Header Ads

ຊາຍຄົນນີ້ເກີດມາເພື່ອເສກໃຫ້ຄົນເປັນນາງຟ້າ ໃນວັນສໍາຄັນ! ເຈົ້າສາວທີ່ແສນງົດງາມ



ເມື່ອເອີຍເຖິ່ງວັນສຳຄັນຂອງສາວໆ ແນ່ນອນວ່າ ນອກຈາກວັນເກີດທີ່ໄດ້ມີໂອກາດ ຕອບແທນພຣະຄຸນບິດາມານດາ, ທີ່ໄດ້ກຳເນີດຕົນເອງມາ. ອີກວັນທີ່ສາວໆ ທຸກຄົນຕັ້ງໜ້າລໍຄອຍ ພ້ອມກັບກຳລັງໃຈ ແລະ ຄວາມຫວັງຂອງພໍ່ແມ່ ແລະ ຍາດພີ່ນ້ອງ ຄືວັນທີ່ໄດ້ເຫັນ ລູກສາວ ຂອງຕົນໄດ້ເປັນຝັ່ງເປັນຝາ, ໄດ້ຈັບມືຖືແຂນຊາຍຮັກເຂົ້າສູ່ປະຕູວິວາ.



ສາວໆທຸກຄົນໃນວັນສໍາຄັນນີ້, ບໍ່ວ່າຈະຕົນເອງໂດຍທຳມະຊາດຈະເປັນຄົນງາມ, ຄົນຂີ້ລ້າຍທ້າຍເປ ຫຼື ອີຫຍັງກະຢ່າ. ແຕ່ໃນວັນທີ່ສຳຄັນ ເພື່ອຍ່າງເຂົ້າສູ່ປະຕູວິວາ ກັບຄົນຮັກ ຜູ່ທີ່ຈະເປັນສາມີອັນທີ່ຮັກ. ຄືວັນທີ່ ສາວຄົນດັ່ງກ່າວຈະເປັນນາງຟ້າ ແລະ ໃນງານນັ້ນ, ກໍ່ຈະບໍ່ມີສາວງາມຄົນໃດ ທີ່ຈະມາງາມເລີດເຈີດປັດຕະພີ ມາທຽບທັນໄດ້.



ອາຊີບນັກແຕ່ງໜ້າ ຫຼື ອາຊີບເສີມຄວາມງາມ ເສີມສວຍ ກໍ່ຖືວ່າເປັນງານສຳຄັນ ທີ່ຈະເປັນຜູ່ເນລະມິດ ເສກສັນ ປະດັບ ປະດາ ໃຫ້ເຈົ້າສາວ ໄດ້ເຜີຍໂສມຢ່າງງົດງາມ ຈົນເຮັດໃຫ້ເຈົ້າບ່າວຕາຄ້າງ.




ແນ່ນອນວ່າ ໃນວົງການນັກແຕ່ງໜ້າເຈົ້າສາວມືອາຊີບ ໃນລາວ ກໍ່ບໍ່ມີເທົ່າໃດຄົນ ທີ່ຈະບອກໄດ້ວ່າ ພໍຮອດລະດູແຕ່ງງານແລ້ວ ງານເຂົ້າຈົນວ່າຕ້ອງໄດ້ປະຕິເສດລູກຄ້າໄປເລີຍ. ມື້ນີ້ ທີມງານໂທລະໂຄ່ງ ຈະມາໃຫ້ຮູ້ຈັກກັບ ຜູ່ທີ່ເສກສັນປັ້ນແຕ່ງເຈົ້າສາວໃຫ້ກາຍເປັນນາງຟ້າ, ເອລິກ ສຸມູນທອງ (Alick Sumoonthong), 

ເຊິ່ງຄວາມເປັນມືອາຊີບ ແລະ ສື່ສຽງອັນໂດງດັງຂອງ ເອລິກ ຈົນວາລະສານ 108 ອາຊີບ ໄດ້ດຶງໄປຂຶ້ນໜ້າປົກວາລະສານ ໃນປີ 2017 ຜ່ານມາ.







