຽກງານ,ປະຕິບັດມະຕິຄຳສັງຂອງຂັ້ນເທິງໃຫ້ພະນັກງານໄດ້ເຊື່ອມຊືມຢ່າງເປັນປົກກະຕິ, ໃນປີ 2017 ການຈັດຕັ້ງແຜນພັດທະນາເສດຖະກິດ ສັງຄົມຂອງແຂວງ,ໄດ້ມີການຂະຫຍາຍຕົວຢ່າງຕໍ່ເນື່ອງໃນອັດຕາການຂະຫຍາຍຕົວລວມຍອດຜະລິດຕະພັນພາຍໃນສະເລ່ຍ 8,96 % ຕໍ່ປີ, ຄິດໄລເປັນມູນຄ່າ ໃນປີ 2. 447.493, 59 ລ້ານກີບ, ສະເລ່ຍໃສ່ຫົວຄົນບັນລຸໄດ້ 1. 656 ໂດລາສະຫະລັດ,ໃນນັ້ນດ້ານກະສິກຳເພີ້ມຂື້ນ 7, 75% ກວມເອົາ 49,73% ຂອງ GDP, ດ້ານອຸສາຫະກຳເພີ້ມຂື້ນ 11,68 % ກວມເອົາ 21,10 % ຂອງ GDP, ດ້ານບໍລິການເພີ່ມຂື້ນ 9,89 % ກວມເອົາ 27,05 % ຂອງ GDP ແລະ ດ້ານພາສີ - ອາກອນ ເພີ່ມຂື້ນ 2,19% ກວມເອົາ2,12 % ຂອງ GDP, ປີ 2017 ແຂວງຫຼວງນ້ຳທາໄດ້ຮັບທືນທັງໝົດ 39 ໂຄງການ, ມູນຄ່າ 40. 885,29 ລ້ານກີບ, ຊຳລະຄືນໃນງວດໝຶ່ງປີ 2017 ມີ 5 ໂຄງການ, ມູນຄ່າ 6 . 095 ລ້ານກີບ, ຮວງປົກກະຕິມີ 26 ໂຄງການ, ມູນຄ່າ 29. 473,68 ລ້ານກີບ, ທຶນພັດທະນາຊົນນະບົດ ແລະ ລືບລ້າງຄວາມທຸກຍາກມີ 8 ໂຄງການ, ມູນຄ່າ 3 .600 ລ້ານກີບ, ທຶນຈັດສັນພູມລຳເນົາ 3 ໂຄງການ, ມູນຄ່າ 900 ລ້ານກີບ ແລະ ທືນຊຳລະໜີ້ເພີມມີ 6 ໂຄງການ, ມູນຄ່າ 816 , 61 ລ້ານກີບ, ຜ່ານການກວດກາ ແລະ ຕິດຕາມເອກະສານຊຳລະໂຄງການລົງທືນຂອງລັດ, ສາມາດປະຕິບັດໄດ້ທັງ ໝົດ 39 ໂຄງກາoມູນຄ່າ 40. 885,29 ລ້ານກີບ ເທົ່າກັບ 100% ຂອງແຜນການປີ. 

ຄຽງຄູ່ກັນນີ້ ຍັງໄດ້ເອົາໃຈໃສ່ປະຕິບັດວຽກງານພັດທະນາທົດລອງສາມສ້າງ, ໄດ້ມອບໂຄງການໃຫ້ເມືອງສາມສ້າງ 3 ເມືອງ, ຈັດຕັ້ງປະຕິບັດທັງໝົດ 8 ໂຄງການມູນຄ່າ 4.266,3 ລ້ານກີບ ເທົ່າກັບ 100% ຂອງແຜນການປີ, ໄດ້ຄົ້ນຄ້ວາ ແລະ ອານຸມັດບັນດາໂຄງການລົງທືນເອກະຊົນຕ່າງໆ ທັງພາຍໃນ ແລະ ຕ່າງປະເທດໄດ້ທັງໝົດ 8 ໂຄງການລວມມູນຄ່າ 31.253.243 ໂດລາສະຫະລັດ ແລະ ຍັງໄດ້ຮ່ວມມືກັບສາກົນໄດ້ຮັບການຊ່ວຍເຫຼືອ 27 ໂຄງການລວມມູນຄ່າທັງໝົດ 4. 975.120 ໂດລາສະຫະລັດ.


ທິດທາງແຜນການປີຕໍ່ໜ້າແມ່ນຈະສືບຕໍ່ຄຸ້ມຄອງລາຍຮັບ - ລາຍຈ່າຍ, ງົບປະມານຂອງພະແນກໃຫ້ໄປ ຕາມລະບຽບການ, ຄຸ້ມຄອງພາຫະນະ, ວັດຖຸ ອຸປະກອນ, ສືບຕໍ່ຕິດຕາມການຈັດຕັ້ງປະຕິບັດສິດ ແລະ ພາລະບົດບາດຂອງຂະແໜງການພາຍໃນພະແນກ, ສູ້ຊົນເຮັດໃຫ້ອັດຕາການເຕີບໂຕຂອງເສດຖະກິດຂະຫຍາຍຕົວຢ່າງຕໍ່ເນື່ອງບໍ່ໃຫ້ຫຼຸດ 9 % ຕໍ່ປີລວມຍອດຜະລິດຕະພັນ GDP ໃຫ້ໄດ້ 2. 682. 114, 66 ລ້ານກີບ.

ພາບ ແລະ ຂ່າວ: ຂ່າວແຂວງຫຼວງນໍ້າທາ (ມີເດຍລາວ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.