Header Ads

ລັດຖະມົນຕີ ຮສສ ເຂົ້າຮວ່ມ ກອງປະຊຸມສະຫຼຸບວຽກງານ ຮສສ ທົ່ວ ແຂວງຫຼວງພະບາງ ປະຈໍາປີ 2017




ເພື່ອເປັນການຢັ້ງຢືນໃຫ້ເຫັນເຖິງຜົນງານການຈັດຕັ້ງປະຕິບັດວຽກງານ ພະແນກແຮງງານ ແລະ ສະຫວັດດີການສັງຄົມ ແຂວງຫຼວງພະບາງ ໃນໄລຍະ 1 ປີຜ່ານມາ ຈື່ງໄດ້ຈັດກອງປະຊຸມສະຫຼຸບວຽກງານ ຮສສ ທົ່ວແຂວງຫຼວງພະບາງ ປະຈໍາປີ 2017 ຂຶ້ນ ,ໃນວັນທີ 14 ມັງກອນ 2018ນີ້, ທີ່ແຂວງຫຼວງພະບາງ ໂດຍເປັນກຽດເຂົ້າ ຮ່ວມ ແລະ ໂອລົມ ຂອງປອຄຳແພງ ໄຊສົມແພງ ເລຂາພັກກະຊວງ,ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີ ທ່ານ ພົງພະຈັນ ເທບພະຈັນ ຮອງເລຂາພັກແຂວງ ຮອງເຈົ້າແຂວງໆຫຼວງພະບາງ, ທ່ານ ຄຳຫວັນ ວັນວິໄລ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຫຼວງພະບາງ, ມີບັນດາທ່ານ ຮອງຫົວໜ້າພະແນກການອ້ອມຂ້າງແຂວງ, ມີບັນດາທ່ານເຈົ້າເມືອງ, ຮອງເຈົ້າເມືອງ, ຫົວໜ້າຫ້ອງການ ຮສສ ເມືອງທົ່ວແຂວງ ແລະ ມີພະນັກງານພະແນກ ຮສສ ແຂວງທັງໝົດເຂົ້າຮ່ວມ. 


ກອງປະຊຸມດັ່ງກ່າວຍັງໄດ້ຮັບຟັງການຜ່ານບົດສະຫຼຸບ, ລາຍງານຜົນສໍາເລັດໃນຫຼາຍໆດ້ານ, ດ້ານດີ, ດ້ານອອ່ນ, ຂໍ້ຄົງຄ້າງ ແລະ ບົດຮຽນທີ່ທອດຖອນໄດ້ ໃນການຈັດຕັ້ງປະຕິບັດວຽກງານ 1 ປີຜ່ານມາ ແລະ ທິດທາງແຜນການ ປີ 2018; ຄຽງຄູ່ກັບຜົນງານດ້ານດີ ແລະ ຜົນສຳເລັດທີ່ຍາດມາໄດ້ນັ້ນ ທ່ານ ປອ ຄຳແພງ ໄຊສົມແພງ ເຫັນວ່າ ວຽກງານ ຮສສ ແຂວງຫຼວງພະບາງ ຍັງມີບາງບັນທີ່ຈະໄດ້ເອົາໃຈໃສ່ບາງດ້ານດັ່ງນີ້: ເຜີຍແຜ່ກົດໝາຍແຮງງານ, ດຳລັດ, ຂໍ້ກຳນົດ, ບົດແນະນຳກົດລະບຽບຕ່າງໆໃຫ້ຫົວໜ່ວຍແຮງງານຢູ່ບາງເມືອງ ຍັງບໍ່ທັນກວ້າງຂວາງ ແລະ ທົ່ວເຖິງຈຶ່ງເຮັດໃຫ້ການນຳໃຊ້ ແລະ ນຳເຂົ້າແຮງງານຕ່າງປະເທດ, ການຝຶກອົບຮົມວິຊາຊີບ, ພັດທະນາສີມືແຮງງານ ໃຫ້ມີປະລິມານ ແລະ ຄຸນນະພາບ, ການຊອກຫາວຽກເຮັດງານທຳໃຫ້ແກ່ກຳລັງແຮງງານ,ເພື່ອຕອບສະໜອງເຂົ້າສູ່ຕະຫຼາດແຮງງານ,ການປະຕິບັດນະໂຍບາຍຕໍ່ພະນັກງານບຳນານ, ຜູ້ເສຍອົງຄະ, ວິລະຊົນແຫ່ງຊາດ, ນັກຮົບແຂ່ງຂັນ ແລະ ຜູ້ມີຄຸນງາມຄວາມດີຕໍ່ປະເທດຊາດ ໃຫ້ມີຄວາມສັດເຈນ ແລະ ຍຸດຕິທຳ, ການຊ່ວຍເຫຼືອຕໍ່ຜູ້ປະສົບໄພພິບັດໃຫ້ທວ່ງທັນກັບສະພາບ, ການເບິ່ງແຍງເຖົ້າແກ່ປ່ຽວພອຍ, ໄບບ້າເສຍຈິດ ແລະ ຜູ້ດ້ອຍໂອກາດໃນສັງຄົມ ໃຫ້ກວ້າງຂວາງ, ສ້າງກອງທຶນ ຊ່ວຍ ເຫຼືອເຊິ່ງກັນ ແລະກັນ, ເພີ່ມຄວາມເອົາໃຈໃສ່ໃນການຄຸ້ມຄອງແຮງງານ ແລະ ປົກປ້ອງສິດຜົນປະໂຫຍດອັນຊອບທຳ ຂອງຜູ້ອອກແຮງງານ ແລະ ຜູ້ໃຊ້ແຮງງານ ໃຫ້ຖືກຕ້ອງຕາມລະບຽບກົດໝາຍເຂັ້ມງວດກວ່າເກົ່າ, ພັດທະນາລະບົບ ປະກັນສັງຄົມ, ກອງທຶນສຸກຂະພາບ ໃຫ້ເຂັ້ມແຂງ