ເອລິກໄດ້ເລົ່າສູ່ທີມງານໂທລະໂຄ່ງຟັງວ່າ, ເອລິກເປັນຄົນໜຶ່ງ ທີ່ມັກຄວາມສວຍຄວາມງາມ ແລະ ໃນການແຕ່ງໜ້າແຕ່ນ້ອຍໆ. ລາວຈະມັກເບິ່ງຄົນອື່ນແຕ່ງແລ້ວມາຮຽນແຕ່ງໃຫ້ກັບຄົນໃນຄອບຄົວແລະໝູ່ເພືອນ ແລ້ວເວລາແຕ່ງຫນ້າໃຫ້ແຕ່ລະຄົນ ເອລິກ ຈະເຫັນຮອຍຍີ່ມ ເພາະເຫັນກະເຈົ້າມີຄວາມສຸກເລີຍກໍໃຫ້ເກິດແຮງບັນດານໃຈເລືອກມາເດີ່ນໃນສາຍອາຊີບ  Makeup ເພາະມັນເປັນອາຊີບທີ່ຮູ້ສຶກວ່າເຮັດແລ້ວມີຄວາມສຸກກັບວຽກນີ້ທີ່ສຸດ.



ສິ່ງສຳຄັນການທີ່ໄດ້ມາເຮັດໃຫ້ເຈົ້າສາວໄດ້ມີຄວາມງົດງາມໃນວັນສຳຄັນ ຄືການທີ່ເຮັດໃຫ້ວັນນັ້ນຂອງພວກເຂົາສົມບູນແບບ ແລະ  ໄດ້ເຮັດໃຫ້ທຸກຄົນງາມທຸກຄົນມີຮອຍຍີ່ມ ມີຄວາມສຸກ. ສິ່ງສຳຄັນທີ່ສຸດທີ່ ເອລິກ ໃສ່ໃຈຄືກັນເຮັດໃຫ້ເຈົ້າສາວ ກໍ່ຄືລູກຄ້າ ທີ່ມາຮັບການແຕ່ງໜ້າທຸກຄົນ ໄດ້ຮັບຄວາມປະທັບໃນ ແລະ ເພິ່ງພໍໃຈທີ່ສຸດ. ເພາະກ່ອນຈະເລີ່ມເນລະມິດເຈົ້າສາວແຕ່ລະຄົນ ທີ່ພວກເຂົາມີຮູບຮ່າງລັກສະນະ ໜ້າຕາ ສີຜິວ ທີ່ແຕກຕ່າງກັນນັ້ນ,​ ເອລິກບອກວ່າຄືຄວາມທ້າທາຍ ທີ່ຕ້ອງໄດ້ຄິດ ແລະ ຈິນຕະນາການວ່າ ຈະແປງໂສມ ແລະ ແຕ່ງເຕີມແບບໃດ ໃຫ້ພວກເຂົາອອກມາງາມ ແລະ ໂດດເດັ່ນທີ່ສຸດ.



ເອລິກຍັງເວົ້າແກມຫົວວ່າ: ບາງທີ່ກະຄິດຈົນວ່າໄມເກຣນຊິຂຶ້ນພຸ້ນລະ ເພາະບໍ່ຢາກໃຫ້ລູກຄ້າແຕ່ລະຄົນຜິດຫວັງ, ຈິ່ງຕ້ອງໄດ້ໃສ່ໃຈທຸກລາຍລະອຽດ ໃຫ້ທຸກຄົນອອກມາງາມທີ່ສຸດ ແລະ ມີເອກະລັກ.  ເພາະເພິງພໍໃຈກັບການເນລະມິດຂອງເອລິກທຸກຄັ້ງ ມັນຄືສິ່ງທີ່ພິເສດທີ່ສຸດສຳລັບ ເອລິກ 😍 ແລະ ຄຳວ່າຊ່າງແຕ່ງໜ້າ.

ເອົາລະນໍ້, ເວົ້າມານີ້ກໍ່ຫຼາຍສົມຄວນ ພວກເຮົາມາເບິ່ງນໍາກັນເລີຍເຖິງຜົນງານຜ່ານມາຂອງມືເທບແຫ່ງການແຕ່ງໜ້າ.























ສຳລັບທ່ານໃດທີ່ສົນໃຈໃຊ້ບໍລິການຂອງເພິ່ນກໍ່ສາມາດພົວພັນໄປທາງເຟສບຸກ: Alick Sumoonthong ຫຼື ໂທເບີ: 02055223345 ຫຼືທາງ IG: Alick_sumoonthong

ພິເສດ: ເພິ່ນບອກວ່າຖ້າແມ່ນແຟນຄຣັບໂທລະໂຄ່ງແລ້ວ ເພິ່ນຊິແຕ່ງໃຫ້ງົດງາມດັ່ງນາງຟ້າ ແລະ ລາຄາພິເສດໄປເລີຍ.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.