Header Ads

ສສຊ ແລະ ສສຂ ພົບປະນາຍ ແລະພົນຕໍາຫຼວດ ກອງບັນຊາການປ້ອງກັນຄວາມສະຫງົບແຂວງຈໍາປາສັກ



ໃນຕອນເຊົ້າຂອງວັນທີ 9 ກຸມພາ 2018 ຜ່ານມານີ້ ທ່ານ ພົງສະເໜ່ ຍຸຕິທໍາ ຫົວໜ້າຄະນະຮັບຜິດຊອບວຽກງານເຂດເລືອກຕັ້ງສະພາແຫ່ງຊາດ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 15 ແຂວງຈໍາປາສັກ ສົມທົບ ກັບ ທ່ານ ອຸດົມສັກ ດີວິໄຊ ກໍາມະການພັກແຂວງ, ເລຂາຄະນະບໍລິຫານງານຊາວໜຸ່ນ ປະຕິວັດລາວ ແຂວງຈໍາປາສັກ ທັງເປັນສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງປາກເຊ ລົງເຄື່ອນໄຫວເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ແລະສະພາປະຊາຊົນແຂວງຈໍາປາສັກ ຊຸດທີ I ຢູ່ທີ່ກອງບັນຊາການປ້ອງກັນຄວາມສະຫງົບແຂວງຈໍາປາສັກ ໂດຍມີທ່ານ ພັທ ສຸກັນ ໄຕໄຊຍະວົງ ເລຂາຄະນະພັກຮາກຖານ, ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງຈໍາປາສັກ ມີຄະນະພັກ-ຄະນະບັນຊາ ຕະຫຼອດຮອດນາຍ ແລະພົນຕໍາຫຼວດເຂົ້າຮ່ວມຮັບຟັງຢ່າງພ້ອມພຽງ.



ວາລະດໍາເນີນກອງປະຊຸມ ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງ ໄດ້ໂອ້ລົມເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ແລະສະພາປະຊາຊົນແຂວງຈໍາປາສັກ ຊຸດທີ I. ໂດຍໄດ້ຍົກໃຫ້ເຫັນບັນຍາກາດ ແລະຫຼາຍບັນຫາຄໍາຄັນທີ່ທັງ 2 ີກອງປະຊຸມໄດ້ຄົ້ນຄວ້າພິຈາລະນາຮັບຮອງເອົາ ເຊັ່ນ: ກອງປະຊຸມໄດ້ຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ, ຄາດຄະເນໝົດປີ 2017 ແລະແຜນການປີ 2018; ຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ



ຄາດຄະເນໝົດປີ 2017 ແລະແຜນການປີ 2018; ຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດວຽກງານທ່ອງທ່ຽວໃນຊຸມປີຜຜ່ານມາ ແລະທິດທາງແຜນການປີ 2018; ແລະ ອື່ນໆ ທັງນີ້, ກໍ່ເພື່ອເຮັດໃຫ້ບັນດານາຍ ແລະພົນທະຕໍາຫຼວດ ໄດ້ເຊື່ອມຊຶມ, ຮັບຮູ້ ແລະເຂົ້າໃຈຢ່າງເລິກເຊິ່ງ ຕໍ່ກັບເນື້ອໃນມະຕິຕ່າງໆ ທີ່ສະພາແຫ່ງຊາດ ແລະສະພາປະຊາຊົນແຂວງຈໍາປາສັກ ໄດ້ພິຈາລະນາ ຮັບຮອງເອົາ ເພື່ອນໍາໄປຈັດຕັ້ງຜັນຂະຫຍາຍເຂົ້າໃນວຽກງານຂອງກົມກອງ. ຕອນທ້າຍຍັງໄດ້ຮັບຟັງຄໍາຄິດ-ຄໍາເຫັນ, ຄໍາສະເໜີ ຄວາມຂັດຂ້ອງໝອງໃຈຂອງບັນດານາຍ ແລະພົນທະຫານ ແລະ ຕໍ່ກັບຄໍາສະເໜີດັ່ງກ່າວ ບັນດາທ່ານສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງກໍ່ໄດ້ຊີ້ແຈງ ແລະອະທິບາຍໃຫ້ຄວາມເຂົ້າໃຈກັບທີ່, ສ່ວນບັນຫາທີ່ບ່ໍສາມາດຊີແຈງອະທິບາຍໄດ້ ກອງເລຂາໄດ້ບັນທຶກເປັນລາຍລັກອັກສອນຢ່າງລະອຽດ ເພື່ອນໍາໄປຄົ້ນຄວ້າ ແລະຊຸກຍູ້ໃຫ້ພາກສ່ວນທີ່ກ່ຽວຂ້ອງແກ້ໄຂ. ຄະນະດັ່ງກ່າວຍັງສືບຕໍ່ເຄື່ອນໄຫວຢູ່ໂຮງຮຽນວິທະຍາໄລວະທະຍາສາດສຸຂະພາບ ແຂວງຈໍາປາສັກອີກດ້ວຍ.

ພາບ-ຂ່າວ ສົມວິຈິດ ໄຊມົນຕີ (ສວຈ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.