Header Ads

Huawei ຄວ້າ 6 ລາງວັນຈາກເວທີອອກແບບລະດັບໂລກປີ 2018 iF International Industrial Design



ຫົວເຫວີຍປະກາດການຄວ້າ 6 ລາງວັນດ້ານການອອກແບບໃນງານປະກວດດ້ານການອອກແບບລະດັບໂລກ iF Design Awards 2018  ທີ່ປະເທດເຢຍລະມັນ, ເຊິ່ງຜະລິດຕະພັນທີ່ໄດ້ຮັບລາງວັນມີ: HUAWEI Mate 10, HUAWEI Mate 10 Pro, HUAWEI nova 2, HUAWEI MateBook X, HUAWEI 4G Router and HUAWEI VR 2.

ລາງວັນດ້ານການອອກແບບ iF Design Award ລິເລີ່ມຂື້ນໃນປີ 1953 ໂດຍອົງກອນຊ່ຽວຊານດ້ານການອອກແບບທີ່ເກົ່າແກ່ທີ່ສຸດໃນປະເທດເຢຍລະມັນຫຼື  iF Industry Forum Design ແລະ ໄດ້ມີການຈັດການປະກວດໃນແຕ່ລະປີ. ອົງກອນນີ້ໄດ້ຮັບການຍົກຍ້ອງວ່າເປັນອົງກອນດ້ານການອອກແບບທີ່ອິດສະຫຼະ, ມີຄວາມຊັດເຈນ ແລະ ເຊື່ອຖືໄດ້ໃນທົ່ວໂລກ. ໃນປີນີ້ເປັນປີທີ່ 65 ໃນການຈັດການປະກວດ, ເຊິ່ງມີຜູ້ເຂົ້າຮ່ວມການແຂ່ງຂັນຫຼາຍກວ່າ  6,400 ບໍລິສັດ ເຊິ່ງມາຈາກ 54 ປະເທດໃນທົ່ວໂລກ. ເຊິ່ງຜະລິດຕະພັນທີ່ໄດ້ຮັບລາງວັນຖືກຄັດເລືອກໂດຍ 63 ຜູ້ຊ່ຽວຊານດ້ານການອອກແບບອິດສະຫຼະໃນທົ່ວໂລກ. ລາງວັນເຫຼົ່ານີ້ແມ່ນສິ່ງທີ່ຢັ້ງຢືນຄຸນນະພາບດ້ານການອອກແບບ ແລະ ສະມັດຕະພາບດ້ານການເຮັດວຽກຂອງຜະລິດຕະພັນ. ປີນີ້ຫົວເຫວີຍໄດ້ຮັບລາງວັນໃນ 6 ຜະລິດຕະພັນຄື: 


HUAWEI MateBook X: ຂະໜາດ 12.5 ນິ້ວ, ນ້ຳໜັກ 1.05 ກິໂລ, ການອອກແບບ MateBook X ໄດ້ກຳນົດມາດຕະຖານໃຫມ່ສຳລັບແສງສະຫວ່າງ ແລະ ການພົກພາ, ຕົວເຄື່ອງເປັນໂລຫະ ສຳພັດສະບາຍມື, ມີເຄື່ອງສະແກນລາຍນິ້ວມື ແລະ ປຸ່ມເປີດປິດທີ່ລຽບງ່າຍ, ອັດຕາສ່ວນຂອງໜ້າຈໍ 88% ເຮັດໃຫ້ຜູ້ໃຊ້ງານເບິ່ງເຫັນໜ້າຈໍໄດ້ສະດວກສະບາຍ.



HUAWEI Mate 10: ມາພ້ອມກັບຊິບປະມວນຜົນໃໝ່ Kirin 970, ມີນະວັດຕະກຳໃໝ່ດ້ານການຖ່າຍຮູບເທິງມືຖື ແລະ ມີແບັດເຕີລີ້ 4000mAh ເຮັດໃຫ້ສາມາດໃຊ້ງານໄດ້ດົນ. ມີຟີເຈີ້ AI-powered ຢູ່ໃນກ້ອງໂທລະສັບທີ່ສາມາດປ່ຽນພາບພືນຫຼັງໄດ້ອັດຕະໂນມັດ ແລະ ການຈົດຈຳພາບຖ່າຍໄດ້ ເຮັດໃຫ້ສາມາດຖ່າຍຮູບໄດ້ງ່າຍ, ງາມ ແລະ ມ່ວນຂື້ນກວ່າເກົ່າ. 