ສ້າງໃຫ້ຖັນແຖວພະນັກງານ - ລັດຖະກອນ ໃຫ້ມີຄວາມຮັບຮູ້ເຂົ້າໃຈຢ່າງຈະແຈ້ງເຖິງ ວຽກງານແຮງ ແລະ ສະຫວັດດີການສັງຄົມ,ຄວາມສຳຄັນຢ່າງຍິງຕໍ່ການພັດທະນາເສດຖະກິດ - ສັງຄົມຂອງແຂວງ, ຕ້ອງປ່ຽນແປງທາງດ້ານຈິນຕະນາການ ໂດຍເອົາໃຈໃສ່ຫຼາຍກວ່າເກົ່າໃນການສົ່ງເສີມ ຫົວຄິດປະດິດສ້າງ ແລະ ທັດສະນະກ້າຄິດກ້າເຮັດ, ກ້າຮັບຜິດຊອບ, ທັງເອົາໃຈໃສ່ບຳລຸງຍົກລະດັບຄວາມຮູ້ດ້ານຕ່າງໆ ຂອງພະນັກງານ - ລັດຖະກອນຂອງຂະແໜງ ໃຫ້ມີວິໄສທັດເບິ່ງບັນຫາ ໄລຍະສະເພາະໜ້າ ແລະ ຍາວນານຄັກແນ່, ພ້ອມທັງປັບປຸງແບບແຜນວິທີເຮັດວຽກໃຫ້ວ່ອງໄວ ແລະ ມີປະສິດທິພາບສູງ, ເພີ່ມຄວາມຮັບຜິດຊອບຂອງ ຄະນະພັກແຕ່ລະຂັ້ນຕ່າງໆ ກໍ່ຄືແຜນການ ແລະ ວຽກງານຕ່າງໆຂອງຂະແໜງແຮງງານ ແລະສະຫວັດດີການສັງຄົມ ,ເພື່ອຍາດແຍ່ງ ການຊ່ວຍເຫຼືອຈາກຄະນະພັກ, ອຳນາດການປົກຄອງທ້ອງຖິ່ນ ເພື່ອຈັດຕັ້ງປະຕິບັດວຽກງານນີ້ ໃຫ້ມັນດີກວ່າເກົ່າ.


ໃນຕອນທ້າຍກອງປະຊຸມດັ່ງກ່າວ ທ່ານລັດຖະມົນຕີ ຮສສ ພ້ອມຄະນະ, ຍັງໄດ້ມອບຜ້າຫົມກັນໜາວໃຫ້ກັບ ພະແນກ ຮສສ ແຂວງຫຼວງພະບາງ ເພື່ອສືບຕໍ່ນຳໄປມອບໃຫ້ກັບປະຊາຊົນຜູ້ຖືກຜົນກະທົບຈາກໄພພິບັດທາງທຳມະຊາດ ( ນ້ຳຖ້ວມ ແລະ ໄພໜາວ ) ຈຳນວນ 100 ຜືນ ລວມເປັນເງິນ 5,000,000 ກີບ ນຳອີກ.
 ພາບ-ຂ່າວ:ເພັດສະໄໝ  (ກະຊວງແຮງງານ ແລະ ສະຫວັດດີການສັງຄົມ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.