Header Ads

ທ່ານ ຮອງປະທານສະພາແຫ່ງຊາດລົງຢ້ຽມຢາມເມືອງປາກລາຍ




ແຂວງໄຊຍະບູລີ :  ວັນທີ່ 11 ກຸມພາ 2018 ນີ້ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ໄດ້ລົງຢ້ຽມຢາມ ເມືອງປາກລາຍ ແຂວງໄຊຍະບູລີ ໂດຍການໃຫ້ກຽດຕ້ອນຮັບຂອງ ທ່ານ ຢັນຍົງ ສີປະເສີດ ຮອງເຈົ້າແຂວງໄຊຍະບູລີ ມີທ່ານ ບຸນລັບ ແສງອາພອນ ເຈົ້າເມືອງໆປາກລາຍ ພ້ອມດ້ວຍຄະນະນຳຂອງເມືອງ ໃຫ້ການຕ້ອນຮັບ.


ໃນການລົງຢ້ຽມຢາມເມືອງປາກລາຍໃນເທື່ອນີ້ທ່ານຮອງປະທານສະພາແຫ່ງຊາດພ້ອມດ້ວຍຄະນະ ກໍ່ໄດ້ຢ້ຽມຊົມຂົວຂ້າມແມ່ນ້ຳຂອງນາສັກ-ຄົກເຂົ້າດໍ ທີ່ເປັນບ່ອນເຊື່ອມຕໍ່ເສັ້ນທາງຄົມມະນາຄົມລະຫວ່າງເມືອງປາກລາຍ ແຂວງໄຊຍະບູລີ ຫາ ເມືອງຊະນະຄາມ ແຂວງວຽງຈັນ ທີ່ຫາກໍສຳເລັດໃນທ້າຍປີທີ່ຜ່ານມາ ໃນເວລາຕໍ່ມາກໍ່ໄດ້ເດີນທາງໄປຢ້ຽມຢາມ ໂຮງງານຜະລິດແປ້ງມັນຕົ້ນສະເລັດຮູບ ບໍລິສັດກ້າວໜ້າລາວ ເຊິ່ງທ່ານກໍ່ໄດ້ຮັບຟັງການລາຍງານຈາກທ່ານ ເຫີວຍ ຫາຍລ້າງ ຜູ້ຈັດການບໍລິຫານຈັດຊື້ບໍລິສັດດັ່ງກ່າວ ໄດ້ໃຫ້ຮູ້ວ່າ: ທາງໂຮງງານມີເຄື່ອງຈັກທີ່ທັນສະໄໝໄດ້ມາດຖານ, ເພື່ອຜະລິດແປ້ງມັນຕົ້ນໃນຈຳນວນບໍ່ຈຳກັດເພື່ອຕອບສະໜອງໃຫ້ໄດ້ຕາມ ຄວາມຕ້ອງການຂອງຕະຫລາດພາຍໃນ ແລະ ຕ່າງປະເທດ. ໃນປີຜ່ານມາທົ່ວເມືອງມີເນື້ອທີ່ປູກມັນຕົ້ນ 7.285,32 ເຮັກຕາ, ຜົນຜະລິດໄດ້ 274.146,6 ໂຕນ, ທຽບໃສ່ແຜນການປີຫຼຸດລົງ 19,05%, ທຽບໃສ່ປີຜ່ານມາຫຼຸດລົງ 17,51%, ມາຮອດປັດຈຸບັນແມ່ນໄດ້ເກັບຊື້ຜົນຜະລິດຂອງປະຊາຊົນ ໃນລາຄາຍຸຕິທຳ ແລະ ພວມດຳເນີນການຜະລິດ ຕະຫຼອດ 24 ຊົ່ວໂມງ. ນອກຈາກນີ້ ບໍລິສັດຖືເອົາການຮັກສາສະພາບແວດລ້ອມເປັນສຳຄັນ ໄດ້ມີລະບົບການຄຸ້ມຄອງດ້ານສະພາບແວດລ້ອມເປັນຢ່າງດີ, ມີລະບົບບຳບັດນໍ້າເສຍກ່ອນປ່ອຍລົງໄປສູ່ທຳມະຊາດ, ມີລະບົບຜະລິດພະລັງງານຈາກສິ່ງເສດເຫລືອ ແລະ ປຸ໋ຍຊີວະພາບ ພ້ອມໄດ້ເອົາໃຈໃສ່ດ້ານສະຫວັດດີການ ແລະ ນະໂຍບາຍອື່ນໆຕໍ່ສັງຄົມຕື່ມອີກ. 



ໂອກາດດັ່ງກ່າວນີ້ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ກໍjທ່ານກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການດຳເນີນງານຂອງບໍລິສັດດັ່ງກ່າວ ທີ່ໄດ້ເອົາໃຈໃສ່ປະ ກອບສ່ວນຢ່າງຕັ້ງໜ້າເຂົ້າໃນການສ້າງວຽກເຮັດງານທຳ ແລະ ແກ້ໄຂຄວາມທຸກຍາກ ຂອງປະຊາຊົນເຮັດໃຫ້ເຂົາເຈົ້າມີຄວາມຕື່ນຕົວສ້າງເສດ ຖະກິດກໍຄືການຍົກລະດັບຊີວິດ ການເປັນຢູ່ໃຫ້ນັບ ມື້ນັບດີຂຶ້ນ ເປັນກ້າວໆ.



ພາບ ແລະ ຂ່າວ: ວສວ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.