HUAWEI Mate 10 Pro: ມີການອອກແບບທີ່ກະທັດຮັດ, ຂອບບາງ, ນ້ຳໜັກເບົາ, ຂະໜາດຈໍ 6 ນິ້ວ ແລະ ໂຄງສ້າງເປັນແກ້ວແບບ 3 ມິຕິ ຈັບແລ້ວສະບາຍມື ແລະ ຮູ້ສືກປະທັບໃຈ. ມີລະບົບ IP67 ເຮັດໃຫ້ໂທລະສັບສາມາດກັນນຳ້ ແລະ ກັນຝຸ່ນໄດ້, ພ້ອມໃຊ້ງານໃນທຸກສະຖານະການ. 



HUAWEI nova 2: ໂຄງສ້າງເປັນໂລຫະ ຂະໜາດຈໍ 6.9 ນິ້ວ, ເຄືອບສີເຊລາມິກເຮັດໃຫ້ເຫັນເສັ້ນໂຄ້ງມົນທີ່ຊັດເຈນ, ການອອກແບບມີຄວາມທັນສະໃໝ, ສີສັນສວາຍງາມ ແລະ ເຮັດໃຫ້ສະມາດໂຟນລຸ້ນນີ້ປຽບເໝືອນເຄື່ອງປະດັບແຟຊັ້ນຊະນິດໜື່ງ.



Huawei 4G Router: ໂສມໜ້າໃໝ່ຂອງການອອກແບບເລົາເຕີ້ທີ່ເຊື່ອງເສົາສັນຍານ, ຂະໜາດກະທັດຮັດ, ພົກພາສະດວກ,ສີຂາວສະບາຍຕາ ແລະ ຮູບຊົງທີ່ສວາຍງາມ. ສາມາດມ່ວນຊື່ນກັບການເຊື່ອມຕໍ່ອິນເຕີເນັດໄດ້ທັງເວລາທີ່ຢູ່ບ້ານ ແລະ ເວລາເດີນທາງ. 



HUAWEI VR 2: ມາພ້ອມກັບເລນ LCD, ການສະແດງຜົນ 3K, ສ້າງປະສົບການໃນການເບີ່ງຜ່ານເລນແບບເໝືອນຈິງໃຫ້ແກ່ຜູ້ໃຊ້. ເປັນຈໍ VR ທຳອິດທີ່ສາມາດເຊື່ອມຕໍ່ໄດ້ທັງສະມາດໂຟນ ແລະ ຄອມພິວເຕີ້. 


ຫົວເຫວີຍໄດ້ຍຶດໝັ້ນໃນການຄົ້ນຄວ້າວິໄຈ ແລະ ພັດທະນາດ້ານການອອກແບບຢ່າງຕໍ່ເໜື່ອງເພື່ອການເປັນຜູ້ນຳດ້ານການອອກແບບນະວັດຕະກຳໃໝ່ຂອງໂລກ, ສະແດງອອກໂດຍການການສ້າງສູນວິໄຈ ແລະ ພັດທະນາໃນຫຼາຍປະເທດທົ່ວໂລກ, ຮ່ວມມືກັບຜູ້ຊ່ຽຍຊານ ແລະ ໜ່ວຍງານດ້ານການອອກແບບລະດັບໂລກຄື Porsche Design ແລະ Pantone ອີກດ້ວຍ. ຕິດຕາມກັນຕໍ່ໄປເບີ່ງວ່າປີໜ້າຫົວເຫວີຍຈະມີນະວັດຕະກຳໃໝ່ອັນໃດອອກມາໃຫ້ພວກເຮົາໄດ້ຊົມໃຊ້ກັນແນ່.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.