Header Ads

ຫຼາຍພາກສ່ວນ ຮ່ວມກັນມອບເງິນຊ່ວຍເຫຼືອໄພພິບັດທາງທຳມະຊາດ ຢູ່ ສປປ ລາວ ໃຫ້ກັບ ກະຊວງ ຮສສ




ເພື່ອເປັນການປະກອບສ່ວນຊ່ວຍເຫຼືອໃຫ້ກັບປະຊາຊົນຜູ້ທີຖືກເຄາະຮ້າຍຈາກໄພພິບັດທາງທຳມະຊາດ ( ນ້ຳຖ້ວມ ແລະ ໄພໜາວ ) ໃຫ້ທ່ວງທັນສະພາບການ ແລະ ເພື່ອແນໃສ່ເພື່ອປະກອບສ່ວນຊ່ວຍເຫຼືອທາງສັງຄົມທີ່ຖືກປະສົບໄພທາງທຳມະຊາດ ໃຫ້ບັນດາແຂວງ ພາກກາງ, ພາກໃຕ້ ແລະ ພາກເໜືອ ຢູ່ ສປປ ລາວ ທີ່ໄດ້ຮັບຜົນກະທົບຈາກພະຍຸ ; ໄດ້ຮີບໂຮມເງິນຮ່ວມກັນບໍລິຈາກຊ່ວຍເຫຼືອປະຊາຊົນລາວ ຜູ້ຖືກເຄາະຮ້າຍຈາກພະຍຸດັ່ງກ່າວ ໂດຍຕາງໜ້າມອບໂດຍ ທ່ານ. ພັທ ແສງປະເສີດ ຄຳພູວົງ ຫົວໜ້າພະແນກບໍລິຫານ ກອງພັນໃຫຍ່ 703 ມອບເງິນຈຳນວນ 4,440,000, ທ່ານ ຄຳພູ ພິລະກຸນ ຮອງຫົວໜ້າຫ້ອງການ ກະຊວງຍຸດຕິທໍາ ມອບເງິນຈຳນວນ 3,000,000 ກີບ , ກະຊວງສາທາລະນະສຸກ ມອບເງິນສົດຈຳນວນ 1,289,500 ກີບ ພ້ອມດວ້ຍຢາກິນ ແລະ ເຄື່ອງອຸປະໂພບໍລິໂພກຈຳນວນໜຶ່ງ ນໍາມາມອບໃຫ້ກັບ ກະຊວງແຮງງານ ແລະ ສະຫວັດດີການສັງຄົມ ( ຮສສ ) ເພື່ອນຳໄປຊວ່ຍເຫຼືອຕໍ່ໃຫ້ກັບປະຊາຊົນລາວຜູ້ປະສົບໄພພິບັດດັ່ງກ່າວ.



ໃນລະຫວ່າງທ້າຍເດືອນ ມັງກອນ 2018 ຜ່ານມານີ້, ໄດ້ມີຫລາຍພາກສວ່ນ ລວມເປັນເງິນທັງໝົດຈຳນວນ 8,729,500 ກີບ ມາມອບ ເຊີ່ງກ່າວຮັບໂດຍ ຄະນະຮັບຜິດຊອບຮັບບໍລິຈາກ ກະຊວງແຮງງານ ແລະ ສະຫວັດດີການສັງຄົມ(ຮສສ ) .

ໂອກາດນີ້: ໃນນາມຄະນະຮັບຜິດຊອບຮັບບໍລິຈາກ ກໍກ່າວສະແດງຄວາມຂອບໃຈຕໍ່ ພັກ ແລະ ລັດຖະບານ ກໍຄືນາຍ ແລະ ພົນທະຫານກອງທັບປະຊາຊົນລາວ ປະຊາຊົນບັນດາເຜົ່າ ທີ່ໄດ້ພ້ອມກັນບໍລິຈາກເງິນຊ່ວຍເຫຼືອ ປະຊາຊົນລາວຜູ້ຖືກເຄາະຮ້າຍຈາກໄພພິບັດທາງທຳມະຊາດ ແລະ ໃຫ້ຄຳໝັ້ນສັນຍາວ່າ ຈະນຳເອົາເງິນຈຳນວນດັ່ງກ່າວເຂົ້າໃນການຊ່ວຍເຫຼືອໃຫ້ແກ່ຜູ້ປະສົບໄພ, ພ້ອມນັ້ນຍັງຮຽກຮ້ອງເຖິ່ງພາກສວ່ນຕ່າງໆ ຮ່ວມກັນບໍລິຈາກເງິນ ແລະ ວັດຖຸສິ່ງຂອງ, ເຄື່ອງອຸປະໂພກ-ບໍລິໂພກ ຕ່າງໆ ເພື່ອຊວ່ຍເຫຼືອໃຫ້ກັບຜູ້ປະສົບໄພ ກໍຄືຟື້ນຟູບູລະນະພື້ນຖານໂຄງລ່າງ ຖະໜົນຫົນທາງ, ສັດລຽ້ງ ແລະ ແນວພັນກະສິກຳ ເພື່ອໄປມອບໃຫ້ກັບປະຊາຊົນທີ່ຖືກຜົນກະທົບ.

ເຖິ່ງຢ່າງໃດກໍ່ຕາມ ກະຊວງແຮງງານ ແລະ ສະຫວັດດີການສັງຄົມ ກໍຍັງຕ້ອງການເງິນຊ່ວຍເຫຼືອຕື່ມອີກຈຳນວນຫລາຍ ເພື່ອນຳໄປຊ່ວຍເຫຼືອປະຊາຊົນລາວຜູ້ທຸກຍາກ, ຜູ້ດອ່ຍໂອກາດ ແລະ ໄດ້ຮັບຜົນກະທົບຈາກໄພພິບັດທາງທຳມະຊາດ ( ນໍ້າຖ້ວມ - ໄພໜາວ) ແລະ ເກັບໄວ້ເປັນຄັ້ງແຮສຸກເສີນ ເພື່ອຊ່ວຍເຫຼືອປະຊາຊົນໃນຄັ້ງຕໍ່ໄປໃຫ້ທວ່ງທັນກັບສະພາບການ.

ພ້ອມນີ້ ຮຽກຮ້ອງເຖິງບັນດາການຈັດຕັ້ງ ພາກລັດ, ເອກະຊົນ, ບັນດາທຸລະກິດ ຫ້າງຮ້ານ, ບັນດາຊັ້ນຄົນ ແລະ ອົງການຈັດຕັ້ງໃນສັງຄົມຜູ້ມີກຳລັງຊັບ, ມີວັດຖຸສາມາດປະກອບສ່ວນຊ່ວຍເຫຼືອພໍ່ແມ່ປະຊາຊົນ, ທີ່ພວມຫຍຸ້ງຍາກ ສັບສົນທີ່ສຸດໃນປັດຈຸບັນ; ບັນດາທ່ານ ຫຼື ບັນດາພາກສ່ວນຕ່າງໆ ສາມາດພົວພັນໂດຍກົງຫາ ກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ. ເບີໂທ: 021 213005, 222776 ຫຼື 020 55521811, 22225185, 22228154, 55675089, 22232212, 55676987.

ຂ່າວ ໂດຍ: ເພັດສະໄໝ (ກະຊວງແຮງງານ ແລະ ສະຫວັດດີການສັງຄົມ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.