Header Ads

ທ່ານເຈົ້າແຂວງໄຊຍະບູລີອວຍພອນກົງສູນໃຫຍ່ສສຫວຽດນາມ ປະຈໍາແຂວງຫຼວງພະບາງ



ເນື່ອງໃນໂອກາດບຸນປີໃໝ່ ສສຫວຽດນາມ ( ບຸນກິນກຸດຫວຽດ ) ປະຈໍາປີ 2018 ທີ່ໝູນວຽກມາອີກວາລະໜຶ່ງ, ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍຄະນະໄດ້ເຂົ້າອວຍພອນພະນັກງານຫຼັກແຫຼ່ງຫ້ອງການກົງສູນໃຫຍ່ ສສຫວຽດນາມ ປະຈໍາ ແຂວງ ຫຼວງພະບາງ,ໃນວັນທີ 9 ກຸມພາ ປີນີ້. ທີ່ຫ້ອງຮັບແຂກຫ້ອງການກົງສູນດັ່ງກ່າວ, ໃຫ້ການຕ້ອນຮັບໂດຍທ່ານ ຫວູ໋ ດັງແມັງ ຫົວໜ້າກົງສູນໃຫຍ່ ສສຫວຽດນາມ ປະຈໍາ ແຂວງ ຫຼວງພະບາງ ພ້ອມດ້ວຍພະນັກງານຫຼັກແຫຼ່ງພາຍໃນກົງສູນໃຫ້ການຕ້ອນຮັບຢ່າງອົບອຸ່ນ. 


ກ່ອນອື່ນ ທ່ານ ພົງສະຫວັນ ສິດທະວົງ ເຊິ່ງຕາງໜ້າໃຫ້ການນໍາ ແລະ ປະຊາຊົນ ແຂວງ ໄຊຍະບູລີ ໄດ້ອວຍພອນໄຊອັນປະເສີດມາຍັງຫົວໜ້າກົງສູນໃຫຍ່ ສສຫວຽດນາມ ປະຈໍາ ແຂວງ ຫຼວງພະບາງ ພ້ອມດ້ວຍພະນັກງານຫຼັກແຫຼ່ງ ຈົ່ງມີແຕ່ຄວາມຜາສຸກໃນຊີວິດສ່ວນຕົວ ແລະ ຄອບຄົວ, ພ້ອມທັງຝາກຄໍາອວຍພອນດັ່ງກ່າວໄປຍັງການນໍາທຸກຂັ້ນຂອງ ສສຫວຽດນາມ, ທັງນີ້ກໍ່ເພື່ອເປັນການສືບຕໍ່ຫັດແໜ້ນຄວາມສາມັກຄີແບບພິເສດ ລາວ-ຫວຽດນາມ ແລະ ຫວຽດນາມ-ລາວ ທີ່ມີມາແຕ່ດຶກດໍາບັນໃຫ້ຍືນນານຕະຫຼອດຊົ່ວກາລະນານ, ໂອກາດດຽວກັນ ທ່ານ ເຈົ້າແຂວງ ໄຊຍະບູລີ ຍັງໄດ້ກ່າວຄໍາຂອບໃຈຕໍ່ການນໍາພັກ-ລັດ ສສຫວຽດນາມ, ເວົ້າລວມ, ເວົ້າສະເພາະແມ່ນ ບັນດາແຂວງແຮກສ່ຽວ ແລະ ກົງສູນໃຫຍ່ ສສຫວຽກນາມ ປະຈໍາ ແຂວງ ຫຼວງພະບາງ ທີ່ຍາມໃດກໍ່ໄດ້ໃຫ້ການຊ່ວຍເຫຼືອຮອບດ້ານຕໍ່ ແຂວງ ໄຊຍະບູລີ ດ້ວຍດີຕະຫຼອດມາ, ອັນເຮັດໃຫ້ ແຂວງ ໄຊຍະບູລີ ມີການພັດທະນາດີຂຶ້ນຕໍ່ເນື່ອງ ແລະ ໄດ້ມອບກະຕ່າດອກໄມ້, ກະເຊົ້າສິນຄ້າໂອດອບຂອງແຂວງໃຫ້ຫົວໜ້າກົງສູນ ແລະ ພະນັກງານຫຼັກແຫຼ່ງ.




ພາບ ແລະ ຂ່າວ: ຂ່າວແຂວງໄຊຍະບູລີ/ມີເດຍລາວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.