Header Ads

ມີລົດຈັກເສຍ 100 ກວ່າຄັນສະເພາະເດືອນມັງກອນ 2018




ບັນຫາກຸ່ມຄົນບໍດີກໍ່ເຫດເຄື່ອນໄຫວລັກລົດຈັກຂອງພົນລະເມືອງຢູ່ນະຄອນຫຼວງວຽງຈັນ, ເຊິ່ງມັນໄດ້ສ້າງຄວາມ ເສຍຫາຍຈໍານວນຫຼາຍ. ແນວໃດກໍຕາມ, ເຈົ້າໜ້າທີ່ຕໍາຫຼວດວິຊາສະເພາະ ກໍເອົາໃຈໃສ່ແກ້ໄຂຕິດຕາມເກັບກູ້ຄືນ ໄດ້ຈາກຄົນຮ້າຍທີ່ລັກໄປ ເພື່ອໄປມອບໃຫ້ເຈົ້າຂອງເດີມຫຼາຍຄັນ. ແຕ່ກໍ່ແກ້ໄຂໄດ້ສ່ວນໃດໜຶ່ງເທົ່ານັ້ນ ເຊິ່ງເປັນພຽງ ປາຍເຫດ ຍັງບໍສາມາດຄວາມຄຸມ ແລະ ຢຸດມັນໄດ້ສະແດງອອກໃນເດືອນມັງ ກອນ 2018 ທົ່ວນະຄອນຫຼວງວຽງຈັນ ມີປະກົດການຫຍໍ້ທໍ້ເກີດຂຶ້ນທັງໝົດ ເກືອບ 300 ເລື່ອງ ສ້າງຄວາມເສຍຫາຍ 1.794 ລ້ານກວ່າກີບ ເພີ່ມຂຶ້ນຈາກ ເດືອນກ່ອນ 38 ເລື່ອງ ພົ້ນເດັ່ນແມ່ນລັກ ລົດຈັກຂອງປະຊາຊົນ ກວມເອົາ 90 ເລື່ອງ ມີລົດຈັກເສຍໄປ 100 ກວ່າຄັນ.
ເຈົ້າໜ້າທີ່ ປກສ ນະຄອນຫຼວງວຽງ ຈັນ ໃຫ້ຮູ້ວ່າ: ສະພາບຄວາມບໍ່ເປັນລະ ບຽບຮຽບຮ້ອຍທາງສັງຄົມຢູ່ນະຄອນ ຫຼວງວຽງຈັນ ໃນເດືອນມັງກອນ 2018 ບັນຫາປະກົດການຫຍໍ້ທໍ້ທີ່ເກີດຂຶ້ນ ຍັງແມ່ນການເຄື່ອນໄຫວພວກຕ້ອງ ໂທດທາງອາຍາປະເພດຕ່າງໆ ເຊັ່ນ: ການປຸ້ນຈີ້-ຊິງ, ລັກຊັບພົນລະເມືອງ, ຊື້ຊັບ ຜິດກົດໝາຍ, ກໍ່ເຫດອາລະວາດ ຄອບຄົວ, ທໍາມິດສະຈານ, ທໍາຮ້າຍຮ່າງກາຍ ແລະ ອັກຄີໄພ ສະແດງອອກໃນຕົວເລກຄະດີເກີດຂຶ້ນທັງໝົດເກືອບ 294 ເລື່ອງ ເພີ່ມ ຂຶ້ນຈາກເດືອນກ່ອນ 38 ເລື່ອງ; ໃນນີ້, ສາມາດແກ້ໄຂໄດ້ 159 ເລື່ອງ, ກັກຕົວຜູ້ກະທໍາຜິດໄດ້ 343 ຄົນ ຍິງ 38 ຄົນ ສ້າງຄວາມເສຍຫາຍ 1.794 ລ້ານກວ່າກີບ ພົ້ນເດັ່ນແມ່ນລັກລົດຈັກຂອງປະຊາຊົນກວມ ເອົາ 90 ເລື່ອງ ມີລົດຈັກ ຖືກລັກ 104 ຄັນ ແກ້ໄຂໄດ້ 5 ເລື່ອງ, ລັກລົດໃຫຍ່ 1 ເລື່ອງ, ລັກຊັບພົນລະເມືອງ 49 ເລື່ອງເພີ່ມຂຶ້ນຈາກເດືອນກ່ອນ 11 ເລື່ອງ ແກ້ໄຂໄດ້ 26 ເລື່ອງ ກັກຕົວຜູ້ກະທໍາຜິດໄດ້ 57 ຄົນ, ຊິງຊັບພົນ ລະເມືອງ 16 ເລື່ອງ.
ນອກນີ້, ເຈົ້າໜ້າທີ່ວິຊາສະເພາະ ຍັງສາມາດສະກັດກັ້ນ ແລະ ບັນດາພວກ ລັກລັອບເຄື່ອນໄຫວຊື້-ຂາຍຢາເສບຕິດ ໄດ້ 36 ເລື່ອງ, ເພີ່ມຂຶ້ນຈາກເດືອນ ຜ່ານມາ 11 ເລື່ອງ ກັກຕົວຜູ້ຖືກຫາໄດ້ 97 ຄົນ ຍິງ 13 ຄົນ, ແກ້ໄຂຜູ້ເສບຢາ ເສບຕິດ 30 ເລື່ອງ ມີຜູ້ຖືກຫາ 93 ຄົນ ຍິງ 4 ຄົນ. ນອກນີ້, ຍັງສາມາດ ແກ້ໄຂປະກົດການຫຍໍ້ທໍ້ກຸ່ມແກ້ງກວນ ເມືອງ ເຊັ່ນ: ກຸ່ມແກ້ງຂີ່ລົດກວນເມືອງ ແລະ ນັກເລງອັນຕະພານສາມາດກັກ ລົດຈັກ ໄດ້ 35 ຄັນ ແລະ ແກ້ໄຂສຳ ເລັດ 20 ຄັນ.

ພາບ ແລະ ຂ່າວ:  ນສພ ຄວາມສະຫງົບ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.